ഇറാന് പ്രസിഡന്റ് മസൂദ് പെസഷ്കിയാനുമായി സംസാരിച്ച് പ്രധാനമന്ത്രി നരേന്ദ്ര മോദി....
ഇറാന് പ്രസിഡന്റ് മസൂദ് പെസഷ്കിയാനുമായി സംസാരിച്ച് പ്രധാനമന്ത്രി നരേന്ദ്ര മോദി. മേഖലയിലെ സ്ഥിതിഗതികള് വഷളാകുന്നതില് മോദി ആശങ്ക പ്രകടിപ്പിച്ച് കൊണ്ടായികരുന്നു ഇരു നേതാക്കളുടെയും ഫോണ് സംഭാഷണം. ഇറാനെതിരെ യു.എസ്-ഇസ്രായേല് സംയുക്ത സൈനികാക്രമണം നടക്കുകയും, ഗള്ഫ് മേഖലയില് ഇറാന് തിരിച്ചടിക്കുകയും ചെയ്ത സംഭവങ്ങള്ക്ക് ശേഷം ഇതാദ്യമായാണ് ഇരു നേതാക്കളും ചര്ച്ച നടത്തുന്നത്.
ഇറാന് പ്രസിഡന്റുമായി നടത്തിയ ചര്ച്ചകളുടെ വിവരങ്ങള് പ്രധാനമന്ത്രി എക്സ് പോസ്റ്റില് പങ്കുവച്ചു. 'ഇറാന് പ്രസിഡന്റ് ഡോ. മസൂദ് പെസഷ്കിയാനുമായി സംസാരിച്ചു, പശ്ചിമേഷ്യന് മേഖലയിലെ ഗുരുതരമായ സാഹചര്യം ചര്ച്ച ചെയ്തു. സംഘര്ഷത്തിലും സാധാരണ ജനങ്ങളുടെ മരണത്തിലും അടിസ്ഥാന സൗകര്യങ്ങള്ക്കുണ്ടായ നാശനഷ്ടത്തിലും ആശങ്ക പ്രകടിപ്പിച്ചു' -പ്രധാനമന്ത്രി എക്സില് കുറിക്കുകയും ചെയ്തു
ലോക സമാധാനത്തിനും സ്ഥിരതയ്ക്കുള്ള ഇന്ത്യയുടെ പ്രതിബദ്ധത അറിയിച്ച പ്രധാമന്ത്രി ഇന്ത്യന് പൗരന്മാരുടെ സുരക്ഷയ്ക്ക് പ്രഥമ പരിഗണനയാണെന്നും ഇറാന് പ്രസിഡന്റിനെ ബോധിപ്പിച്ചു.
ചരക്കുകള്, ഊര്ജ വിഭവങ്ങള് എന്നിവയുടെ തടസ്സമില്ലാത്ത വിതരണം തടസപ്പെടുന്നതിന്റെ ആശങ്കയും ഇന്ത്യ ഇറാനെ അറിയിച്ചു. നിലവിലെ സാഹചര്യങ്ങള് സംഭാഷണത്തിനും നയതന്ത്ര മാര്ഗങ്ങളിലൂടെയും പരിഹാരം കാണാനും ആഹ്വാനം ചെയ്യുകയും ചെയ്തതായും മോദി കൂട്ടിച്ചേര്ക്കുകയും ചെയ്തു.
'ഹോര്മുസ് കടലിടുക്കിന്റെ പ്രാധാന്യം ഉപയോഗപ്പെടുത്തമെന്ന് പുതിയ ഇറാനിയന് പരമോന്നത നേതാവ് ആയത്തുള്ള മൊജ്തബ ഖമേനി തന്റെ ആദ്യ പൊതു പ്രസംഗത്തില് വ്യക്തമാക്കിയതന് പിന്നാലെയാണ് മോദി പെസഷ്കിയാന് ചര്ച്ച.
"
https://www.facebook.com/Malayalivartha
