സിറിയയില് വിവാഹസല്ക്കാരത്തിന്ടെ ബോംബ് സ്ഫോടനം, ചാവേറാക്രമണത്തില് മരിച്ചവരുടെ എണ്ണം മുപ്പതു കഴിഞ്ഞു
കുര്ദിഷ് വിഭാഗത്തിന്റെ നിയന്ത്രണത്തിലുള്ള സിറിയന് ജനാധിപത്യ സേനയിലെ അംഗത്തിന്റെ വിവാഹം നടക്കുന്ന ഹാളിലാണ് ചാവേര് ആക്രമണം നടന്നത്. ഇസ്ലാമിക് സ്റ്റേറ്റിനെതിരെ പോരാടാന് വിവിധ അറബ് സംഘടനകളുടെ സഹായത്തോടെ കുര്ദിഷ് വിഭാഗം രൂപീകരിച്ച സംഘടനയാണ് സിറിയന് ജനാധിപത്യ സേന. വിവാഹസല്ക്കാരം നടക്കുന്നതിനിടെയുണ്ടായ ചാവേര് ബോംബ് ആക്രമണത്തില് മരിച്ചവരുടെ എണ്ണം 32 ആയി.
ചടങ്ങുകള് നടക്കുന്നതിനിടെ ചാവേര് ഹാളിനകത്തു വച്ചു പൊട്ടിത്തെറിക്കുകയായിരുന്നു. വിവാഹ ചടങ്ങ് നടക്കുന്നതിനിടെ കറുത്ത ജാക്കറ്റ് അണിഞ്ഞ അപരിചിതനായ ഒരു വ്യക്തിയെ ഞാന് കണ്ടിരുന്നുവെന്നും എന്നാല് കുറച്ചു നിമിഷങ്ങള്ക്കകം ആ വ്യക്തി പൊട്ടിത്തെറിച്ചെന്നും ദൃക്സാക്ഷി അഹമ്മദ് പറഞ്ഞു. ആക്രമണത്തില് അഹമ്മദിന്റെ തലക്കും പരിക്കേറ്റിടുണ്ട്. എന്നാല് വധൂവരന്മാര് സുരക്ഷിതരാണെന്ന് വരന്റെ ബന്ധുക്കള് പറഞ്ഞു.
തങ്ങളുടെ പോരാളി കുര്ദിഷ് സൈനികന്റെ വിവാഹ സല്ക്കാരത്തിനിടെ നടത്തിയ ആക്രമണത്തില് 40 പേര് വധിക്കപ്പെട്ടതായി ഇസ്ലാമിക് സ്റ്റേറ്റ് പ്രസ്താവനയിലൂടെ അറിയിച്ചു. സിറിയന് പ്രവിശ്യയില് ഇസ്ലാമിക് സ്റ്റേറ്റ് നടത്തി വരുന്ന ക്രൂര കൊലപാതകങ്ങളുടെ ഏറ്റവും ഒടുവിലത്തേതാണ് തിങ്കളാഴ്ച നടന്നത്.
https://www.facebook.com/Malayalivartha
