യുദ്ധം അടിയന്തരമായി അവസാനിപ്പിക്കാന് അമേരിക്ക ചര്ച്ചകള്ക്ക് മുന്കയ്യെടുക്കണമെന്ന് റഷ്യ
ഇറാന് ആണവായുധം നിര്മ്മിക്കുന്നുവെന്ന ആരോപണങ്ങള് അടിസ്ഥാനരഹിതമാണെന്നും അവര് അത്തരമൊരു നീക്കം നടത്തുന്നില്ലെന്നും റഷ്യന് വിദേശകാര്യ മന്ത്രി സെര്ജി ലാവ്റോവ് വ്യക്തമാക്കി. മേഖലയിലെ സംഘര്ഷം ലഘൂകരിക്കാന് അമേരിക്ക മുന്കൈയെടുത്ത് ചര്ച്ചകള്ക്ക് വഴിതുറക്കണമെന്നും അദ്ദേഹം ആവശ്യപ്പെട്ടു. യുദ്ധം ആഗോളതലത്തില് വലിയ പ്രത്യാഘാതങ്ങള് ഉണ്ടാക്കുമെന്നും നയതന്ത്ര ചര്ച്ചകളിലൂടെ മാത്രമേ പരിഹാരം സാധ്യമാകൂ എന്നും റഷ്യ മുന്നറിയിപ്പ് നല്കി. നേരത്തെ യുദ്ധം എത്രയും വേഗം അവസാനിപ്പിക്കണമെന്നാവശ്യപ്പെട്ട് ഇന്ത്യയും രംഗത്തെത്തിയിരുന്നു. ഒരു കോടി ഇന്ത്യക്കാരുടെ സുരക്ഷയെ ബാധിക്കുന്ന സംഘര്ഷത്തില് നിന്ന് ഒഴിഞ്ഞു നില്ക്കാന് കഴിയില്ലെന്ന് വ്യക്തമാക്കി ഇന്ത്യ പുതിയ പ്രസ്താവനയും പുറത്തിറക്കി.
ഒരു കോടി ഇന്ത്യക്കാരുടെ സുരക്ഷയെ ബാധിക്കുന്ന സംഘര്ഷത്തില് നിന്ന് ഒഴിഞ്ഞു നില്ക്കാന് കഴിയില്ലെന്നാണ് ഇന്ത്യ വ്യക്തമാക്കിയത്. സംഘര്ഷം എത്രയും വേഗം അവസാനിപ്പിക്കണം എന്ന പുതിയ പ്രസ്താവന നല്കിയ ഇന്ത്യ, ചരക്കു കപ്പലുകള്ക്കെതിരായ ആക്രമം അംഗീകരിക്കാനാവില്ലെന്നും കൂട്ടിച്ചേര്ത്തു. ഇറാന് പരമോന്നത നേതാവ് അയത്തൊള്ള അലി ഖമനേയിയുടെ വധത്തെക്കുറിച്ച് പുതിയ പ്രസ്താവനയിലും പരാമര്ശമില്ലെന്നതും ശ്രദ്ധേയമായി. ചര്ച്ചകളിലൂടെ പ്രശ്നം പരിഹരിക്കണം എന്നാണ് ഇന്ത്യ നിര്ദ്ദേിച്ചത്. ഇതിനു ശേഷം വിശുദ്ധ മാസത്തില് സംഘര്ഷം പലയിടങ്ങളിലേക്കും പടരുന്നതില് കടുത്ത ആശങ്കയുണ്ടെന്ന് ഇന്ന് വിദേശകാര്യമന്ത്രാലയം വ്യക്തമാക്കി. ഒരു കോടി ഇന്ത്യക്കാരുടെ സുരക്ഷയോട് ബന്ധമുള്ള സംഘര്ഷം ഇന്ത്യയേയും ബാധിക്കുന്നതാണ്. ജനജീവിതവും സാമ്പത്തിരംഗവും നിശ്ചലമാകുന്നു. ഈ സാഹചര്യം ഇന്ത്യന് സാമ്പത്തിക രംഗത്തെയും ബാധിക്കും. ചരക്കു കപ്പലുകള്ക്ക് എതിരായ അക്രമത്തെ ശക്തമായി എതിര്ക്കുന്നു. ചില ഇന്ത്യക്കാരായ നാവികര്ക്ക് ജീവന് നഷ്ടമായി കഴിഞ്ഞു. സംഘര്ഷം ചര്ച്ചയിലൂടെ തീര്ക്കണം എന്ന ആവശ്യം ഇന്ത്യ ആവര്ത്തിച്ചു. വിവിധ എംബസികള് കുടുങ്ങിയ ഇന്ത്യക്കാരുടെ സഹായത്തിന് ആവശ്യമായതെല്ലാം ചെയ്യും. പ്രധാനമന്ത്രിയും വിദേശകാര്യമന്ത്രിയും വിവിധ രാജ്യങ്ങളോട് സംസാരിക്കുകയാണെന്നും പ്രസ്താവന പറയുന്നു. ഇന്ന് ഒമാന് സുല്ത്താന്, കുവൈറ്റ് കിരീടാവകാശി, ഖത്തര് അമീര് എന്നിവരുമായി പ്രധാനമന്ത്രി സംസാരിച്ചു.
https://www.facebook.com/Malayalivartha
