ശബരിമല അയ്യപ്പനെ ഇല്ലാതാക്കാനാണ് സര്ക്കാര് ശ്രമിക്കുന്നതെന്ന് ബി.ജെ.പി നേതാവ് പി.കെ കൃഷ്ണദാസ്, മണ്ഡലകാലത്തേക്ക് നിയമിച്ച സ്പെഷ്യല് പൊലീസുകാര് സി.പി.എമ്മിന്റെ സജീവ പ്രവര്ത്തകരാണ്, ഭക്തരെ അടിച്ചൊതുക്കാനാണ് അവര് ശ്രമിക്കുന്നതെന്നും ആരോപണം
ശബരിമലയെ മറ്റൊരു കണ്ണൂരാക്കാനാണ് സി.പി.എമ്മും മുഖ്യമന്ത്രിയും ശ്രമിക്കുന്നതെന്നും പാര്ട്ടി ക്രിമിനലുകളെ രംഗത്തിറക്കിയത് അതിനാണെന്നും ബിജെപി ദേശീയ നിര്വാഹക സമിതി അംഗം പികെ കൃഷ്ണദാസ് ആരോപിച്ചു. ശബരിമലയിലും നിലയ്ക്കലും പമ്പയിലും ഭക്തരുടെ ചോരപ്പുഴയൊഴുക്കാനാണ് സിപിഎമ്മും സര്ക്കാറും സംയുക്തമായി ശ്രമിക്കുന്നതെന്നും കൃഷ്ണദാസ് കണ്ണൂരില് നടത്തിയ വാര്ത്താസമ്മേളനത്തില് പറഞ്ഞു.
ശബരിമല അയ്യപ്പനെ ഇല്ലാതാക്കാനാണ് സര്ക്കാര് ശ്രമിക്കുന്നത്. സ്പെഷല് പൊലീസായി നിയോഗിച്ചവരില് ഭൂരിഭാഗവും സിപിഎമ്മിന്റെ സജ്ജീവ പ്രവര്ത്തകരെയാണ്. ലോക്കല് സെക്രട്ടറിമാര് നല്കിയ പട്ടികയനുസരിച്ചാണ് സ്പെഷല് പൊലീസുകാരായി സിപിഎം പ്രവര്ത്തകരെ നിയോഗിച്ചത്. മണ്ഡല കാലത്തും സംഘര്ഷമുണ്ടാക്കി ഭക്തരെ അടിച്ചൊതുക്കാനാണ് സിപിഎം ശ്രമിക്കുന്നത്. പിണറായി വിജയന് തീ കൊണ്ട് തല ചൊറിയുകയാണെന്നും കൃഷ്ണദാസ് പറഞ്ഞു.
അതേസമയം ശബരിമല സംഘര്ഷങ്ങളുമായി ബന്ധപ്പെട്ട് ഇന്നും അറസ്റ്റ് തുടരുന്നു. വധശ്രമക്കേസില് ഉള്പ്പെടെ രണ്ടായിരത്തിലധികം പേര് അറസ്റ്റിലായി. നിലയ്ക്കലില് വാഹനങ്ങള് തടഞ്ഞ 12 സ്ത്രീകള്ക്കെതിരെ ജാമ്യമില്ലാ വകുപ്പ്പ്രകാരം കേസ് രജിസ്റ്റര് ചെയ്തിട്ടുണ്ട്. അറസ്റ്റ് വ്യാപകമാകുമ്പോള് ബി.ജെ.പി വലിയ പ്രതിരോധത്തിലാണ്.
https://www.facebook.com/Malayalivartha
