ശബരിമല പ്രശ്നത്തില് നിന്ന് ശ്രദ്ധതിരിക്കാനും പാര്ലമെന്റ് തെരഞ്ഞെടുപ്പ് മുന്നില് കണ്ടും സര്ക്കാര് സരിതയെ കളത്തിലിറക്കിയതോടെ ബലാല്സംഗ കേസില് ഉമ്മന്ചാണ്ടിയും കെ.സി വേണുഗോപാലും മുന്കൂര് ജാമ്യം തേടുന്നു... സുപ്രീംകോടതി അഭിഭാഷകര് ഇവര്ക്കായി ഹാജരാകും
സോളാര് കേസിന്റെ ചൂട് ഏല്ക്കാതെ രക്ഷപെടാനായി മുന് മുഖ്യമന്ത്രി ഉമ്മന്ചാണ്ടിയും കെ.സി വേണുഗോപാല് എം.പിയും ഹൈക്കോടതിയിലേക്ക്... ഇരുവരും മുന്കൂര് ജാമ്യാപേക്ഷ നല്കും. ജാമ്യമില്ലാ വകുപ്പുകള് ചുമത്തിയതിനെ തുടര്ന്നാണ് പുതിയ നീക്കം. ശബരിമലവിഷയത്തില് നിന്ന് ശ്രദ്ധതിരിക്കാനും പാര്ലമെന്റ്് തെരഞ്ഞെടുപ്പ് മുന്കൂട്ടി കണ്ടുള്ള രാഷ്ട്രീയ നീക്കമാണിതെന്നും കോണ്ഗ്രസ് ആരോപിക്കുന്നു. അതേസമയം ഇരുവര്ക്കും എതിരായ കേസുകള്ക്ക് മാത്രമായി സര്ക്കാര് ഹൈക്കോടതിയില് സ്പെഷ്യല് പ്ലീഡറെ നിയമിക്കാന് തീരുമാനിച്ചു.
പരാതിക്കാരിയായ സരിതാ എസ്. നായരുടെ മൊഴി െ്രെകംബ്രാഞ്ച് വീണ്ടും രേഖപ്പെടുത്തി. കോടതിയില് രഹസ്യമൊഴി നല്കുന്നതിന് മുന്നോടിയായിട്ടാണിത്. പ്രകൃതി വിരുദ്ധ ലൈംഗിക പീഡനം, വഞ്ചന തുടങ്ങിയ കുറ്റങ്ങളാണ് ഉമ്മന് ചാണ്ടിക്കെതിരെ ചുമത്തിയത്. ബലാല്സംഗം, സ്ത്രീത്വത്തെ അപമാനിക്കല് എന്നീ വകുപ്പുകളാണ് കെ സി വേണുഗോപാലിനെതിരെയുളളത്. എഫ് ഐ ആര് റദ്ദാക്കാനാവശ്യപ്പെട്ട് ഹൈക്കോടതിയെ സമീപിക്കാനായിരുന്നു ആദ്യ തീരുമാനം. സരിതയുടെ മൊഴി ശക്തമാണെന്നും അതുകൊണ്ട് അത് അസാധ്യമാണെന്നും നിയമോപദേശം ലഭിച്ചതിനെ തുടര്ന്ന് തീരുമാനം മാറ്റുകയായിരുന്നു.
സുപ്രീംകോടതി അഭിഭാഷകരായിരിക്കും ഉമ്മന്ചാണ്ടിക്കും കെ.സിക്കും വേണ്ടി എത്തുക. മുന്പ് ഇരുവര്ക്കുമെതിരെ കേസ് എടുക്കാനാവില്ലെന്ന് സുപ്രീംകോടതി അഭിഭാഷകന് അരിജിത് പസായത്ത് സര്ക്കാരിന് നിയമോപദേശം നല്കിയിരുന്നു. തുടര്ന്ന് കേസ് പോലും രജിസ്റ്റര് ചെയ്യാതെ സര്ക്കാര്തീരുമാനം മരവിപ്പിക്കുകയായിരുന്നു. ഇപ്പോള് സരതയുടെ മൊഴി വീണ്ടും രേഖപ്പെടുത്തിയാണ് പുതിയ കേസ് എടുത്തത്. ഇതോടൊപ്പം മറ്റ് പല കോണ്ഗ്രസ് നേതാക്കളടക്കം ആറ് പേര്ക്കെതിരെ ബാല്സംഗ കുറ്റം ചുമത്തി ക്രൈംബ്രാഞ്ച് കേസെടുക്കുമെന്നും അറിയുന്നു. വിജിലന്സ് കേസുകള് കൈകാര്യം ചെയ്യുന്ന അഡ്വ എ. രാജേഷാണ് ലൈംഗിക പീഡനക്കേസുകള്ക്ക് മേല്നോട്ടം വഹിക്കുക.
https://www.facebook.com/Malayalivartha
