മാത്യു കൊടുങ്കാറ്റ്; മരണസംഖ്യ 900 കവിഞ്ഞു
നാശം വിതച്ച് ചുഴറ്റിയടിക്കുന്ന മാത്യു കൊടുങ്കാറ്റില് ഹെയ്തിയില് മാത്രം മരിച്ചവരുടെ എണ്ണം 900 കവിഞ്ഞു. കൊടുങ്കാറ്റ് പതിനായിരങ്ങളെ ഭവനരഹിതരാക്കുകയും ചെയ്തു. യുഎസിന്റെ തെക്കുകിഴക്ക് ഭാഗത്തേക്കു നീങ്ങിയ കൊടുങ്കാറ്റ് ഇവിടെയും നാശം വിതച്ചു തുടങ്ങി.
കനത്ത മഴയെ തുടര്ന്ന് പലയിടത്തും വെള്ളം പൊങ്ങി. ഫ്ളോറിഡയുടെ അറ്റ്ലാന്റിക് തീരത്ത് കനത്തമഴയും കാറ്റുമുണ്ടായി. മണിക്കൂറില് 125 കിലോമീറ്റര് വേഗത്തിലാണ് കാറ്റ് ആഞ്ഞടിക്കുന്നത്. ആറുലക്ഷത്തോളം വീടുകളില് വൈദ്യുതിബന്ധം വിച്ഛേദിക്കപ്പെട്ടു.
കെന്നഡി സ്പേസ് സെന്ററിനു കൊടുങ്കാറ്റില് ചെറിയ നാശനഷ്ടം സംഭവിച്ചെന്നു നാസാ അറിയിച്ചു.ഒരു ഓഫീസ് കെട്ടിടത്തിന്റെ മേല്ക്കൂര തകര്ന്നു. പാര്ക്കു ചെയ്തിരുന്ന ഏതാനും കാറുകളും തകര്ന്നു. ഫ്ളോറിഡയിലെ ജാക്സണ്വില്ലില് പ്രളയത്തിനു സാധ്യതയുണ്ടെന്നു ഗവര്ണര് റിക് സ്കോട്ട് മുന്നറിയിപ്പു നല്കി.
ഫ്ളോറിഡ, സൗത്ത് കരോളിന, ജോര്ജിയ, നോര്ത്ത് കരോളിന എന്നിവിടങ്ങളില് അതാതു സംസ്ഥാന ഗവര്ണര്മാര് അടിയന്തരാവസ്ഥ പ്രഖ്യാപിച്ചു.ഫ്ളോറിഡ, സൗത്ത് കരോളിന, ജോര്ജിയ എന്നിവിടങ്ങളില് പ്രസിഡന്റ് ഒബാമയും അടിയന്തരാവസ്ഥ പ്രഖ്യാപിച്ചു. ഫെഡറല് ഏജന്സികള്ക്കു ദുരിതസഹായ വിതരണംഏകോപിപ്പിക്കാന് ഇതുമൂലം സാധിക്കും.
https://www.facebook.com/Malayalivartha
