അ​റ്റ്ലാ​ന്‍റി​ക്കി​ൽ രൂ​പം​കൊ​ണ്ട ഇ​ർ​മാ കൊ​ടു​ങ്കാ​റ്റ് ക​രീ​ബി​യ​ൻ ദ്വീ​പു​ക​ളി​ൽ ആ​ഞ്ഞ​ടി​ച്ചു തു​ട​ങ്ങി. ഫ്ര​ഞ്ച് അ​ധീ​ന​ത​യി​ലു​ള്ള സെ​ന്‍റ് മാ​ർ​ട്ടി​ൻ ദ്വീ​പി​ലെ അ​തി​ബ​ല​വ​ത്താ​യ നാ​ലു കെ​ട്ടി​ട​ങ്ങ​ൾ കൊ​ടു​ങ്കാ​റ്റി​ൽ ത​ക​ർ​ന്ന​താ​യി ഫ്ര​ഞ്ച് ആ​ഭ്യ​ന്ത​ര​മ​ന്ത്രി ജെ​റാ​ഡ് കൊ​ളോ​ന്പ് അ​റി​യി​ച്ചു. ആ​ള​പാ​യം ഇ​തേ​വ​രെ റി​പ്പോ​ർ​ട്ട് ചെ​യ്യ​പ്പെ​ട്ടി​ട്ടി​ല്ല. സെ​ന്‍റ് മാ​ർ​ട്ടി​നി​ലേ​ക്കും സെ​ന്‍റ് ബ​ർ​ത്ത​ലേ​മി​യി​ലേ​ക്കും നീ​ങ്ങു​ന്ന​തി​നു മു​ന്പ് ഇ​ർ​മാ ആ​ന്‍റി​ഗ്വ​യി​ലും ബാ​ർ​ബ​ഡോ​സി​ലും നാ​ശ​ന​ഷ്ടം വി​ത​ച്ചി​രു​ന്നു.

യു​എ​സ് തീ​ര​ത്തേ​ക്കു നീ​ങ്ങു​ന്ന ഇ​ർ​മാ ശ​നി​യാ​ഴ്ച യു​എ​സി​ലെ ഫ്ളോ​റി​ഡ​യി​ൽ ഇ​ർ​മാ എ​ത്തു​മെ​ന്നാ​ണു സൂ​ച​ന. മു​ൻ​ക​രു​ത​ലെ​ന്ന നി​ല​യി​ൽ ഫ്ളോ​റി​ഡ സം​സ്ഥാ​ന​ത്തെ 67 കൗ​ണ്ടി​ക​ളി​ലും ഗ​വ​ർ​ണ​ർ റി​ക് സ്കോ​ട്ട് അ​ടി​യ​ന്ത​രാ​വ​സ്ഥ പ്ര​ഖ്യാ​പി​ച്ചു. ഇ​വി​ടെ​നി​ന്ന് ആ​ളു​ക​ളെ ഒ​ഴി​പ്പി​ച്ചു​കൊ​ണ്ടി​രി​ക്കു​ക​യാ​ണ്. നേ​ര​ത്തേ പ്യൂ​ർ​ട്ടാ​റി​ക്കോ​യി​ൽ ഗ​വ​ർ​ണ​ർ റി​ക്കാ​ർ​ഡോ റോ​സ​ല്ലോ അ​ടി​യ​ന്ത​രാ​വ​സ്ഥ പ്ര​ഖ്യാ​പി​ക്കു​ക​യും നാ​ഷ​ണ​ൽ ഗാ​ർ​ഡു​ക​ളോ​ട് എ​ല്ലാ സ​ജ്ജീ​ക​ര​ണ​ങ്ങ​ളും ഏ​ർ​പ്പെ​ടു​ത്താ​ൻ നി​ർ​ദേ​ശി​ക്കു​ക​യും ചെ​യ്തു.

280 കി​ലോ​മീ​റ്റ​ർ/​മ​ണി​ക്കൂ​ർ പ്ര​ഹ​ര​ശേ​ഷി കൈ​വ​രി​ച്ചു ക​ഴി​ഞ്ഞ ഇ​ർ​മാ മ​ണി​ക്കൂ​റി​ൽ 15 മൈ​ൽ വേ​ഗ​ത​യി​ൽ പ​ടി​ഞ്ഞാ​റ് ദി​ശ​യി​ലേ​ക്കു നീ​ങ്ങി​ക്കൊ​ണ്ടി​രി​ക്കു​ക​യാ​ണെ​ന്നു നാ​ഷ​ണ​ൽ ഹ​രി​ക്കെ​യ്ൻ സെ​ന്‍റ​ർ അ​റി​യി​ച്ചു. പ​ടി​ഞ്ഞാ​റോ​ട്ട് സ​ഞ്ച​രി​ക്കു​ന്പോ​ൾ ഇ​ർ​മാ കൂ​ടു​ത​ൽ ശ​ക്തി​യാ​ർ​ജി​ക്കു​മെ​ന്നാ​ണ് ക​രു​ത​പ്പെ​ടു​ന്ന​ത്. അ​ത്യ​ന്തം അ​പ​ക​ട​കാ​രി​യാ​യ കാ​റ്റ​ഗ​റി അ​ഞ്ചി​ലാ​ണ് ഇ​ർ​മാ​യെ​ന്നു ഹ​രി​ക്കേ​ൻ സെ​ന്‍റ​ർ വ്യ​ക്ത​മാ​ക്കി. കാ​റ്റി​ന്‍റെ കൃ​ത്യ​മാ​യ പാ​ത നി​ർ​ണ​യി​ക്കാ​നാ​യി​ട്ടി​ല്ലെ​ന്നു നാ​ഷ​ണ​ൽ ഹ​രി​ക്കേ​ൻ സെ​ന്‍റ​ർ പ​റ​ഞ്ഞു.

ഹാ​ർ​വി കൊ​ടു​ങ്കാ​റ്റു വി​ത​ച്ച ദു​രി​ത​ത്തി​ൽ​നി​ന്ന് യു​എ​സി​ലെ ടെ​ക്സ​സും ലൂ​യി​സി​യാ​ന​യും ക​ര​ക​യ​റു​ന്ന​തി​നി​ടെ​യാ​ണ് കി​ഴ​ക്ക​ൻ തീ​ര​ത്ത് ഇ​ർ​മാ​യു​ടെ ഭീ​ഷ​ണി. ഹാ​ർ​വി കൊ​ടു​ങ്കാ​റ്റ് 60 പേ​രു​ടെ ജീ​വ​ഹാ​നി​ക്കി​ട​യാ​ക്കി. നി​ര​വ​ധി വീ​ടു​ക​ൾ ത​ക​ർ​ന്നു. ഹൂ​സ്റ്റ​ണ്‍ ന​ഗ​ര​ത്തി​ലെ മി​ക്ക റോ​ഡു​ക​ളും വെ​ള്ള​ത്തി​ലാ​യി. ഇ​വി​ടെ ദു​രി​താ​ശ്വാ​സ പ്ര​വ​ർ​ത്ത​നം തു​ട​രു​ക​യാ​ണ്.