കേരള പോലീസിലെ ഡോഗ് സ്ക്വാഡിന്റെ പേരും രൂപവും മാറുന്നു, കേരളപ്പിറവി ദിനത്തില് പുതിയ പേര് നിലവില് വരും
കേരള പോലീസിലെ ഡോഗ് സ്ക്വാഡിന്റെ പേരും രൂപവും മാറുന്നു പൊലീസിന്റെ ശ്വാനസേന 'കെ നയന്' സ്ക്വാഡ് എന്നാവും അറിയപ്പെടുക. സേനക്ക് പുതിയ പേരിനൊപ്പം പുതിയ ലോഗോയും യൂനിഫോമും അംഗീകരിച്ച് ഡി.ജി.പിയുടെ ഉത്തരവിറങ്ങി. കേരളപ്പിറവി നാളില് പുതിയ പേരില് സ്ക്വാഡ് നിലവില് വരും. കറുത്ത വൃത്തത്തില് ജര്മന് ഷെപ്പേര്ഡ് നായയുടെ തലയും അതിന് മുകളില് സ്ക്വാഡിന്റെ പേരും മുകളില് അശോകസ്തംഭം ഇരുവശങ്ങളിലായി ചുവപ്പില് ഒലിവ് ഇലകള് വിരിയിച്ച് നടുവില് വെള്ള റിബണ് കെട്ടി താഴെ ചുവപ്പ് മഷിക്കുള്ളില് കേരള പൊലീസ് എന്ന് അടയാളപ്പെടുത്തിയതാണ് പുതിയ ലോഗോ.
ഇടതു വശത്ത് കോണ് ആകൃതിയില് ഇരുണ്ട നേവി നീലനിറവും വലതുവശത്ത് ടാന് (ജര്മന് ഷെപ്പേര്ഡ് കളര്) നിറവും നടുവില് ലോഗോയും വെച്ചുള്ളതാണ് പുതിയ പതാക. പരേഡ് സമയത്ത് സാധാരണയായുള്ള പൊലീസിന്റെ കാക്കി യൂണിഫോമും ഡ്യൂട്ടിയില് നെഞ്ച് ഭാഗത്ത് ചുവപ്പ് നിറത്തില് 'കെ നയന് സ്ക്വാഡ് കേരള പൊലീസ്' എന്നെഴുതിയ കറുത്ത അരക്കയ്യന് പോളോ ടീ ഷര്ട്ടും കാക്കി പാന്റും.
ബൂട്ട് വിധത്തിലുള്ള കറുത്ത ഷൂവും കാക്കി സോക്സും ബേസ്ബാള് മോഡലിലുള്ള കറുത്ത തൊപ്പിയില് 'കെ നയന് സ്ക്വാഡ് കേരള പൊലീസ്' എന്ന് നടുവിലായി അടയാളപ്പെടുത്തിയുള്ളതാണ് പുതിയ യൂണിഫോം.
ലോഗോയുടെ മുകളില് മധ്യഭാഗത്ത് അശോകചക്രവും കെ നയന് സ്ക്വാഡ് എന്ന് കറുത്ത വൃത്തത്തിനുള്ളില് ചുവന്ന നിറത്തിലും എഴുതണം. അതിനുതാഴെ ജര്മന് ഷെപ്പേര്ഡ് നായയുടെ ചിത്രവും പതിക്കണം. അതിനുതാഴെ ചുവന്ന റിബണില് വെള്ള അക്ഷരത്തില് കേരള പോലീസ് എന്ന് രേഖപ്പെടുത്തണം.
https://www.facebook.com/Malayalivartha
