പെന്റഗണില് മൊബൈല് ഫോണുകളുടെയും മറ്റു ഇലക്ട്രോണിക് ഉപകരണങ്ങളുടെയും ഉപയോഗത്തിന് നിയന്ത്രണങ്ങള് ഏര്പ്പെടുത്തുന്നു
അതിപ്രധാന വിവരങ്ങള് ചോരുന്ന പശ്ചാത്തലത്തില് പെന്റഗണില് മൊബൈല് ഫോണുകളുടെയും മറ്റു ഇലക്ട്രോണിക് ഉപകരണങ്ങളുടെയും ഉപയോഗത്തിന് നിയന്ത്രണങ്ങള് ഏര്പ്പെടുത്തുന്നു. അതീവരഹസ്യ സ്വഭാവമുള്ള വിവരങ്ങള് കൈകാര്യം ചെയ്യുന്ന ഇടങ്ങളില് നിയന്ത്രണങ്ങള് ഏര്പ്പെടുത്തി കൊണ്ടുള്ള പുതിയനയം യു എസ് പ്രതിരോധ വകുപ്പ് അവതരിപ്പിച്ചു. പെന്റഗണ് കെട്ടിടത്തിനുള്ളില് തുടര്ന്നും മൊബൈല് ഫോണുകള് കൊണ്ടുപോകാം. ക്ലാസ്സിഫൈഡ് രേഖകള് സൂക്ഷിച്ചിട്ടില്ലാത്ത പെന്റഗണ് ഓഫീസുകളിലും പൊതുഇടങ്ങളിലും മൊബൈല് പ്രവേശിപ്പിക്കാം.
ക്ലാസ്സിഫൈഡ് രേഖകള് സൂക്ഷിച്ചിരിക്കുന്ന മേഖലകളില് പ്രവേശിക്കുന്നതിന് മുന്പ് പ്രത്യേകസ്ഥലത്ത് നിക്ഷേപിക്കേണ്ടതുണ്ടെന്നും ഡെപ്യൂട്ടി ഡിഫന്സ് സെക്രട്ടറി പാട്രിക് ഷനാഹന് പറഞ്ഞു. പുതിയനയം ആറ് മാസത്തിനുള്ളില് പൂര്ണമായി നടപ്പിലാകും. സന്ദര്ശകര്, പ്രതിരോധ വകുപ്പ് ഉദ്യോഗസ്ഥര്, കരാറുകാര് തുടങ്ങിയവര്ക്ക് ഇത് ബാധകമായിരിക്കും.
മൊബൈല്, ലാപ്ടോപ്, ടാബ്ലെറ്റ്സ്, സ്മാര്ട്ട് വാച്ച് എന്നിവയും മറ്റു പോര്ട്ടബിള് ഇലക്ട്രോണിക് ഉപകരണങ്ങളും നിയന്ത്രണ പരിധിയില് വരുമെന്ന് അധികൃതര് അറിയിച്ചു.
https://www.facebook.com/Malayalivartha
