പിടി ഉഷയുടെ ഉഷ സ്‌കൂള്‍ ഓഫ് അത്‌ലറ്റിക്‌സിനെതിരെ സി.പി.എം സമരം. കെ.എസ്.ഐ.ഡി.സിയുടെ ഇന്ഡസ്ട്രിയല്‍ എസ്‌റ്റേറ്റ് പ്രദേശത്തെ സ്‌കൂളിനെതിരെയാണ് സിപിഎം രംഗത്ത് വന്നത്.

അശാസ്ത്രീയമായ നിര്‍മ്മാണം മൂലം പ്രദേശത്ത് വെള്ളക്കെട്ട് ഉണ്ടാകുന്നു എന്നാരോപിച്ചാണ് സിപിഎം സമരം. ഉഷ സ്‌കൂളിനായി സിന്തറ്റിക്ക് ട്രാക്ക് നിര്‍മ്മിക്കുന്നതിനുള്ള നിര്‍മ്മാണ പ്രവര്‍ത്തനങ്ങള്‍മൂലമാണ് വെള്ളക്കെട്ട് രൂപപ്പെട്ടത് എന്നാണ് ആരോപണം.
എന്നാല് കെ.എസ്.ഐ.ഡി.സി അടുത്ത കാലത്ത് നിര്മ്മിച്ച റോഡാണ് വെള്ളക്കെട്ടിന് കാരണമെന്നാണ് ഉഷ സ്‌കൂളിന്റെ വിശദീകരണം.
അതേസമയം പി.ടി.ഉഷയെ ഗുജറാത്തിന്റെ സ്‌പോട്‌സ് വികസനത്തിന്റെ ചുമതലയേല്‍ക്കുന്നു. കിനാലൂരിലെ ഉഷ സ്‌കൂള്‍ മാതൃകയില്‍ സ്ഥാപനം തുടങ്ങി സംസ്ഥാനത്തിന്റെ കായികവികസനം നടപ്പാക്കുന്നതിനുള്ള സര്‍ക്കാര്‍ ക്ഷണം സ്വീകരിച്ചാണ് ഉഷ അഹമ്മാബാദിലേക്ക് പോകുന്നത്. ഇതുസംബന്ധിച്ച ധാരണാപത്രം അടുത്ത മാസം ഒമ്പതിന് ഗുജറാത്ത് സര്‍ക്കാരുമായി ഒപ്പിടും. 
ഗുജറാത്ത് സ്‌പോട്‌സ് അതോറിറ്റിയുടെയും സംസ്ഥാന സര്‍ക്കാരിന്റെയും പ്രത്യേക ക്ഷണിതാവായാണ് കേരളത്തിന്റെ ഒളിംപ്യന്‍ പുറപ്പെടുന്നത്. നരേന്ദ്ര മോദി മുഖ്യമന്ത്രിയായിരിക്കെയാണ് ഉഷയുമായുള്ള ചര്‍ച്ചകള്‍ തുടങ്ങി വച്ചത്. 
അടുത്ത മാസം ഒമ്പത് മുതല്‍ 14 വരെ ഗുജറാത്തില്‍ ഉഷ തന്നെ തിരഞ്ഞെടുത്ത ആറു സ്ഥലങ്ങളില്‍ കായികതാരങ്ങളുടെ പ്രാഥമിക സെലക്ഷന്‍ നടത്തും. തിരഞ്ഞെടുക്കപ്പെടുന്നവര്‍ക്കായി തുടര്‍ന്ന് വഡോദരയിലെ സ്‌പോട്‌സ് കോംപ്ല്ക്‌സ് ആസ്ഥാനത്ത് രണ്ടാംഘട്ടം പരിശീലനം തുടങ്ങും. ഉഷ സ്‌കൂള്‍ മാതൃകയില്‍ ഗുജറാത്തിന്റെ സ്‌പോട്‌സ് ആസ്ഥാനം വികസിപ്പിക്കാനാണ് സര്‍ക്കാര്‍ ആവശ്യപ്പെട്ടിരിക്കുന്നത്. ഉഷ സ്‌കൂളിന് സംസ്ഥാനം വേണ്ടത്ര പരിഗണ നല്‍കിയിരുന്നില്ല. കൂടാതെ ഇപ്പോഴത്തെ സിപിഎം സമരവും കൂടിയായപ്പോള്‍ എല്ലാമായി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha