രോഗത്തെ പൊരുതി തോല്പിച്ചു, മരണത്തിന് മുന്നില് കീഴടങ്ങി... പ്രമുഖ ശാസ്ത്രജ്ഞന് സ്റ്റീഫന് ഹോക്കിംഗ് അന്തരിച്ചു, 76 വയസായിരുന്നു, മരിച്ചത് ലോകം കണ്ട ഏറ്റവും വലിയ ഭൗതിക ശാസ്ത്രജ്ഞന്, മോട്ടോര് ന്യൂറോണ് രോഗം ബാധിച്ച് വീല് ചെയറിലായിരുന്നു ജീവിതം
വിഖ്യാത ശാസ്ത്രജ്ഞന് സ്റ്റീഫന് ഹോക്കിംഗ് (76) അന്തരിച്ചു. ബുധനാഴ്ച പുലര്ച്ചെയായിരുന്നു അദ്ദേഹത്തിന്റെ അന്ത്യമെന്ന് ബന്ധുക്കള് അറിയിച്ചു.
സ്റ്റീഫന് ഹോക്കിഗിന്റെ കുടുംബാഗങ്ങളെ ഉദ്ധരിച്ച് വാര്ത്താ ഏജന്സി റോയിറ്റേഴ്സാണ് വാര്ത്ത റിപ്പോര്ട്ട് ചെയ്യുന്നത്. ഹോക്കിംഗിനെ എഎല്എസ് എന്ന മാരക രോഗം ബാധിച്ചിരുന്നു.
നക്ഷത്രങ്ങള് നശിക്കുമ്പോള് രൂപം കൊള്ളുന്ന തമോഗര്ത്തങ്ങളെക്കുറിച്ച് ഇന്നു ലഭ്യമായ വിവരങ്ങളില് പലതും ഇദ്ദേഹത്തിന്റെ ഗവേഷണങ്ങളിലൂടെ ഉരുത്തിരിഞ്ഞതാണ്. ഇപ്പോള് കേംബ്രിഡ്ജ് യൂണിവേഴ്സിറ്റിയിലെ ഗണിതശാസ്ത്രത്തിലെ ലുക്കാഷ്യന് പ്രഫസര് സ്ഥാനം വഹിക്കുന്നു. എ ബ്രീഫ് ഹിസ്റ്ററി ഓഫ് ടൈം എന്ന പ്രശസ്തമായ ശാസ്ത്രഗ്രന്ഥം രചിച്ചത് ഇദ്ദേഹമാണ.
ജീവശാസ്ത്ര ഗവേഷകനായിരുന്ന ഫ്രാങ്ക് ഹോക്കിന്സും ഇസബെല് ഹോക്കിന്സുമായിരുന്നു മാതാപിതാക്കള്. പതിനൊന്നാം വയസ്സില് സ്റ്റീഫന് ഇംഗ്ലണ്ടിലെ ഹെര്ട്ട്ഫോര്ഡ്ഷെയറിലെ സെന്റ് ആല്ബന്സ് സ്കൂളില് ചേര്ന്നു. മകനെ ഡോക്ടറാക്കാനായിരുന്നു മാതാപിതാക്കള് ആഗ്രഹിച്ചിരുന്നതെങ്കിലും, സ്റ്റീഫന് ഹോക്കിങിന് ഗണിതത്തിലും ഭൗതികശാസ്ത്രത്തിലുമായിരുന്നു താത്പര്യം.
17ആം വയസ്സില് ഓക്സ്ഫോര്ഡ് യൂണിവേഴ്സിറ്റിയില് നിന്ന് ഭൗതികശാസ്ത്രത്തില് ബിരുദം നേടി. കേംബ്രിഡ്ജില് ഗവേഷണ ബിരുദത്തിനു പഠിച്ചുകൊണ്ടിരിക്കുന്നതിനിടെയാണ് കൈകാലുകള് തളര്ന്നു പോകാന് കാരണമായ നാഡീരോഗം അദ്ദേഹത്തെ ബാധിച്ചത്.
കൈകാലുകള് ചലിപ്പിക്കാനാവാത്ത അവസ്ഥയിലും സഹപ്രവര്ത്തകരുടെ പിന്തുണ അദ്ദേഹത്തിന് ആത്മവിശ്വാസം പകര്ന്നു. ഗവേഷണ ബിരുദം നേടിയ ശേഷം 1965ല് ജെയ്ന് വൈല്ഡിനെ വിവാഹം കഴിച്ചു.
https://www.facebook.com/Malayalivartha
