മറ്റുള്ളവരെ വെറുക്കുന്നതാണ് ദേശീയ ബോധം പാകിസ്ഥാനില് കുട്ടികളെ പഠിപ്പിക്കുന്നു, പാകിസ്ഥാന് മുന് വിദേശ കാര്യമന്ത്രി ഹിന റബ്ബാനി
പതിറ്റാണ്ടുകളായി മറ്റുള്ളവരെ വെറുക്കുന്നതാണ് ദേശീയ ബോധം എന്ന് പാകിസ്ഥാനില് കുട്ടികളെ പഠിപ്പിക്കുകയാണ്, അയല് രാജ്യമായ ഇന്ത്യയെ വെറുത്താണ് പ്രായോഗികമായി കുട്ടികള് പഠിക്കുന്നത്. ഇപ്പോള് അഫ്ഗാനിസ്ഥാനെയും വെറുക്കാന് പഠിപ്പിക്കുന്നു എന്നു മുന് വിദേശ കാര്യ മന്ത്രി ഹിന റബ്ബാനി.
പാകിസ്ഥാന് ചാനലായ ജിയോ ന്യൂസിന് നല്കിയ അഭിമുഖത്തിലാണ് ഹിന ഇക്കാര്യം തുറന്നു പാഞ്ഞത്. ഹിന 2011 മുതല് 2013 വരെ പാകിസ്ഥാന് വിദേശ കാര്യ മന്ത്രി ആയിരുന്നു. രണ്ടു രാജ്യങ്ങളും തമ്മിലുള്ള ബന്ധം സാധാരണ നിലയിലായെങ്കില് മാത്രമേ ചര്ച്ചകള് നടക്കൂ. ഇന്ത്യയുമായുള്ള ചര്ച്ചയിലൂടെയും പരസ്പര വിശ്വാസം വര്ധിപ്പിക്കുന്ന തീരുമാനങ്ങളിലൂടെയും മാത്രമേ കശ്മീര് പ്രശ്നത്തിന് പരിഹാരം കാണാനാവൂ എന്നും ഹിന ചൂണ്ടിക്കാട്ടി. പാകിസ്താന് യുദ്ധത്തിലൂടെ കശ്മീര് കയ്യടക്കാന് കഴിയില്ലെന്നും ഹിന അഭിമുഖത്തില് പറഞ്ഞു.
പാകിസ്താന് പീപിള്സ് പാര്ട്ടി ഭരിച്ചിരുന്ന കാലത്ത് വിസ നിയമങ്ങളില് ഇളവ് നല്കിയതടക്കം ഇന്ത്യയുമായുള്ള ബന്ധം സാധാരണനിലയില് നിലനിന്നിരുന്നു. പര്വേശ് മുഷ്റഫിന്റെ കാലത്ത് കാശ്മീര് വിഷയത്തില് ചില വിട്ടുവീഴ്ചകള്ക്ക് തയാറായതാണ്. ഇന്ത്യയില് ബിജെപി സര്ക്കാരും പാകിസ്ഥാനില് പട്ടാള ഭരണം നിലവില വന്നാല് മാത്രമേ കശ്മീര് പ്രശ്നത്തില് ഒരു തീരുമാനം ഉണ്ടാകൂ എന്നും റബ്ബാനി അവകാശപ്പെട്ടു.
ഇന്ത്യ ആണവ ശക്തിയായതും സൈനിക ശക്തിയായതും ജനാധിപത്യ പാരമ്പര്യമുള്ളതുമാണ് അമേരിക്കയുമായുള്ള അടുപ്പത്തിന് കാരണം .ഇന്ത്യ അമേരിക്ക ബന്ധത്തെ കുറിച്ച് ചോദിച്ചതിന് ഹിന പ്രതികരിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
