തന്ത്രി ശബരിമലക്ഷേത്രം അടച്ചിടുമെന്ന് പ്രഖ്യാപിച്ചതും പരികര്‍മികള്‍ പതിനെട്ടാംപടിക്ക് താഴെ സത്യഗ്രഹമിരുന്നതും സുപ്രീംകോടതി വിധി അട്ടിമറിക്കാനുള്ള ഈ നീക്കമാണെന്നും അത് അംഗീകരിക്കാനാവില്ലെന്നും മുഖ്യമന്ത്രി പിണറായി വിജയന്‍. ക്ഷേത്രം ദര്‍ശനത്തിന് തുറക്കുകയും അത് അടയ്ക്കുകയും ചെയ്യാനുള്ള അധികാരം ദേവസ്വം ബോര്‍ഡിനാണ്. അതിനനുസരിച്ചാണ് തിരക്ക് കുറയ്ക്കാന്‍ മാസത്തിലെ ആദ്യ അഞ്ച് ദിവസം നടതുറന്നത്. 302 കോടി 18 ലക്ഷം കഴിഞ്ഞ രണ്ട് വര്‍ഷം സര്‍ക്കാര്‍ ചെലവഴിച്ചു.ദേവസ്വം ബോര്‍ഡിന്റെ ചില്ലിക്കാശ് സര്‍ക്കാര്‍ എടുക്കുന്നില്ല. ക്ഷേത്രം ദേവസ്വം ബോര്‍ഡിന്റെ സ്വത്താണ്. അതില്‍ മറ്റാര്‍ക്കും അവകാശമില്ല.

1949 കവനന്റ് അനുസരിച്ച് അവകാശമുണ്ടെന്ന് പറയുന്നത് ശരിയല്ല. അതില്‍ പന്തളം രാജകുടുംബം കക്ഷിയായിരുന്നില്ല. തിരുവിതാംകൂറിന് പന്തളം രാജ്യവും എല്ലാ ആദായങ്ങളും ശബരിമലക്ഷേത്രത്തിലെ നടവരവ് സഹിതം തിരുവിതാംകൂറിന് വിട്ട് കൊടുത്തു. തിരൂവീതാംകൂറിന്റെ ക്ഷേത്രങ്ങള്‍ തിരുവിതാംകൂര്‍ ദേവസ്വംബോര്‍ഡിന്റെ കീഴിലും കൊച്ചിയിലേത് കൊച്ചി ദേവസ്വം ബോര്‍ഡിന്റെ കീഴിലും. 50 ലക്ഷം തിരുവിതാംകൂര്‍ ദേവസ്വത്തിന് നല്‍കണമെന്ന് പറഞ്ഞു. പിന്നീടാണ് ദേവസ്വം ബോര്‍ഡ് രൂപീകരിച്ചത്. അക്കാലം മുതല്‍ ബോര്‍ഡിന്റെ ഉടമസ്ഥതയിലാണ് ശബരിമല. നിയമപരമായ അവകാശി ദേവസ്വം ബോര്‍ഡ് മാത്രമാണ്. തെറ്റായ അവകാശ വാദം ആരും ഉന്നയിക്കേണ്ടതായിട്ടുണ്ടോ? 

ഉല്‍സവകാലത്ത് ഉത്തരവാദിത്തമുണ്ട്, അത് സര്‍ക്കാര്‍ ഇല്ലാതാക്കില്ല. പുതിയ തീരുമാനങ്ങള്‍ വരുമ്പോള്‍ എതിര്‍പ്പുകള്‍ ഉണ്ടാകുന്നത് സ്വാഭാവികമാണ്. ഗുരുവായൂര്‍ പപ്രക്ഷോഭം ശക്തിപ്പെട്ടപ്പോള്‍ 1932 ജനുവരി ഒന്ന് മുതല്‍ 28 വരെ അടഞ്ഞു. ബഹുജന സമരത്തെ തുടര്‍ന്നാണ് തുറന്നത്. എന്നിട്ടും അവര്‍ണര്‍ക്ക് പ്രവേശനം അനുവദിച്ചില്ല. ലോകനാര്‍ക്കാവില്‍ പിന്നോട്ട, പട്ടിക ജാതിക്കാര്‍ക്ക് കൊടുക്കാന്‍ രാജാവ് തീരുമാനിച്ചു. എന്നാല്‍ ബന്ധപ്പെട്ടവര്‍ ക്ഷേത്രം പൂട്ടി. തുടര്‍ന്ന് മറ്റൊരാളെ കൊണ്ടുവന്നത് ക്ഷേത്രം തുറന്നു. ശബരിമലയെ മുന്‍നിര്‍ത്തി രാഷ്ട്രീയം കളിച്ച് നേട്ടം കൊയ്യാന്‍ പലരും ശ്രമിക്കുന്നു. ബി.ജെ.പിയും കോണ്‍ഗ്രസും അതിന് ശ്രമിച്ചെന്നും മുഖ്യമന്ത്രി ചൂണ്ടിക്കാട്ടി. വിധി നടപ്പാക്കാന്‍ ആവശ്യമായ നിരോധനനിയമം, സോഷ്യല്‍ മീഡിയയെ നിയന്ത്രിക്കണം എന്നീ ആവശ്യങ്ങള്‍ സംസ്ഥാന സര്‍ക്കാരിനോട് ആവശ്യപ്പെട്ടു.