ഗസ്സ സിറ്റിയിൽ നിന്ന് മുഴുവൻ ഫലസ്തീനികളോടും ഒഴിഞ്ഞു പോകണമെന്ന മുന്നറിയിപ്പുമായി ഇസ്രായേൽ സൈന്യം രംഗത്ത്. വെടിനിർത്തൽ ചർച്ച നടക്കാനിരിക്കവെയാണ് ഇസ്രായേൽ സൈന്യത്തിന്റെ മുന്നറിയിപ്പ്. എന്നാൽ ഹമാസ് വ്യക്തമാക്കുന്നത്  ഇസ്രായേലിന്‍റെ തന്ത്രം മാത്രമാണ് ഒഴിഞ്ഞുപോകൽ ഭീഷണിയെന്നാണ് . അതിനിടെ ഇസ്രായേൽ മിനി ക്യാബിനെറ്റ്  യോഗം ഇന്ന് ചേരുവാനിരിക്കുകയാണ്. കെയ്റോയിലും ദോഹയിലുമായി വെടിനിർത്തൽ ചർച്ചകൾ പുരോഗമിക്കുന്നു.  

 അതേസമയം ഇന്നലെ മാത്രം ഗസ്സയിൽ 54 പേരാണ്  കൊല്ലപ്പെട്ടത്.  ബോംബുവർഷം നടക്കുന്നത്, മധ്യ ഗസ്സയിലെ ദെയ്ർ അൽ-ബലാഹിൽ ഇസ്രായേൽ സൈന്യം പ്രഖ്യാപിച്ച 'സുരക്ഷിത മേഖല' ഉൾപ്പെട്ട അഭയാർഥി ക്യാമ്പുകളിലായിരുന്നു  .  വ്യോമാക്രമണത്തിൽ നുസൈറാത്ത് അഭയാർഥി ക്യാമ്പിലെ മൂന്ന് വീടുകൾ തകർന്ന് അഞ്ച് കുട്ടികളടക്കം 12 പേരാണ്  കൊല്ലപ്പെട്ടത് .

 ഗസ്സ സിറ്റിയിൽ നിന്ന് മുഴുവൻ പേരും ഒഴിഞ്ഞു പോകണമെന്നാവശ്യപ്പെട്ട് സൈന്യം ലഘുലേഖകൾ വിതരണം ചെയ്യുകയുണ്ടായി. ജനങ്ങളോട് ഒഴിഞ്ഞു പോകാനുള്ള ആഹ്വാനം  കൂടുതൽ വ്യാപ്തിയുളള ആക്രമണത്തിന് മുന്നോടിയായാണ് എന്നും       സൈന്യം വ്യക്തമാക്കി .