ബട്ടന് ബാറ്ററി വിഴുങ്ങിയ രണ്ടു വയസ്സുകാരി മരിച്ചു
ബ്രിട്ടണില് രണ്ടു വയസ്സുകാരി ബാറ്ററി വിഴുങ്ങി മരിച്ചു. ഫ്രാന്സെസ്ക അസന് എന്ന രണ്ട് വയസ്സുകാരിയാണ് പിതാവിന്റെ ത്രിഡി ഗ്ലാസിലെ ബട്ടന് ബാറ്ററി വിഴുങ്ങിയതിനെ തുടര്ന്ന് മരിച്ചത്. കുട്ടിയുടെ തൊണ്ടയില് ഒരാഴ്ചയോളം ബാറ്ററി കുടുങ്ങി കിടന്നിരുന്നു. ഇതിന്റെ വേദനകളെല്ലാം അനുഭവിച്ചാണ് അവസാനം കുഞ്ഞ് മരണത്തിന് കീഴടങ്ങിയത്. കടുത്ത രക്തവാര്ച്ചയോടെയാണ് കുട്ടി മരിച്ചിരിക്കുന്നതെന്ന് ഇന്ക്വസ്റ്റിലൂടെ വ്യക്തമായിരുന്നു. ബേസിങ്സ്റ്റോക്കിലെ വീട്ടിലുള്ള ഡ്രോയറുകളിലെ പാക്കേജില് നിന്നും രണ്ട് സെന്റീമീറ്ററുള്ള ബാറ്ററിയെടുത്ത് കുട്ടി വിഴുങ്ങുകയായിരുന്നുവെന്നാണ് റിപ്പോര്ട്ട്.
എന്നാല് കുട്ടി ബാറ്ററി വിഴുങ്ങിയത് മാതാപിതാക്കള് തിരിച്ചറിഞ്ഞിരുന്നില്ല. കുട്ടിക്ക് ശാരീരികമായ അസ്വസ്ഥതകള് ഉണ്ടായതിനെ തുടര്ന്ന് ഇവര് ഫ്രാന്സെസ്കയെയും കൊണ്ട് ഒരാഴ്ചക്കാലം ഇടയ്ക്കിടെ ഡോക്ടര്മാരെ കാണാന് പോയിരുന്നു. എന്നാല് കുട്ടിയുടെ അസ്വസ്ഥതയ്ക്കുള്ള യഥാര്ത്ഥ കാരണം ഡോക്ടര്ക്കും കണ്ടെത്താനും സാധിച്ചിരുന്നില്ല.
തുടര്ന്ന് ഒരാഴ്ചയ്ക്ക് ശേഷം കുട്ടി പിതാവിന്റെ കൈകളിലേക്ക് തളര്ന്ന് വീണതിനെ തുടര്ന്ന് ഹോസ്പിറ്റലിലേക്ക് കൊണ്ട് പോവുകയും വിശദമായ പരിശോധനയ്ക്കിടെ മൂന്ന് വോള്ട്ട് ലിഥിയം ബാറ്ററി കുട്ടിയുടെ അന്നനാളത്തില് നിന്നും കണ്ടെത്തുകയുമായിരുന്നു. കുട്ടിയെ രക്ഷിക്കാന് ഡോക്ടര്മാര് പരിശ്രമിച്ചെങ്കിലും വയറ്റില് രക്തം കട്ട പിടിച്ചതിനെ തുടര്ന്ന് ഫ്രാന്സെസ്ക മരിക്കുകയായിരുന്നു.
https://www.facebook.com/Malayalivartha
