വയസ് 75, മേക്കപ്പിന് മാത്രം വേണ്ടത് വലിയൊരു തുക... മന്ത്രിപ്പണിക്ക് കിട്ടുന്ന ശമ്പളം മേക്കപ്പിന് പോലും തികയുന്നില്ല, മാസം 10,170 ഡോളര് എന്നത് തന്റെ ജീവിതശൈലിക്ക് ഒട്ടും തികയുന്നില്ലെന്ന് മന്ത്രി ലൂയിസ് ലിന്ഡാ വലോ
പ്രായം 75 ആയി, എന്നിട്ടും അവര് പറയുന്നു, തന്റെ മേക്ക് അപ്പിനുപോലും മന്ത്രിപ്പണിക്ക് കിട്ടുന്ന ശമ്പളം തികയുന്നില്ലെന്ന്. ബ്രസീലിയന് പ്രസിഡന്റ് മൈക്കല് ടെമെറിന്റെ ക്യാബിനറ്റ് അംഗവും മാനവശേഷി മന്ത്രിയുമായ ലൂയിസ് ലിന്ഡാ വലോയിന്റെ വാക്കുകളാണിവ. പൊതുസേവനത്തിന് കിട്ടുന്ന ശമ്പളം വെച്ചു നോക്കിയാല് മന്ത്രിപ്പണി അടിമപ്പണിക്ക് തുല്യമാണെന്നായിരുന്നു വലോയ്സിന്റെ പ്രസ്താവന.
ഒരു റോഡിയോയ്ക്ക് നല്കിയ അഭിമുഖത്തിലാണ് മന്ത്രിയുടെ ഇ്ത്തരത്തിലുള്ള പ്രസ്താവന. ഈ പ്രസ്താവന ഇപ്പോള് വലിയ വിവാദമായിരിക്കയാണ്.ദശലക്ഷക്കണക്കിന് നാട്ടുകാര് പട്ടിണിയില് കഴിയുന്ന മാസം 635 ഡോളര് അടിസ്ഥാന ശമ്പളം കിട്ടുന്ന രാജ്യത്ത് തനിക്ക് മാസം കിട്ടുന്നത് വെറും 10,000 ഡോളര് മാത്രമാണെന്നും ഇത് തനിക്ക് ചെരുപ്പ് വാങ്ങാനോ മേക്കപ്പ് ചെയ്യാനോ തികയുന്നില്ലെന്നുമാണ് മന്ത്രിയുടെ പരാതി.ഭരണഘടന പൊതുസേവനത്തിന് നല്കുന്ന ശമ്പളം വെച്ച് 10,170 ഡോളറാണ് അവര്ക്ക് ശമ്പളമായി കിട്ടുന്നത്.
എന്നാല് തനിക്ക് 18,412 ഡോളറര് ശമ്പളം നല്കണമെന്നാണ് ബഹിയ സ്റ്റേറ്റിലെ മുന് ന്യായാധിപ കൂടിയായിരുന്ന മന്ത്രിയുടെ ആവശ്യം. മന്ത്രിപ്പണി അടിമത്ത ജോലിക്ക് സമമാണ്. ബ്രസീലിയന് നിയമം അനുസരിച്ച് അടിമത്തം എന്നാല് ഒരാളെ മോശം സാഹചര്യം, കൂടുതല് സമയം, നിര്ബന്ധിത തൊഴില് തുടങ്ങിയവ ചെയ്യിക്കുന്നതാണ്.
മാസം 10,170 ഡോളര് എന്നത് തന്റെ ജീവിതശൈലിക്ക് ഒട്ടും അനുയോജ്യമല്ലെന്നും ഒരു വിരമിച്ച ന്യായാധിപ എന്ന നിലയില് വേണമെങ്കില് ഉള്ക്കൊള്ളാമെങ്കിലും ഒരു സംസ്ഥാനമന്ത്രിയായി കഴിയാന് അത് തികയുന്നില്ലെന്നും മന്ത്രി വ്യക്തമാക്കി. തനിക്ക് ഒരു പ്രാതിനിധ്യമുണ്ട്, അത് ആഡംബരമല്ല. ഏറ്റവും കുറഞ്ഞത് വില കൂടിയ വസ്ത്രങ്ങള് വേണ്ടതുണ്ട്, മുടി ഉള്പ്പെടെയുള്ള മേക്കപ്പ്, സുഗന്ധ വസ്തുക്കള്, തുണികള്, ഷൂസുകള്, ഭക്ഷണം എന്നിവയെല്ലാം സ്ഥാനത്തിന് അനുയോജ്യം ആകേണ്ടതുണ്ടെന്നും അഭിമുഖത്തില് മന്ത്രി അഭിപ്രായപ്പെട്ടു.
അതേസമയം മന്ത്രിയുടെ പ്രസ്താവന ബ്രസീലിലെ ആഫ്രോ ബ്രസീലിയന് സമൂഹത്തെ ഇളക്കിമറിച്ചിട്ടുണ്ട്.ഇത്തരം പ്രസ്താവനയിലൂടെ കറുത്ത വംശജയായ വലോയിസ് അവരുടെ സമൂഹത്തെയോ കറുത്ത സ്ത്രീകളെയോ വംശീയത നിര്ത്തലാക്കാന് അവര് നടത്തുന്ന പോരാട്ടങ്ങളെയോ പ്രതിനിധീകരിക്കുന്നതല്ലെന്നാണ് പ്രധാന വിമര്ശനം.
ബ്ലാക്ക് കണ്വര്ജന്സ്, നാഷണല് ആര്ട്ടിക്കുലേഷന് ഓഫ് ദി ബ്രസീലിയന് ബ്ലാക്ക് മൂവ്മെന്റ് എന്നിവരാണ് മന്ത്രിക്കെതിരെ തിരിഞ്ഞിരിക്കുന്നത്. അടുത്തിടെയായി ബ്രസീല് സാമൂഹ്യവംശീയ പ്രശ്നങ്ങളുടെയും അഴിമതി ആരോപണങ്ങളുടെയും കേന്ദ്രമായി മാറിയിട്ടുണ്ട്.
2014 ലെ ഓപ്പറേഷന് കാര് വാഷിലൂടെ അഴിമതിനടത്തിയതിന് പ്രസിഡന്റായിരുന്ന ദില്മാ റൂസെഫിനെ പുറത്താക്കുകയും മുന് നേതാവ് ലൂയിസ് ഇനാഷ്യോ ഡാ സില്വ ഉള്പ്പെടെയുള്ളവര്ക്ക് നേരെ ക്രിമിനല് കേസ് വരികയും ചെയ്തിരുന്നു.
https://www.facebook.com/Malayalivartha