കേസിലെ വിവാദ ഇടനിലക്കാരന്‍ സതീഷ് സനയ്ക്ക് കേരളത്തിലെ ബന്ധങ്ങളിലേക്ക്. സി.സി തമ്ബിയുടെ എഞ്ചിനീയറിങ് കോളെജുമായി ബന്ധപ്പെട്ട കേസ് ഒതുക്കാന്‍ ശ്രമിച്ചു. റോബര്‍ട്ട് വദ്രയുടെ ഭൂമി ഇടപാട് കേസിലും സതീഷ് സന തമ്ബിയെ സഹായിച്ചുവെന്നാണ് റിപ്പോര്‍ട്ട് ഇരു കേസുകളിലും സിബിഐ സ്പെഷല്‍ ഡയറക്ടര്‍ അസ്താനയ്ക്ക് പങ്കുണ്ടെന്നാണ് സൂചന. മലയാളി വ്യവസായി കോര്‍നോളി പീറ്ററുമായും സതീഷ് സനയ്ക്ക് ഹവാല ഇടപാടുണ്ട്. പീറ്ററിന്റെ ദുബൈ കമ്ബനിയിലെ ഓഹരി സന വാങ്ങിയതിനും രേഖകള്‍ ഉണ്ട്.

അതേസമയം, അഴിമതിക്കേസില്‍ ആരോപിതനായ സിബിഐ സ്പെഷല്‍ ഡയറക്ടര്‍ രാകേഷ് അസ്താനയെ പദവികളില്‍നിന്നു നീക്കിഎന്നാണ് സൂചന. നേരെത്ത അസ്താനയെ പദവിയില്‍ തുടരാന്‍ അനുവദിക്കരുതെന്ന് ആവശ്യപ്പെട്ട് സിബിഐ ഡയറക്ടര്‍ അലോക് വര്‍മ കേന്ദ്ര സര്‍ക്കാരിനു കത്തുനല്‍കിയിരുന്നു. ഇതിനു പിന്നാലെയാണ് നടപടി.

അതേസമയം, കേസില്‍ രാകേഷ് അസ്താനയെ അറസ്റ്റ് ചെയ്യുന്നത് ഡല്‍ഹി ഹൈക്കോടതി തടഞ്ഞു. കേസില്‍ അടുത്ത തിങ്കളാഴ്ച വരെ അസ്താനയെ അറസ്റ്റ് ചെയ്യരുത്. കേസ് റദ്ദാക്കണമെന്ന് ആവശ്യപ്പെട്ടു അസ്താന നല്‍കിയ ഹര്‍ജി വീണ്ടും പരിഗണിക്കും. കേസുമായി ബന്ധപ്പെട്ട എല്ലാ ഇലക്ട്രോണിക് രേഖകളും സംരക്ഷിക്കണമെന്നും കോടതി ഉത്തരവിട്ടു.

അതേസമയം തനിക്കെതിരെ ചുമത്തിയ അഴിമതി കേസ് റദ്ദാക്കണമെന്ന് ആവശ്യപ്പെട്ടു രാകേഷ് അസ്താന ഹൈക്കോടതിയെ സമീപിച്ചത്. കേസുമായി ബന്ധപ്പെട്ടു സിബിഐ അറസ്റ്റുചെയ്ത ഡിഎസ്പി ദേവേന്ദ്ര കുമാറെ അറസ്റ്റിനെ ചോദ്യംചെയ്തു ഹൈക്കോടതിയെ സമീപിച്ചിട്ടുണ്ട്. ഇതു ഇന്നുതന്നെ പരിഗണിക്കുമെന്നാണ് വിവരം. സിബിഐ ഡയറക്ടര്‍ അലോക് വര്‍മയ്ക്കെതിരെ കള്ളമൊഴി നല്‍കിയെന്ന് ആരോപിച്ചാണ് ദേവേന്ദ്ര കുമാറിനെ അറസ്റ്റ് ചെയ്തത്.

ഉന്നത ഉദ്യോഗസ്ഥരുടെ തമ്മിലടി സര്‍ക്കാരിനും നാണക്കേടായതോടെ സിബിഐയിലെ പ്രതിസന്ധി പരിഹരിക്കാന്‍ പ്രധാനമന്ത്രി നരേന്ദ്ര മോദി തന്നെ രംഗത്തെത്തിയിരുന്നു. സിബിഐ സ്പെഷല്‍ ഡയറക്ടര്‍ക്കെതിരെ സിബിഐ തന്നെ അഴിമതിക്കേസ് ചുമത്തിയ അസാധാരണ സംഭവത്തിനു പിന്നാലെയാണിത്.

സ്പെഷല്‍ ഡയറക്ടര്‍ രാകേഷ് അസ്തനായ്ക്കെതിരെ കേസെടുക്കണമെന്ന് ആവശ്യപ്പെട്ട ഡയറക്ടര്‍ അലോക് വര്‍മയെ കഴിഞ്ഞ ദിവസം മോദി വിളിച്ചുവരുത്തി വിശദീകരണം തേടിയിരുന്നു. അസ്താനയും പ്രധാനമന്ത്രിയെ കണ്ടു കാര്യങ്ങള്‍ വിശദീകരിച്ചു.