മണ്ഡല മകരവിളക്ക് സമയത്ത് ദേവസ്വം ബോര്ഡ് 1,680 താത്ക്കാലിക ജീവനക്കാരെ നിയമിക്കുന്നു; യുവതീ പ്രവേശനം സജീവ ചര്ച്ചയായ സമയത്ത് പാര്ട്ടിക്കാരെ കയറ്റി എല്ലായിടത്തും ഒരു കണ്ണുണ്ടാകാന് ശ്രമം; ദിവസ വേതനത്തിന് എടുക്കുന്നവര്ക്ക് തീര്ത്ഥാടന കാലം കഴിയും വരെ സന്നിധാനത്തു തങ്ങാന് പറ്റും
മണ്ഡല മകരവിളക്ക് കാലത്ത് നിയമിക്കാറുള്ള താത്ക്കാലിക ജീവനക്കാരുടെ കാര്യത്തില് പാര്ട്ടി നിലപാട് കര്ശനമാക്കി. സ്ത്രീ പ്രവേശനം തടയാനെത്തുന്നവരെ അതേ നാണയത്തില് തിരിച്ചടിച്ച് സ്ത്രീ പ്രവേശനം സാധ്യമാക്കാനാണ് പാര്ട്ടിയുടെ നീക്കം.
പാര്ട്ടി ഇതിനായി ദിവസവേതനക്കാരെ നിയമിക്കുവാനും നീക്കം നടക്കുന്നു. ഇത്തരത്തില് മണ്ഡല മകരവിളക്ക് സമയത്ത് ദേവസ്വം ബോര്ഡ് 1,680 പേരെയാണ് നിയമിക്കുന്നതുന്നത്. ഇത്തവണ സമരം ഏറ്റവുമധികമുണ്ടായ നിലയ്ക്കലില് 30 പേരെയും നിയമിക്കും. സന്നിധാനത്ത് പുറമെ അപ്പം, അരവണ നിര്മ്മിക്കുന്നിടത്തും അന്നദാനം, കുടിവെള്ള വിതരണം എന്നിവിടങ്ങളിലും ഓഫീസ് ഗസ്റ്റ് ഹൗസിലും തീര്ത്ഥാടകരുടെ താമസസ്ഥലം എന്നിവിടങ്ങളിലെ ജോലിക്കുമായാണ് ദേവസ്വം ബോര്ഡ് പാര്ട്ടി പ്രവര്ത്തകരെ നിയമിക്കുന്നത്.
ഇത്തരണത്തില് കര്ശ്ശനമായ നിര്ദ്ദേശവും നല്കിയിട്ടുണ്ട്. ഇവര്ക്ക് വേണ്ട എല്ലാ സൗകര്യങ്ങളും ഒരുക്കുന്നത് ദേവസ്വം ബോര്ഡ് തന്നെയാണ്. ദിവസ വേതനക്കാരെ നിയമിച്ച് സന്നിധാനത്തു സിപിഎം നിയന്ത്രണം ഉറപ്പാക്കാന് സര്ക്കാര് നീക്കം തുടങ്ങിയത് വലിയ ചര്ച്ചകള്ക്ക് വഴി വയ്ക്കുന്നുണ്ട്. സ്ത്രീ പ്രവേശനത്തെ അനുകൂലിക്കുന്നവരെ സന്നിധാനത്ത് എത്തിക്കാനാണ് നീക്കം. ദിവസ വേതനത്തിന് എടുക്കുന്നവര്ക്കു തീര്ത്ഥാടന കാലം കഴിയും വരെ സന്നിധാനത്ത് തങ്ങാന് പറ്റും. അവര്ക്കു ഭക്ഷണവും താമസ സൗകര്യവും ദേവസ്വം ബോര്ഡാണ് ഒരുക്കുന്നത്.
യുവതീപ്രവേശം സംബന്ധിച്ച കോടതി വിധി നടപ്പാക്കാനുള്ള സര്ക്കാര് നീക്കം വിശ്വാസികളുടെ എതിര്പ്പിനെ തുടര്ന്നു പരാജയപ്പെട്ടിരുന്നു. സന്നിധാനത്ത് വിശ്വാസികളായി സംഘടിച്ചതു സംഘപരിവാര് പ്രവര്ത്തകരാണെന്നാണു പൊലീസ് നല്കിയ റിപ്പോര്ട്ട്. എല്ഡിഎഫ് അനുഭാവികളാരും ഇല്ലാഞ്ഞതിനാല് പൊലീസിനു പിന്ബലം നല്കാന് ആരുമില്ലായിരുന്നുവെന്നാണു വിലയിരുത്തല്. ഈ സാഹചര്യത്തിലാണ് പുതിയ നീക്കം.
ഇതിനിടെ നവംബര് അഞ്ചിന് ശബരിമലനട തുറന്നശേഷം പതിനെട്ടാംപടിയില് ആചാരലംഘനം നടന്നാല് ആനിമിഷം കേരളം നിശ്ചലമാകുമെന്ന് ഹിന്ദു ഐക്യവേദി സംസ്ഥാന അധ്യക്ഷയായ കെ.പി.ശശികല താക്കീത് വലിയ ചര്ച്ചയുമായി.
https://www.facebook.com/Malayalivartha
