ശബരിമല യുവതി പ്രവേശന വിഷയത്തിൽ പ്രതിഷേധിച്ച് സംസ്ഥാനത്തിന്റെ വിവിധ ഭാഗങ്ങളില്‍ നടന്ന അക്രമസംഭവങ്ങളില്‍ 452 കേസുകളിലായി 2061 പേര്‍ അറസ്റ്റിലായി. തുലാമാസ പൂജയ്ക്ക് നട തുറന്ന ദിവസം മുതലുണ്ടായ സംഘര്‍ഷത്തില്‍ ഉള്‍പ്പെട്ടവരാണ് അറസ്റ്റിലായത്. അക്രമികളെ കഴിഞ്ഞ ദിവസങ്ങളിലും ഇന്ന് പുലര്‍ച്ചയെുമായി വീടുകളില്‍ നിന്ന് അറസ്റ്റ് ചെയ്യുകയായിരുന്നു. കഴിഞ്ഞ ദിവസം തിരുവനന്തപുരത്ത് മുഖ്യമന്ത്രി പിണറായി വിജയന്‍ വിളിച്ചു ചേര്‍ത്ത ഉന്നത പൊലീസ് ഉദ്യോഗസ്ഥരു‌ടെ യോഗത്തില്‍ നല്‍കിയ നിര്‍ദ്ദേശത്തെത്തുടര്‍ന്നാണ് അറസ്റ്റ്.

പത്തനംതിട്ട ജില്ലയില്‍ മാത്രം ഇന്നലെ വരെ 58 കേസുകളില്‍ 153 പേര്‍ അറസ്റ്റിലായി. ഇതില്‍ 56 പേരെ ജാമ്യമില്ലാ വകുപ്പ് പ്രകാരം റിമാന്‍ഡ് ചെയ്തു.പിടിയിലായവരില്‍ ആയിരത്തി അഞ്ഞൂറോളം പേരെ സ്‌റ്റേഷന്‍ ജാമ്യത്തില്‍ വിട്ടയച്ചിട്ടുണ്ട്. എന്നാല്‍ ജാമ്യമില്ലാത്ത വകുപ്പുകള്‍ പ്രകാരം അറസ്‌റ്റിലായവരെ കോടതിയില്‍ ഹാജരാക്കി റിമാന്‍ഡ് ചെയ്യും.

17ന് നിലയ്ക്കല്‍, പമ്പ എന്നിവിടങ്ങളില്‍ നടന്ന അക്രമങ്ങളില്‍ പത്തനംതിട്ട, കോട്ടയം, എറണാകുളം, പാലക്കാട് ജില്ലകളില്‍ നിന്നുള്ള 18 പേര്‍ റിമാന്‍ഡിലായി. ഇവരെ റാന്നി കോടതിയാണ് റിമാന്‍ഡ് ചെയ്തത്. മൊത്തം 74 പേരെ കഴിഞ്ഞ ദിവസം മാത്രം റിമാന്‍‌ഡ് ചെയ്‌തിരുന്നു. നിലയ്ക്കല്‍, പമ്ബ, സന്നിധാനം എന്നിവിടങ്ങളില്‍ സ്ഥാപിച്ചിരുന്ന പൊലീസിന്റെ നിരീക്ഷണ കാമറകളില്‍ പ്രതിഷേധക്കാരുടെ ദൃശ്യങ്ങള്‍ തെളിഞ്ഞിരുന്നു. നിലയ്ക്കലില്‍ പൊലീസുമായി ഏറ്റുമുട്ടിയ 210 പേരുടെ മുഖം വ്യക്തമാക്കുന്ന ചിത്രങ്ങള്‍ പൊലീസ് വിവിധ വാട്സ് ആപ്പ് ഗ്രൂപ്പുകളില്‍ പ്രചരിപ്പിച്ചിരുന്നു. സംസ്ഥാനത്തെ എല്ലാ പൊലീസ് സ്റ്റേഷനുകളിലേക്കും ചിത്രങ്ങള്‍ അയയ്ക്കുകയുണ്ടായി. ഇതേ തുടര്‍ന്ന് പൊലീസുമായി ഏറ്റുമുട്ടുകയും വാഹനങ്ങള്‍ തകര്‍ക്കുകയും ചെയ്തതായി കേസുള്ള പതിനെട്ടുപേരെ അറസ്റ്റ് ചെയ്തു. അക്രമങ്ങളില്‍ പങ്കെടുത്തവരുടെ ദൃശ്യങ്ങള്‍ ബുധനാഴ്ച വൈകിട്ടാണ് പൊലീസ് സോഷ്യല്‍ മീഡിയ വഴി പ്രചരിപ്പിച്ചത്.

ശബരിമല അക്രമം- കണക്കുകള്‍ ഇങ്ങനെ

മൊത്തം കേസുകള്‍-452

അറസ്റ്രിലായവര്‍-1410

ജാമ്യത്തില്‍ വിട്ടയച്ചവര്‍-1206

സോഷ്യല്‍മീഡിയ ദുരുപയോഗത്തിന് കേസുകള്‍-21

സോഷ്യല്‍മീഡിയ കേസുകളിലെ അറസ്റ്റ്-8

പിടിച്ചെടുത്ത മൊബൈല്‍ഫോണുകള്‍-4

പിടിച്ചെടുത്ത വാഹനങ്ങള്‍-11

കേസുകള്‍ ജില്ലതിരിച്ച്‌

തിരുവനന്തപുരം-16

തിരുവനന്തപുരം റൂറല്‍-7

കൊല്ലം സിറ്റി-19

കൊല്ലം റൂറല്‍-13

പത്തനംതിട്ട-50

ആലപ്പുഴ-19

കോട്ടയം-18

ഇടുക്കി-11

കൊച്ചി സിറ്രി-13

എറണാകുളം റൂറല്‍-21

തൃശൂര്‍ സിറ്റി-20

തൃശൂര്‍ റൂറല്‍-15

പാലക്കാട്-36

മലപ്പുറം-49‌

കോഴിക്കോട് സിറ്റി-56

കോഴിക്കോട് റൂറല്‍-19

വയനാട്-13

കണ്ണൂര്‍-32

കാസര്‍കോട്-13

അറസ്റ്റ് ജില്ല തിരിച്ച്‌

തിരുവനന്തപുരം-76

തിരുവനന്തപുരം റൂറല്‍-1

കൊല്ലം സിറ്റി-32

കൊല്ലം റൂറല്‍-5

പത്തനംതിട്ട-120

ആലപ്പുഴ-191

കോട്ടയം-95

ഇടുക്കി-10

കൊച്ചി സിറ്രി-226

എറണാകുളം റൂറല്‍-75

തൃശൂര്‍ സിറ്റി-0

തൃശൂര്‍ റൂറല്‍-9

പാലക്കാട്-57

മലപ്പുറം-133

കോഴിക്കോട് സിറ്റി-44

കോഴിക്കോട് റൂറല്‍-16

വയനാട്-100

കണ്ണൂര്‍-8

കാസര്‍കോട്-92