ശബരിമല യുവതീ പ്രവേശന വിഷയത്തില്‍ വിവാദം കൊടുമ്പിരിക്കൊണ്ടിരിക്കെ, ശബരിമല വിഷയത്തില്‍ ചെകുത്താനും കടലിനും നടവില്‍ അകപ്പെട്ട അവസ്ഥയിലാണ് സംസ്ഥാന സര്‍ക്കാരും ദേവസ്വം ബോര്‍ഡും. മുഖ്യമന്ത്രിയുടെ അപ്രീതിക്ക് പാത്രമായി സി.പി.എമ്മിലും ദേവസ്വം ബോര്‍ഡിലും ഒറ്റപ്പെട്ട തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് എ. പത്മകുമാര്‍ വൈകാതെ രാജിവയ്ക്കുമെന്ന് സൂചന.

ക​ഴി​ഞ്ഞ​ വര്‍​ഷ​മാ​ണ് പ​ത്മ​കു​മാര്‍ ദേ​വ​സ്വം ബോര്‍​ഡ് പ്ര​സി​ഡന്റ് സ്ഥാ​ന​ത്തെ​ത്തി​യ​ത്. ഒ​രു​വര്‍​ഷം കൂ​ടി കാ​ലാ​വ​ധി​യു​ണ്ട്. കെ.രാ​ഘ​വ​ന്റെ കാ​ലാ​വ​ധി കഴി‌ഞ്ഞ ദിവസം ക​ഴി​ഞ്ഞ​തി​നാല്‍ ബോര്‍​ഡില്‍ നി​ല​വില്‍ ഒ​രു ഒ​ഴി​വു​ണ്ട്. പ​ട്ടി​ക​വി​ഭാ​ഗ​ക്കാര്‍​ക്കാ​യി സം​വ​ര​ണം ചെ​യ്​ത സീ​റ്റാ​ണി​ത്.

പത്മകുമാര്‍ രാജിവച്ചാല്‍ മുന്‍ പ്ര​ധാ​ന​മ​ന്ത്രി മന്‍​മോ​ഹന്‍ സിം​ഗി​ന്റെ ഉ​പ​ദേ​ഷ്ടാ​വാ​യി​രു​ന്ന ടി.കെ.എ നാ​യ​രെ​യോ മുന്‍ ദേ​വ​സ്വം ബോര്‍​ഡ് പ്ര​സി​ഡന്റ് എം.രാ​ജ​ഗോ​പാ​ലന്‍ നാ​യ​രെ​യോ ആ സ്ഥാനത്തേക്ക് കൊണ്ടുവരുമെന്നാണ് അഭ്യൂഹം. നിലവില്‍ കേരള ദേവസ്വം റിക്രൂട്ട്മെന്റ് ബോര്‍ഡ് ചെയര്‍മാനാണ് രാജഗോപാലന്‍ നായര്‍. ഇ​രു​വ​രും യു​വ​തീ പ്ര​വേ​ശ​ന​ത്തോ​ട് അ​നു​കൂ​ല​മാ​യി പ​ര​സ്യ നി​ല​പാ​ട് സ്വീ​ക​രി​ച്ച​വ​രാ​ണ്. ടി.കെ.എ നാ​യ​രെ നിയമിച്ചാല്‍ കോണ്‍​ഗ്ര​സി​ന്റെ പ്ര​തി​ഷേ​ധ​മു​ന ഒ​ടി​ക്കാ​നാ​കു​മെന്ന കണക്കുകൂട്ടലും നീക്കത്തിന് പിന്നിലുണ്ട്. അതേസമയം എം.രാ​ജ​ഗോ​പാ​ലന്‍ നാ​യർ ദേവസ്വം റിക്രൂട്ട്മെന്റ് ബോർഡ് അംഗം ആയതിനാൽ ടി.കെ.എ നാ​യ​ർക്കാണ് മുൻ‌തൂക്കം.

കടുത്ത സമ്മര്‍ദ്ദം നേരിടേണ്ടിവരുന്നതോടെ തല്‍​സ്ഥാ​ന​ത്ത് തു​ട​രേ​ണ്ടെ​ന്ന നി​ല​പാ​ടി​ലാ​ണ് പ​ത്മ​കുർ. യുവതീ പ്രവേശന വിഷയത്തില്‍ ബോര്‍ഡിലും ഭിന്നതയുണ്ട്. ഈ സാഹചര്യത്തിലാണ് അദ്ദേഹം ഒഴിയുമെന്ന അഭ്യൂഹം പരക്കുന്നത്. എന്നാല്‍, ഇതേക്കുറിച്ച്‌ പ്രതികരിക്കാന്‍ അദ്ദേഹം ഇതുവരെ തയ്യാറായിട്ടില്ല.

യുവതീ പ്രവേശന വിഷയത്തില്‍ റി​വ്യൂ ഹര്‍​ജി നല്‍​കു​മെ​ന്ന് ആ​ദ്യം വ്യ​ക്ത​മാ​ക്കി​യ പ​ത്മ​കു​മാര്‍ സര്‍​ക്കാര്‍ സ​മ്മര്‍​ദ്ദ​ത്തെ തു​ടര്‍​ന്ന് ഇ​തില്‍ നി​ന്ന് പിന്‍​വാ​ങ്ങി​യി​രു​ന്നു. തു​ലാ​മാ​സ പൂ​ജ​യ്​ക്ക് ന​ട തു​റ​ന്ന​പ്പോ​ഴു​ണ്ടാ​യ ഭ​ക്ത​രു​ടെ പ്ര​തി​ഷേ​ധം സം​ബ​ന്ധി​ച്ച്‌ സു​പ്രീം​കോ​ട​തി​യില്‍ വി​ശ​ദ​മാ​യ റി​പ്പോര്‍​ട്ട് നല്‍​കു​മെ​ന്ന് പി​ന്നീ​ട് അ​റി​യി​ച്ചു. എ​ന്നാല്‍ സര്‍​ക്കാ​രി​ന്റെ കര്‍ശന നിലപാടില്‍ അതില്‍ നിന്നും പിന്‍വാങ്ങേണ്ടിവന്നു.

സ​മൂ​ഹ​മാ​ദ്ധ്യ​മ​ങ്ങ​ളില്‍ താന്‍ അ​യ്യ​പ്പ​ഭ​ക്ത​നാ​ണെ​ന്ന് സാ​ക്ഷ്യ​പ്പെ​ടു​ത്തു​ന്ന പ​ത്മ​കു​മാ​റി​ന്റെ പ്ര​സം​ഗ​ത്തി​ന്റെ ഓ​ഡി​യോ​ പ്ര​ച​രി​ക്കു​ന്നു​ണ്ട്. അതിനിടെ 'അയ്യപ്പസ്വാമി തുണ, എല്ലാം ഭംഗിയായി, ആര് എതിര്‍ത്താലും ആചാരങ്ങള്‍ തെറ്റില്ല, അത് വിശ്വാസമാണ് ' എന്ന് തുടങ്ങി ഒരു യുവമോര്‍ച്ച നേതാവ് ഫേസ് ബുക്കിലിട്ട ലൈവ് പത്മകുമാര്‍ ഷെയര്‍ ചെയ്തിരുന്നു. ഇത് വിവാദമായതോടെ ഫേസ് ബുക്ക് പേജ് തന്നെ പത്മകുമാര്‍ ഡിലീറ്റ് ചെയ്യുകയായിരുന്നു.