ഗസ്സയിൽ വീണ്ടും ഇസ്രായേൽ ആക്രമണം. മരണപ്പെട്ടവർ നിരവധി പേർ. വ​ട​ക്ക​ൻ ഗ​സ്സ​യി​ലെ ബെയ്ത്ത് ലാ​ഹി​യ പ​ട്ട​ണ​ത്തി​ൽ വീ​ടു​ക​ൾ​ക്കു നേ​രെ​യു​ണ്ടാ​യ ഇ​സ്രാ​യേ​ൽ ബോം​ബാ​ക്ര​മ​ണ​ത്തി​ൽ 18 പേ​ർ കൊ​ല്ല​പ്പെ​ട്ടു. റഫയിലും വ്യാപക ആക്രമണം തുടരുകയാണ്​ ഇസ്രായേൽ.ഇസ്രായേൽ- ലബനാൻ സംഘർഷം യുദ്ധമാവാതിരിക്കാൻ അമേരിക്കയും യൂറോപ്യൻ യൂണിയനും ശ്രമം തുടരുകയാണ്. ഇസ്രായേൽ- ലബനാൻ യുദ്ധസാഹചര്യം ഒഴിവാക്കാൻ എല്ലാ ശ്രമങ്ങളും തുടരുന്നതായി വൈറ്റ്​ ഹൗസ് അറിയിച്ചു​. ആരും തന്നെ യുദ്ധവ്യാപ്​തി ആഗ്രഹിക്കുന്നില്ലെന്നും ഇരുപക്ഷവും സംയമനം പുലർത്തണമെന്നും വൈറ്റ്​ ഹൗസ്​ ആവശ്യപ്പെട്ടു. ഗസ്സയിലെ വെടിനിർത്തൽ യാഥാർഥ്യമായാൽ ലബനാൻ, ഇസ്രായേൽ സംഘർഷം ഒഴിവാക്കാൻ കഴിയുമെന്നും അന്തർദേശീയ സമൂഹം സമാധാനശ്രമം ഊർജിതമാക്കണമെന്നും യൂറോപ്യൻ യൂണിയൻ രാഷ്​ട്രീയകാര്യ മേധാവി ജോസഫ്​ ബോറൽ പറഞ്ഞു.

മറ്റൊരു യുദ്ധം കൂടി താങ്ങാനുള്ള ശേഷി മേഖലയ്ക്കില്ലെന്നും രാഷ്​ട്രീയ പ്രശ്​നപരിഹാരമാ​ണ്​ ഈ ഘട്ടത്തിൽ വേണ്ടതെന്നും ബോറൽ ചൂണ്ടിക്കാട്ടി. ഇസ്രായേലിന്റെ സുരക്ഷയും വിജയവും ഉറപ്പാക്കുകയാണ്​ ത​ന്റെ പ്രധാന ലക്ഷ്യമെന്നും അടച്ചിട്ട മുറികൾക്കുള്ളിലെ ചർച്ച വിജയിച്ചില്ലെങ്കിൽ കടുത്ത തീരുമാനവുമായി മുന്നോട്ടുപോവുമെന്നും നെതന്യാഹു. തങ്ങളുടെ സൈനിക താവളങ്ങൾ ഇസ്രായേലിന്​ തുറന്നുകൊടുക്കില്ലെന്ന്​ ​ലബനാനിലെ സൈപ്രസ്​ അംബാസഡർ പറഞ്ഞു.ഇസ്രായേലിന്​ സൈനിക സഹായം നൽകിയാൽ സൈപ്രസിനെ വെറുതെവിടില്ലെന്ന്​ ഹിസ്​ബുല്ല നേതാവ്​ ഹസൻ നസ്​റുല്ല കഴിഞ്ഞദിവസം താക്കീത്​ ചെയ്​തിരുന്നു.അതിനിടെ, തെക്കൻ ലബനാനിലെ ബിന്റ് ജെബീൽ പട്ടണത്തിന്റെ പ്രാന്തപ്രദേശത്ത് ഇസ്രായേൽ നടത്തിയ ഷെല്ലാക്രമണത്തെ തുടർന്ന്​ തീ പടർന്നു.

ആളപായം റിപ്പോർട്ട് ചെയ്തിട്ടില്ലെന്ന് ലബനാൻ പ്രാദേശിക മാധ്യമങ്ങൾ. കഫാർ കില, ബുർജ് അൽ- മുലൂക്ക്, ടാലെറ്റ് അൽ- അസീസിയ, മർജയൂൺ പ്ലെയിൻ എന്നീ പട്ടണങ്ങളുടെ പ്രാന്തപ്രദേശങ്ങളെ ലക്ഷ്യമിട്ടായിരുന്നു ഇസ്രായേൽ ഷെല്ലാക്രമണം. മെതുല്ലയിലെ ഇസ്രായേൽ സൈനിക കേന്ദ്രത്തിനു നേരെ ഹിസ്​ബുല്ലയുടെ മിസൈൽ ആക്രമണം നടന്നു. ഹിസ്​ബുല്ല അയച്ച മൂന്ന്​ റോക്കറ്റുകൾ ഇസ്രായേലിൽ പതിച്ചു.ആയുധവിതരണവുമായി ബന്ധപ്പെട്ട്​ അമേരിക്കൻ നേതാക്കളുമായി നടന്ന ചർച്ചയിൽ നിർണായക പുരോഗതിയെന്ന്​ ഇസ്രായേൽ പ്രതിരോധ മന്ത്രി യോവ്​ ഗാലന്റ് പറഞ്ഞു​.എ​ട്ടു​മാ​സ​ത്തി​ല​ധി​ക​മാ​യി തു​ട​രു​ന്ന ഗ​സ്സ​യി​ലെ വം​ശ​ഹ​ത്യ​ക്ക് ഇ​സ്രാ​യേ​ലി​ന് ഇ​ന്ത്യ​ൻ നി​ർ​മി​ത ആ​യു​ധ​ങ്ങ​ളെ​ത്തു​ന്ന​താ​യി റി​പ്പോ​ർ​ട്ട്. ഇ​സ്രാ​യേ​ൽ ല​ക്ഷ്യ​മാ​ക്കി ഇ​ന്ത്യ​ൻ തു​റ​മു​ഖ​ങ്ങ​ളി​ൽ​നി​ന്ന് പു​റ​​പ്പെ​ട്ട ച​ര​ക്കു​ക​പ്പ​ലു​ക​ളു​ടെ രേ​ഖ​ക​ളും ഗ​സ്സ​യി​ൽ വ​ർ​ഷി​ച്ച ബോം​ബു​ക​ളു​ടെ​യും ഉ​പ​യോ​ഗി​ച്ച ഡ്രോ​ണു​ക​ളു​ടെ​യും വി​ശ​ദാം​ശ​ങ്ങ​ളും വി​ശ​ക​ല​നം ചെ​യ്ത് ‘അ​ൽ ജ​സീ​റ’​യാ​ണ് ഇ​ക്കാ​ര്യം റി​പ്പോ​ർ​ട്ട് ചെ​യ്ത​ത്.

ഇ​സ്രാ​യേ​ലി​ലേ​ക്ക് ആ​യു​ധ​ങ്ങ​ളു​മാ​യി പോ​കു​ക​യാ​ണെ​ന്ന സം​ശ​യ​ത്തി​ൽ മേ​യ് 15ന് ​സ്പാ​നി​ഷ് തീ​ര​ത്ത് ത​ട​ഞ്ഞു​വെ​ച്ച ച​ര​ക്കു ക​പ്പ​ൽ ‘ബോ​ർ​കു​മി’​ൽ ഇ​ന്ത്യ​യി​ൽ​നി​ന്നു​ള്ള ആ​യു​ധ​ങ്ങ​ളാ​ണു​ണ്ടാ​യി​രു​ന്ന​തെ​ന്ന് രേ​ഖ​ക​ൾ വ്യ​ക്ത​മാ​ക്കു​ന്നു. ചെ​ന്നൈ തു​റ​മു​ഖ​ത്തു​നി​ന്ന് ഏ​​പ്രി​ൽ ര​ണ്ടി​ന് പു​റ​പ്പെ​ട്ട ക​പ്പ​ൽ ഇ​സ്രാ​യേ​ൽ തു​റ​മു​ഖ​മാ​യ അ​ഷ്ദോ​ദ് ല​ക്ഷ്യ​മാ​ക്കി​യാ​ണ് നീ​ങ്ങി​യി​രു​ന്ന​ത്. 20 ട​ൺ റോ​ക്ക​റ്റ് എ​ൻ​ജി​ൻ, 12.5 ട​ൺ റോ​ക്ക​റ്റു​ക​ൾ, 1500 കി​ലോ വെ​ടി​മ​രു​ന്ന് എ​ന്നി​വ​യാ​ണ് ക​പ്പ​ലി​ൽ ഉ​ണ്ടാ​യി​രു​ന്ന​തെ​ന്ന് ‘സോ​ളി​ഡാ​രി​റ്റി നെ​റ്റ്‍വ​ർ​ക്ക് എ​ഗെ​യി​ൻ​സ്‍റ്റ് ദി ​ഫ​ല​സ്തീ​നി​യ​ൻ ഒ​ക്കു​പേ​ഷ​ൻ’ എ​ന്ന സം​ഘ​ട​ന​ക്ക് ല​ഭി​ച്ച രേ​ഖ​ക​ളി​ൽ പ​റ​യു​ന്നു.ഗ​സ്സ​യി​ലെ നു​സൈ​റാ​ത് അ​ഭ​യാ​ർ​ഥി ക്യാ​മ്പി​നു​നേ​രെ ഇ​​സ്രാ​യേ​ൽ ന​ട​ത്തി​യ ആ​ക്ര​മ​ണ​ത്തി​നു​ശേ​ഷം ല​ഭി​ച്ച മി​സൈ​ലി​ന്റെ അ​വ​ശി​ഷ്ട​ങ്ങ​ളി​ൽ ‘മെ​യ്ഡ് ഇ​ൻ ഇ​ന്ത്യ’ എ​ന്ന് രേ​ഖ​പ്പെ​ടു​ത്തി​യ വി​ഡി​യോ പു​റ​ത്തു​വ​ന്ന​തും സം​ശ​യം ബ​ല​പ്പെ​ടു​ത്തു​ന്നു. ഇ​സ്രാ​യേ​ലി ആ​യു​ധ ക​മ്പ​നി​ക​ൾ​ക്കു​വേ​ണ്ടി റോ​ക്ക​റ്റ്​ മോ​ട്ടോ​റു​ക​ളും മി​സൈ​ൽ ഭാ​ഗ​ങ്ങ​ളും നി​ർ​മി​ക്കു​ന്ന​ത് ഇ​ന്ത്യ​ൻ ക​മ്പ​നി​ക​ളാ​ണ്.

ഇ​സ്രാ​യേ​ലി​ൽ​നി​ന്ന് വ​ൻ തു​ക​ക്കു​ള്ള ക​യ​റ്റു​മ​തി ഓ​ർ​ഡ​ർ ല​ഭി​ച്ചെ​ന്ന് ഇ​ന്ത്യ​ൻ ക​മ്പ​നി മേ​ധാ​വി വെ​ളി​പ്പെ​ടു​ത്തി​യി​രു​ന്നു. അഭയാർത്ഥി ക്യാമ്പുകൾ ലക്ഷ്യമിടരുതെന്ന് നിരന്തരം മുന്നറിയിപ്പ് നൽകുന്നുണ്ട് ഇസ്രായേലിന്. അമേരിക്കയടക്കം വിലക്കിയിട്ടും അവസാനമില്ലാത്ത യുദ്ധം എന്ന് ലോകത്തെ തന്നെ വെല്ലുവിളിച്ചുകൊണ്ട് കണ്ണില്ലാത്ത ക്രൂരതകൾ തുടരുകയാണ് നെതന്യാഹുവിന്റെ ഭരണകൂടം. മഹാനാശത്തിന്റെ വക്കിലെത്തിയിരിക്കുന്നു ഫലസ്തീൻ. ഓരോ ദിവസം കഴിയുംതോറും കടുത്ത ക്രൂരതകൾ പുതിയ രീതിയിൽ നിസ്സഹായരായ മനുഷ്യർക്ക് നേരെ പ്രയോഗിക്കുകയാണ് ഇസ്രായേൽ.ഗസ്സയിലെ ജബലിയ അഭയാർത്ഥി ക്യാമ്പിൽ നടത്തിയ സൈനിക ഓപ്പറേഷനിടെ അഭയാർത്ഥികൾ താമസിക്കുന്ന ടെന്റിലേക്ക് നായയെ അഴിച്ചുവിട്ടു.