പി.കെ. ശ്രീമതി എംപിക്കെതിരെ മോശം പരാമര്ശം; ഡോ. എന് ഗോപാലകൃഷ്ണനെതിരെ പൊലീസ് കേസെടുത്തു
പി.കെ. ശ്രീമതി എംപിക്കെതിരെ മോശം പരാമര്ശം നടത്തിയ സംഭവത്തില് സംഘപരിവാര് പ്രചാരകന് ഡോ. എന് ഗോപാലകൃഷ്ണനെതിരെ പൊലീസ് കേസെടുത്തു. ശബരിമല വിധിയുടെ പശ്ചാത്തലത്തില് സിപിഎം പത്തനംതിട്ടയില് നടത്തിയ സ്ത്രീ കൂട്ടായ്മയില് പി.കെ. ശ്രീമതി നടത്തിയ പ്രസംഗത്തിനെതിരെ ആയിരുന്നു ഗോപാലകൃഷ്ണന്റെ പരാമര്ശം. പ്രസംഗം സാമൂഹ്യ സ്പര്ദ്ധ വളര്ത്തുന്ന രീതിയില് പ്രചരിപ്പിച്ചതിന് 32 പേര്ക്കെതിരെയും കേസെടുത്തിട്ടുണ്ട്.
ഉദയഭാരതം എന്ന യൂ ട്യൂബ് ചാനലിലൂടെയാണ് ഗോപാലകൃഷ്ണന് ശ്രീമതി എംപിക്കെതിരെ മോശം പരാമര്ശം നടത്തിയത്. ഇന്ത്യന് ഇന്സ്റ്റിറ്റ്യൂട്ട് ഓഫ് സയന്റിഫിക് ഹെറിറ്റേജ് ഡയറക്ടറും എഴുത്തുകാരനും സംഘപരിവാര് ആശയങ്ങളുടെ പ്രചാരകനുമാണ് ഗോപാലകൃഷ്ണന്. നേരത്തെ മുസ്ലിം വിരുദ്ധ പരാമര്ശം നടത്തിയതിന് ഗോപാലകൃഷ്ണനെതിരെ വലിയ വിമര്ശനം ഉയര്ന്നിരുന്നു. മുസ്ലിംഗള് പന്നികളെപ്പോലെ പെറ്റ്കൂട്ടുന്നവരാണ് എന്നായിരുന്നു വിവാദ പരാമര്ശം.
https://www.facebook.com/Malayalivartha
