തിരുവനന്തപുരം: കോട്ടയം, ആലപ്പുഴ ജില്ലകളെ പ്രളയബാധിത പ്രദേശങ്ങളായി സര്‍ക്കാര്‍ പ്രഖ്യാപിച്ചു. ഇത് സംബന്ധിച്ച വിജ്ഞാപനം സർക്കാർ പുറത്തിറക്കി. സംസ്ഥാന ദുരന്തനിവാരണ അതോറിറ്റിയുടെ നിര്‍ദേശത്തെ തുടര്‍ന്നാണ് തീരുമാനം.

ദുരിതാശ്വാസപ്രവര്‍ത്തനങ്ങളും നഷ്ടപരിഹാരവും വേഗത്തിലാക്കാനാണ് തീരുമാനം. കർഷകർക്ക് കേന്ദ്ര മാനദണ്ഡമരുസരിച്ച് വളരെ കുറച്ചു തുകയേ നൽകാനാകൂ. ഇത് മറികടന്ന് യഥാർത്ഥ നഷ്ടം നികത്താനുള്ള തുക നൽകാനും ഇതോടെ സംസ്ഥാനത്തിന് കഴിയും.