ബസ് കയറി യുവതി മരിച്ചു. വയനാട് സ്വദേശി അമ്പിളി വിജയന്‍ (26) ആണ് മരണപ്പെട്ടത്. ഇന്ന് രാവിലെ 9.40 മണിയോടെയാണ് അപകടം. തൊണ്ടയാടു നിന്നും കോഴിക്കോട് മാവൂര്‍ റോഡിലെ 'മൈ ജി വേള്‍ഡ് ' മൊബൈല്‍ കടയിലേക്ക് ജോലിക്ക് വരികയായിരുന്നു അമ്പിളി. കൂടരഞ്ഞി നിന്നും കോഴിക്കോട്ടേക്ക് വരികയായിരുന്ന കെ.സി ബസാണ് അപകടം വരുത്തിയത്.

സഹപ്രവര്‍ത്തകനായ റിനീഷ് (24) എന്ന യുവാവിന്റെ ബൈക്കില്‍ സഞ്ചരിക്കുമ്പോഴാണ് അപകടത്തില്‍ പെട്ടത്. ബീച്ച് ഫയര്‍ സ്‌റ്റേഷന്‍ ഓഫീസര്‍ പനോത്ത് അജിത് കുമാറിന്റെ നേതൃത്വത്തിലെത്തിയ ഫയര്‍ ഫോഴ്‌സ് സംഘം പരിക്കേറ്റയുവാവിനെ മെഡി: കോളേജ് ആശുപത്രിയിലേക്ക് മാറ്റിയ ശേഷം റോഡിലെ രക്തവും മാംസാവശിഷ്ടങ്ങളും വെള്ളം പമ്പ് ചെയ്ത് നീക്കി. ഈ ഭാഗത്ത് റോഡിലേക്ക് അപകടകരമായി ചാഞ്ഞു നിന്നിരുന്ന മരവും ഫയര്‍ഫോഴ്‌സ് മുറിച്ചു മാറ്റി.