പ്രതിഛായ മെച്ചപ്പെടുത്താന്‍ ദേശീയ മാധ്യമ ങ്ങളില്‍ അഭിമുഖം നല്‍കാന്‍ മുഖ്യമന്ത്രി തയ്യാറെടുക്കുന്നു ശബരിമല യുവതീ പ്രവേശനത്തില്‍ മുഖ്യമന്ത്രിയുടെ നിലപാട് അരക്കിട്ടുറപ്പിക്കുന്നതിനാണ് അഭിമുഖത്തിലൂടെ ലക്ഷ്യമിടുന്നത്. ഇതിനായി മുഖ്യമന്ത്രിയുടെ മാധ്യമ ഉപദേഷ്ടാവായ ജോണ്‍ ബ്രിട്ടാസ് ദേശീയ മാധ്യമങ്ങളുടെ ഡല്‍ഹി ലേഖകന്‍ മാരെ തിരുവനന്തപുരത്ത് കൊണ്ട് വന്ന് ശബരിമല വിഷയത്തില്‍ പിണറായിയുടെ അഭിമുഖം നടത്താനാണ് തയ്യാറെടുക്കുന്നത്.

ശബരിമലയിലെ യുവതീ പ്രവേശനത്തില്‍ നിലവില്‍ സംസ്ഥാന സര്‍ക്കാര്‍ പ്രതിസന്ധിയിലാണ്. കോണ്‍ഗ്രസും ബിജെപിയും ഭക്തര്‍ക്കൊപ്പമാണ് നിലകൊള്ളുന്നത്. ഈ സാഹചര്യത്തില്‍ പ്രതിരോധത്തിനൊപ്പം പ്രത്യാക്രമണം എന്ന തന്ത്രമാണ് മുഖ്യമന്ത്രി സ്വീകരിക്കുന്നത്. ദേശീയ മാധ്യമങ്ങളില്‍ അഭിമുഖം നല്‍കുക എന്ന ആശയത്തിന് പിന്നില്‍ മുഖ്യമന്ത്രിയുടെ മാധ്യമ ഉപദേഷ്ടാവ് ജോണ്‍ ബ്രിട്ടാസാണ്. ശബരിമല പ്രക്ഷോഭത്തില്‍ മാധ്യമ പ്രവര്‍ത്തകരുടെ നേര്‍ക്കുണ്ടായ ആക്രമണവും പൊതു സമൂഹത്തില്‍ ചര്‍ച്ചയാക്കും .സംസ്ഥാനത്തെ മാധ്യമങ്ങള്‍ ശബരിമലയിലെ വിഷയങ്ങളില്‍ നിലപാട് മാറ്റിയതും കൂടി കണക്കിലെടുത്താണ് മുഖ്യമന്ത്രിയുടെ നീക്കം. ദേശീയ ചാനലുകളിലെ അഭിമുഖത്തിലൂടെ ആര്‍ എസ്സ് എസ്സും കോണ്‍ഗ്രസും സ്വീകരിക്കുന്ന നിലപാട് ജനങ്ങളെ ബോധിപ്പിക്കാനും മുഖ്യമന്ത്രി തയ്യാറെടുക്കുകയാണ്. ദേശീയ തലത്തില്‍ തന്നെ പിണറായി വിജയനാണ് Rടട നെ ചെറുക്കുന്ന നേതാവെന്ന പ്രതീതി സൃഷ്ട്ടിക്കാനാണ് സി പി എം ലക്ഷ്യം വെയ്ക്കുന്നത്. സര്‍ക്കാര്‍ നിലപാട് സി പി എം അണികള്‍ക്കുമപ്പുറത്ത് പൊതുസമൂഹത്തെ ബോധ്യപ്പെടുത്താന്‍ കഴിഞ്ഞില്ലെന്ന് പല സി പി എം നേതാക്കളും രഹസ്യമായി സമ്മതിക്കുന്നുണ്ട്. വീഴ്ച്ചകള്‍ എടുത്തുകാട്ടി ഉയരുന്ന വിമര്‍ശനങ്ങള്‍ ദേശീയ ചാനലുകളിലെ അഭി മുഖത്തിലൂടെ മറികടക്കാനാണ് മുഖ്യമന്ത്രി ലക്ഷ്യമിടുന്നതെന്ന് വ്യക്തം.