ഫ്രാന്സിസ് മാര്പാപ്പ രാജിയ്ക്കൊരുങ്ങുന്നു!!! ഇപ്പോഴത്തെ രോഗത്തില് നിന്ന് സുഖംപ്രാപിച്ചാല് തന്നെ ഒരു മാസത്തിനുള്ളില് പോപ്പ് പദവിയൊഴിയും?
ഫ്രാന്സിസ് മാര്പാപ്പ രാജിയ്ക്കൊരുങ്ങുന്നു. ഇപ്പോഴത്തെ രോഗത്തില് നിന്ന് സുഖംപ്രാപിച്ചാല്തന്നെ ഒരു മാസത്തിനുള്ളില് പോപ്പ് പദവിയൊഴിയും. 88 കാരനായ ഫ്രാന്സിസ് മാര്പാപ്പ അനാരോഗ്യവും രോഗങ്ങളും മൂലം വലയുന്ന സാഹചര്യത്തിലാണ് ഇത്തൊരുമൊരു തീരുമാനം വരിക. 120 കോടി കത്തോലിക്കാ വിശ്വാസികളുടെ ആത്മീയ പിതാവായ മാര്പ്പാപ്പയ്ക്ക് സഭാഭരണം മുന്നോട്ടുകൊണ്ടുപോകാന് സാധിക്കാത്ത സാഹചര്യത്തിലാണ് രാജിവച്ചൊഴിയാനുള്ള നീക്കം. മുന് മാര്പാപ്പ ബെനഡിക്ട് പതിനാറാമനെപ്പോലെ പാപ്പാസ്ഥാനം രാജിവച്ചൊഴിയാനും പുതിയ മാര്പ്പായെ തെരഞ്ഞെടുത്ത് ഭരണകൈമാറ്റം നടത്താനുമാണ് തീരുമാനം. ഇനി പാപ്പാ പദവിയില് ഇരിക്കുന്നത് പ്രായോഗികമായി തെറ്റാണെന്നും ചുമതല നിറവേറ്റാന് ആരോഗ്യം അനുവദിക്കില്ലെന്നും ഫ്രാന്സിസ് മാര്പാപ്പ തിരിച്ചറിഞ്ഞിരിക്കുന്നു. മരണം വരെ പാപ്പാ സ്ഥാനം വഹിക്കണമെന്ന നിയമം കത്തോലിക്കാ സഭയിലില്ല. മുന്കാലങ്ങളില് വിവിധ പോപ്പുമാര് അനാരോഗ്യത്തെത്തുടര്ന്ന് പാപ്പാ സ്ഥാനം രാജിവച്ച് മറ്റൊരു കര്ദിനാളിനെ പാപ്പായായി തെരഞ്ഞെടുത്തിരുന്നു.
റോമിലെ ജെമെല്ലി ആശുപത്രിയില് കഴിയുന്ന ഫ്രാന്സിസ് മാര്പാപ്പയുടെ ആരോഗ്യനില അതിസങ്കീര്ണമാണ്. ശ്വാസകോശത്തിലെ രോഗത്തിനു പുറമെ കടുത്ത ന്യൂമോണിയയെയും മാര്പാപ്പയെ ബാധിച്ചിരിക്കുന്നു. ഒരാഴ്ചയായി ശ്വാസകോശ അണുബാധയെ തുടര്ന്ന് ബുദ്ധിമുട്ടിലായ പോപ്പിനെ ഫെബ്രുവരി 14-നാണ് റോമിലെ ജെമെല്ലി ആശുപത്രിയില് പ്രവേശിപ്പിച്ചത്. വിദഗ്ധ ചികിത്സ മാര്പാപ്പയ്ക്ക് നല്കുന്നുണ്ടെങ്കിലും ഇനി ആരോഗ്യത്തോടെ തിരിച്ചുവരാനുള്ള സാഹചര്യങ്ങളില്ലെന്ന് സഭാനേതൃത്വം മനസിലാക്കിയിരിക്കുന്നു. ഫ്രാന്സിസ് മാര്പാപ്പ രാജിവച്ചാല് ഒട്ടും വൈകാതെ വത്തിക്കാനില് കര്ദിനാള്മാരുടെ സംഘം ഒരുമിച്ചുകൂടി പുതിയ പോപ്പിനെ തെരഞ്ഞെടുക്കും. 80 വയസില് താഴെ പ്രായമുള്ള വിവിധ രാജ്യങ്ങളില്നിന്നുള്ള കര്ദിനാള്മാര്ക്കാണ് മാര്പ്പായുടെ തെരഞ്ഞെടുപ്പില് വോട്ടവകാശമുള്ളത്. നിലവില് കേരളത്തില് നിന്നുള്പ്പെടെ 120 കര്ദിനാള്മാര്ക്കാണ് അടുത്ത പോപ്പിനെ തെരഞ്ഞെടുക്കാന് വോട്ടവകാശമുള്ളത്. ഇന്ത്യയില് നിന്ന് അഞ്ച് കര്ദിനാള്മാര്ക്ക് വോട്ടവകാശമുണ്ട്.
ആരോഗ്യനില മോശമായ സാഹചര്യത്തില് തനിക്കുവേണ്ടി പ്രാര്ഥിക്കാന് മാര്പാപ്പ അഭ്യര്ഥിച്ചതോടെ ആശുപത്രിക്ക് മുന്പില് ആയിരക്കമക്കിനു പേര് അദ്ദേഹത്തിനായി പ്രാര്ഥനയില് മുഴുകിയിരിക്കുകയാണ്. പനികുറഞ്ഞെന്നും ആഹാരം കഴിച്ചുതുടങ്ങിയതായും വത്തിക്കാന് അറിയിച്ചെങ്കിലും ഇന്നലെ രാത്രി പുറത്ത് വിട്ട വാര്ത്താ കുറിപ്പില് ആരോഗ്യ നില സങ്കീര്ണമാണെമന്ന് അറിയിക്കുകയായിരുന്നു. സങ്കീര്ണമായ അണുബാധയാണുള്ളതെന്നും ആരോഗ്യനില തൃപ്തികരമാകുന്നതുവരെ പോപ്പ് ആശുപത്രിയില് തുടരുമെന്നും വത്തിക്കാന് വ്യക്തമാക്കിയിട്ടുണ്ട്.അര്ജന്റീനക്കാരനായ ഫ്രാന്സിസ് പാപ്പയ്ക്ക് ഇരുപതു വയസ്സുപ്പോള്, അണുബാധയെ തുടര്ന്ന് ശ്വാസകോശത്തിന്റെ ഒരുഭാഗം നീക്കം ചെയ്തിരുന്നു. 2021-ല് അദ്ദേഹത്തിന് വന്കുടല് ശസ്ത്രക്രിയയും നടത്തിയിരുന്നു. സി.ടി സ്കാനില് മാര്പാപ്പയുടെ രണ്ട് ശ്വാസകോശ അറകളിലും ന്യുമോണിയ ബാധിച്ചതായി കണ്ടെത്തിയിട്ടുണ്ട്.
സങ്കീര്ണമായ അണുബാധയാണുള്ളതെന്നും രണ്ടാഴ്ചയോളെ ആശുപത്രിവാസം വേണ്ടിവരുമെന്നും ഡോക്ടര്മാര് വ്യക്തമാക്കിയിട്ടുണ്ട്. സമീപ ദിവസങ്ങളില് നടത്തിയ പരിശോധനകളുടെ ഫലങ്ങള് മാര്പ്പാപ്പയുടെ ശ്വസനനാളിയില് പോളിമൈക്രോബിയല് അണുബാധയുണ്ടെന്ന് കണ്ടെത്തിയിരുന്നു. ബെനഡിക്ട് മാര്പാപ്പ രാജിവച്ചതിനെത്തുടര്ന്ന് 2013 മുതല് കത്തോലിക്കാ സഭയുടെ പോപ്പാണ് ഫ്രാന്സിസ് മാര്പാപ്പ. കഴിഞ്ഞ രണ്ട് വര്ഷമായി അദ്ദേഹത്തിന് തുടര്ച്ചയായി ഇദ്ദേഹത്തിന് പനിയും മറ്റ് ആരോഗ്യപ്രശ്നങ്ങളും ഉണ്ട്. അതേ സമയം ഫ്രാന്സിസ് മാര്പാപ്പയുടെ ആരോഗ്യനിലയില് നേരിയ പുരോഗതി. ചികിത്സയില് തുടരുന്ന മാര്പാപ്പയുടെ ആരോഗ്യനിലയില് പുരോഗതിയുണ്ടെന്ന് വത്തിക്കാന് ഇന്നു രാവിലെ പുറത്തിറക്കിയ പത്രക്കുറിപ്പില് പറയുന്നു. ശ്വാസകോശ അണുബാധ കുറഞ്ഞുവെന്നും പോപ്പ് സഹപ്രവര്ത്തകരുമായി സംസാരിച്ചുവെന്നും വത്തിക്കാന് അറിയിച്ചു. ഇറ്റാലിയന് പ്രധാനമന്ത്രി ജോര്ജിയ മെലോണി ഫ്രാന്സിസ് മാര്പ്പാപ്പയെ കഴിഞ്ഞ ദിവസം സന്ദര്ശിച്ചിരുന്നു.പോപ് ഫ്രാന്സിസിനെ കണ്ട് സംസാരിച്ചുവെന്നും എത്രയും വേഗം രോഗമുക്തിയുണ്ടാകട്ടെയെന്നും ഇറ്റാലിയന് പ്രധാനമന്ത്രി ജോര്ജിയ മെലോണി പറഞ്ഞു.
https://www.facebook.com/Malayalivartha
