വിവിധ ആവശ്യങ്ങള് ഉന്നയിച്ച് ഓള് കേരള ബസ് ഓപറേറ്റേഴ്സ് കോഓഡിനേഷന്റെ കീഴിലുള്ള സ്വകാര്യ ബസുകള് നവംബര് ഒന്ന് മുതല് പണിമുടക്കുന്നു
വിവിധ ആവശ്യങ്ങള് ഉന്നയിച്ച് ഓള് കേരള ബസ് ഓപറേറ്റേഴ്സ് കോഓഡിനേഷന്റെ കീഴിലുള്ള സ്വകാര്യ ബസുകള് നവംബര് ഒന്ന് മുതല് പണിമുടക്കുമെന്ന് ബസ് ഓപറേറ്റേഴ്സ് ഓര്ഗനൈസേഷന് ഭാരവാഹികള് വാര്ത്തസമ്മേളനത്തില് അറിയിച്ചു. ഡീസല് വിലയില് സ്വകാര്യ ബസുകള്ക്ക് ഇളവ് അനുവദിക്കുക, വാഹന നികുതി ഒഴിവാക്കുക, വിദ്യാര്ഥികളുടെ മിനിമം ചാര്ജ് അഞ്ചുരൂപയാക്കുക, യാത്രക്കാരുടെ മിനിമം ചാര്ജ് 10 രൂപയാക്കുക എന്നീ ആവശ്യങ്ങള് ഉന്നയിച്ചാണ് പണിമുടക്ക്.
വിവിധ ആവശ്യങ്ങളുന്നയിച്ച് കേരള സ്റ്റേറ്റ് െ്രെപവറ്റ് ബസ് ഓപറേറ്റേഴ്സ് ഫെഡറേഷനും സമരം പ്രഖ്യാപിച്ചു. സംഘടനയുടെ നേതൃത്വത്തില് സംസ്ഥാനത്ത സ്വകാര്യബസുകള് നവംബര് 15ന് സൂചന പണിമുടക്ക് നടത്തും. സര്ക്കാറിന് പലതവണ നിവേദനം നല്കിയിട്ടും പരിഹാരമുണ്ടാകാത്ത സാഹചര്യത്തിലാണ് സംസ്ഥാനത്തെ മുഴുവന് ബസുടമകളെയും അണിനിരത്തി പ്രത്യക്ഷ സമരത്തിനൊരുങ്ങുന്നതെന്ന് ഫെഡറേഷന് സംസ്ഥാന പ്രസിഡന്റ് എം. ബി. സത്യന് കൊച്ചിയില് വാര്ത്തസമ്മേളനത്തില് പറഞ്ഞു.
സംസ്ഥാനത്തെ മുഴുവന് ബസുടമകളെയും സംഘടിപ്പിച്ച് എട്ടിന് സെക്രട്ടേറിയറ്റിലേക്ക് പ്രതിഷേധ മാര്ച്ചും സംഘടിപ്പിക്കും. വിഷയത്തില് സര്ക്കാറിന്റെ ഭാഗത്തുനിന്ന് അനുകൂല നടപടി ഉണ്ടായില്ലെങ്കില് നവംബര് 17ന് ചേരുന്ന സംസ്ഥാന കമ്മിറ്റി അനിശ്ചിതകാല സമരം പ്രഖ്യാപിക്കുമെന്നും സത്യന് പറഞ്ഞു.
https://www.facebook.com/Malayalivartha
