ശബരിമലയില് ഈ മണ്ഡലകാലത്ത് നടപ്പാക്കാനുദ്ധേശിച്ചിരുന്ന തിരുപ്പതി മോഡല് ഡിജിറ്റല് ബുക്കിംഗ് നടപ്പാക്കാന് തടസങ്ങളേറെ
കുറേ വര്ഷങ്ങളായി പറഞ്ഞു കേള്ക്കുന്നതാണ് ശബരി മലയില് തിരുപ്പതി മോഡല് ബക്കിംഗ് വേണമെന്നത്. ഇത്തവണ മുഖ്യമന്ത്രിയും ഇക്കാര്യം വ്യക്തമാക്കിയിരുന്നു. അതേസമയം ശബരിമലയില് ഈ മണ്ഡലകാലത്ത് നടപ്പാക്കാനുദ്ധേശിച്ചിരുന്ന തിരുപ്പതി മോഡല് ഡിജിറ്റല് ബുക്കിംഗ് നടപ്പിലാക്കില്ല. തിരുപ്പതിയെ അപേക്ഷിച്ച് ശബരിമല കാനന ക്ഷേത്രമായതിനാലും മറ്റു പ്രയോഗിക പ്രശ്നങ്ങളും നിലനില്ക്കുന്നതിനാല് തിരുപ്പതി മാതൃകയിലുള്ള ക്രമീകരണങ്ങള് പൂര്ത്തിയാക്കിന് കുറഞ്ഞത് നാലുമാസമെങ്കിലും ആവശ്യമാണ്. ഡിജിറ്റല് ബുക്കിംഗ് പ്രയോഗികമല്ലാത്തിനാല് നിലവിലുള്ള വെര്ച്വല് ക്യു സംവിധാനം കാര്യക്ഷമമാക്കും.
ശബരിമലയില് തിരക്കു നിയന്ത്രിക്കുന്നതിനും തീര്ത്ഥാടകരെ നിയന്ത്രിക്കുന്നതിനും വേണ്ടിയാണ് ഡിജിറ്റല് ബുക്കിംഗ് ഏര്പ്പെടുത്താന് സര്ക്കാര് തീരുമാനിച്ചത്. ശബരിമല ചീഫ് കോ ഒര്ഡിനേറ്റര് കുടിയായ പെതുമരാമത്ത് പ്രിന്സിപ്പല് സെക്രട്ടറി ജി കമല വര്ദ്ധനറാവു, ദേവസ്വം പ്രിന്സിപ്പല് സെക്രട്ടറി ജ്യോതിലാല്, എ.ഡി.ജി.പി എസ് ആനന്ദകൃഷ്ണന് എന്നിവരടങ്ങുന്ന സംഘം തിരുപ്പതി മാതൃകയെപ്പറ്റി പഠനം നടത്തി. ഓണ്ലൈന് ബുക്കിംഗിലൂടെ അനുവദിക്കുന്ന സമയത്തു മാത്രം ദര്ശനം നടത്തി മടങ്ങാന് അനുവദിക്കുന്ന തിരുപ്പതി മാതൃകയിലുള്ള സംവിധാനം ശബരിമലയില് പ്രായോഗിക പ്രശ്നങ്ങള് ഉണ്ടാക്കുമെന്നാണ് സംഘത്തിന്റെ വിലയിരുത്തല്.
തിരുപ്പതി ക്ഷേത്രം പോലെ നിത്യവും ദര്ശനമുള്ള ക്ഷേത്രമല്ല ശബരിമല. വനത്തിലുള്ള ക്ഷേത്രമായതിനാല് തന്നെ തീര്ത്ഥടകര് പല പാതകളിലൂടെയാണ് ഇവിടെ എത്തുന്നത്. ഇതെല്ലാം പരിഗണിച്ചുവേണം ഡിജിറ്റല് ബുക്കിംഗ് ഒരുക്കേണ്ടത്. തിരുപ്പതിയില് നല്കുന്നതുപോലെ ശബരിമലയിലേക്കുള്ള കാനനപാതയില് വിശ്രമത്തിനും ഭക്ഷണത്തിനും സൗകര്യമൊരുക്കുന്നതിനും പരിശോധനക്കും മറ്റുമായി അധിക സമയം വേണ്ടിവരുമെന്നാണ് സംഘത്തിന്റെ വിലയിരുത്തല്.
https://www.facebook.com/Malayalivartha
