സംസ്ഥാനത്തെ പൊതുവിദ്യാലയങ്ങളില് ആദ്യമായി എസ്എസ്എല്സി , ഹയര്സെക്കന്ഡറി പരീക്ഷകള് ഒരേസമയം
സംസ്ഥാനത്തെ പൊതുവിദ്യാലയങ്ങളില് പത്താംക്ലാസ്, ഹയര് സെക്കന്ഡറി ക്ലാസുകളിലെ പരീക്ഷകള് ഒന്നിച്ചു നടത്തും. പരീക്ഷണാര്ഥം പത്ത്, പ്ലസ് വണ്, പ്ലസ് ടു, വൊക്കേഷണല് ഹയര് സെക്കന്ഡറി ക്ലാസുകളിലെ അര്ധവാര്ഷിക പരീക്ഷകള് ഒന്നിച്ച് രാവിലെ നടത്തും. നേരത്തെ ഹയര് സെക്കന്ഡറി പരീക്ഷകള് രാവിലെയും പത്താംക്ലാസ് പരീക്ഷകള് ഉച്ചയ്ക്കുമായിരുന്നു.അര്ധവാര്ഷിക പരീക്ഷ ഒന്നിച്ചുനടത്തി പരീക്ഷാ നടത്തിപ്പില് അധ്യാപകര്ക്കും വിദ്യാര്ഥികള്ക്കുമുണ്ടാകാവുന്ന ആശയക്കുഴപ്പം പരിഹരിക്കും.
വാര്ഷികപരീക്ഷകളുടെ മോഡല് പരീക്ഷകളും ഒന്നിച്ചാക്കും. തുടര്ന്ന് എസ്എസ്എല്സി, പ്ലസ്വണ്, പ്ലസ് ടു, വൊക്കേഷണല് ഹയര് സെക്കന്ഡറി വാര്ഷിക പരീക്ഷകള് മാര്ച്ചില് ഒന്നിച്ചു നടത്താനാണ് തീരുമാനം. ക്രിസ്മസ് പരീക്ഷയ്ക്ക് ശേഷം മാത്രമേ അന്തിമതീരുമാനം കൈക്കൊള്ളുമെന്ന് മന്ത്രി സി രവീന്ദ്രനാഥ് പറഞ്ഞു.
ഉച്ചയ്ക്ക് ശേഷം നടത്തുന്ന എസ്എസ്എല്സി വാര്ഷികപരീക്ഷ രാവിലെ വേണമെന്നത് വിദ്യാര്ഥികളുടെയും രക്ഷിതാക്കളുടെയും ആവശ്യമാണ് മാര്ച്ചില് കനത്ത ചൂടുകാലത്ത് ഉച്ചയ്ക്ക് പരീക്ഷ ആരംഭിക്കുന്നത് കുട്ടികളെ വലയ്ക്കുന്നതായി റിപ്പോര്ട്ടുകളുണ്ട്.
സംസ്ഥാനത്തെ പൊതുവിദ്യാലയങ്ങളില് ആദ്യമായാണ് എസ്എസ്എല്സി, ഹയര്സെക്കന്ഡറി പരീക്ഷകള് ഒന്നിച്ച് നടത്തുന്നത്. ഡിസംബര് 13 മുതല് 22 വരെയാണ് അര്ധവാര്ഷിക പരീക്ഷകള് നടക്കുന്നത്.
https://www.facebook.com/Malayalivartha
