വിക്ടോറിയയിലെ ലോൺ, വൈ നദികളിൽ ആറ് മണിക്കൂറിനുള്ളിൽ 180 മില്ലിമീറ്റർ മഴ പെയ്തതിനെ തുടർന്ന് ഗ്രേറ്റ് ഓഷ്യൻ റോഡിൽ വെള്ളപ്പൊക്കമുണ്ടായി, ക്യാമ്പ് ഗ്രൗണ്ടുകൾക്ക് കേടുപാടുകൾ സംഭവിക്കുകയും വാഹനങ്ങളും ടെന്റുകളും ഒഴുകിപ്പോവുകയും ചെയ്തതിന് ശേഷമാണ് ന്യൂ സൗത്ത് വെയിൽസിൽ മഴക്കാല വാരാന്ത്യം വരുന്നത് .ന്യൂകാസിൽ മുതൽ ബേറ്റ്മാൻസ് ബേ വരെയും ഈഡൻ തീരത്തും കിഴക്കൻ തീരത്ത് അപകടകരമായ തിരമാലകൾ ഉണ്ടാകുമെന്ന് മുന്നറിയിപ്പുകൾ ഉണ്ടായിരുന്നു.വെള്ളത്തിന് സമീപം നടക്കുന്നത് ഒഴിവാക്കണമെന്നും,

തിരമാലകൾ ഏൽക്കുന്ന സ്ഥലങ്ങൾക്ക് സമീപം വെള്ളത്തിൽ നിന്ന് മാറിനിൽക്കണമെന്നും ന്യൂ സൗത്ത് വെയിൽസ് പോലീസ് ജനങ്ങളോട് അഭ്യർത്ഥിച്ചു.പാറ മത്സ്യത്തൊഴിലാളികൾ കടലിനോട് ചേർന്നുള്ള തീരദേശ പാറ പ്ലാറ്റ്‌ഫോമുകൾ ഒഴിവാക്കുകയും തിരമാലകളിൽ നിന്ന് സംരക്ഷിതമായ സുരക്ഷിതമായ സ്ഥലം തേടുകയും ചെയ്യണമെന്ന് പോലീസ് പറഞ്ഞു.ഓസ്‌ട്രേലിയയുടെ വിവിധ ഭാഗങ്ങളിൽ അപ്രതീക്ഷിതമായുണ്ടായ മിന്നൽ പ്രളയം കനത്ത ഭീതി പടർത്തുന്നു. കഴിഞ്ഞ കുറച്ചു ദിവസങ്ങളായി തുടരുന്ന അതിശക്തമായ മഴയെത്തുടർന്ന് നദികൾ കരകവിഞ്ഞൊഴുകുകയും താഴ്ന്ന പ്രദേശങ്ങൾ പൂർണ്ണമായും വെള്ളത്തിനടിയിലാവുകയും ചെയ്തു.

നൂറുകണക്കിന് ആളുകളെയാണ് ഇതിനകം സുരക്ഷിത സ്ഥാനങ്ങളിലേക്ക് മാറ്റിപ്പാർപ്പിച്ചത്.സാധാരണയിൽ കവിഞ്ഞ മഴയാണ് ചുരുങ്ങിയ മണിക്കൂറുകൾക്കുള്ളിൽ പല നഗരങ്ങളിലും രേഖപ്പെടുത്തിയത്. മിന്നൽ പ്രളയമായതിനാൽ ജനങ്ങൾക്ക് വേണ്ടത്ര മുൻകരുതലുകൾ എടുക്കാൻ സമയം ലഭിച്ചില്ല. റോഡുകൾ പുഴകളായി മാറിയതോടെ ഗതാഗതം പൂർണ്ണമായും തടസ്സപ്പെട്ടു. നിരവധി വാഹനങ്ങൾ വെള്ളത്തിൽ ഒലിച്ചുപോവുകയും പാലങ്ങൾ തകരുകയും ചെയ്തിട്ടുണ്ട്. വൈദ്യുതി ബന്ധം വിച്ഛേദിക്കപ്പെട്ടതോടെ ആയിരക്കണക്കിന് വീടുകൾ ഇരുട്ടിലായി.വ്യാഴാഴ്ച ഉച്ചയ്ക്ക് ശേഷം പെയ്ത അതിശക്തമായ മഴയാണ് പ്രളയത്തിന് കാരണമായത്.

ഓസ്‌ട്രേലിയയിലെ വിക്ടോറിയ പ്രവിശ്യയിലാണ് ശക്തമായ മിന്നല്‍ പ്രളയം വൻ നാശനഷ്ടങ്ങൾ വിതച്ചത്. വിനോദസഞ്ചാര കേന്ദ്രമായ ഗ്രേറ്റ് ഓഷ്യൻ റോഡ് അടക്കമുള്ള മേഖലകളില്‍ ജനജീവിതം സ്തംഭിച്ചു.ഒഴുക്കില്‍പ്പെട്ട വാഹനങ്ങള്‍ പലതും തലകീഴായി മറിയുകയും പാലങ്ങള്‍ക്കിടയില്‍ കുടുങ്ങിക്കിടക്കുകയുമാണ്. മേഖലയിലെ 6,500ഓളം വീടുകളില്‍ വൈദ്യുതി ബന്ധം പൂർണമായും നിലച്ചു.ഗതാഗതം അപകടകരമായതിനാല്‍ റോഡുകള്‍ അടച്ചുപൂട്ടി. ക്യാമ്പ് സൈറ്റുകളില്‍ കഴിഞ്ഞിരുന്ന നൂറുകണക്കിന് ആളുകളാണ് പ്രളയത്തില്‍പ്പെട്ടത്.

ദുരന്തം സംഭവിച്ച ശേഷമാണ് ഫോണുകളില്‍ മുന്നറിയിപ്പ് സന്ദേശം എത്തിയതെന്നും ജനങ്ങള്‍ ആരോപിച്ചു.അടിയന്തര സാഹചര്യങ്ങൾ നേരിടാൻ ഓസ്‌ട്രേലിയൻ ദുരന്തനിവാരണ സേന രംഗത്തിറങ്ങിയിട്ടുണ്ട്. വെള്ളപ്പൊക്കത്തിൽ ഒറ്റപ്പെട്ടവരെ ഹെലികോപ്റ്ററുകളും ബോട്ടുകളും ഉപയോഗിച്ചാണ് രക്ഷപ്പെടുത്തുന്നത്. വീടിന്റെ മേൽക്കൂരയിലും മറ്റും അഭയം പ്രാപിച്ചവരെ രക്ഷിക്കുന്ന ദൃശ്യങ്ങൾ പുറത്തുവന്നിട്ടുണ്ട്. പ്രളയബാധിത പ്രദേശങ്ങളിൽ നിന്ന് ആളുകളെ ഒഴിപ്പിക്കാൻ സർക്കാർ കർശന നിർദ്ദേശം നൽകി.