പ്ലസ് ടൂ കാലഘട്ടത്തിനിടെ അമ്മയ്ക്ക് സംസാരിക്കണമെന്ന് പറഞ്ഞ് വീട്ടിലേയ്ക്ക് വിളിച്ചുവരുത്തി കിടപ്പറയിലേയ്ക്ക് ക്ഷണിച്ചു; ടിവിയില് സോഫ്റ്റ് പോണ് വീഡിയോ പ്ലേ ചെയ്ത് കിടപ്പറയില് വച്ച് തന്നെ കടന്ന് പിടിച്ച് ചുംബിച്ചു: കുതറിമാറിയ തന്നെ പലതവണ കടന്നുപിടിച്ച് ഇത് ആവർത്തിച്ചു: "പ്ലാൻ ബി"യിൽ നെട്ടോട്ടമോടുന്ന രാഹുൽ ഈശ്വറിനെ വരിഞ്ഞ് മുറുകി യുവതിയുടെ മീ ടൂ വെളിപ്പെടുത്തൽ
ശബരിമല വിഷയം ആളിക്കത്തുമ്പോൾ സ്ത്രീകളെ പ്രവേശിപ്പിച്ചുള്ള ആചാരലംഘനം അനുവദിക്കില്ലെന്ന് വെല്ലുവിളിക്കുന്ന അയ്യപ്പ ധര്മ്മസേന പ്രസിഡന്റ് രാഹുല് ഈശ്വനെതിരെ മീ ടൂ വെളിപ്പെടുത്തലുമായി യുവതി രംഗത്ത്. സുഹൃത്തും ആര്ട്ടിസ്റ്റുമായ സ്ത്രീയുടെ വെളിപ്പെടുത്തലാണ് ആക്ടിവിസ്റ്റ് ഇഞ്ചിപ്പെണ്ണ് തന്റെ ഫേസ്ബുക്ക് പോസ്റ്റിലൂടെ രാഹുൽ ഈശ്വറിന്റെ മറ്റൊരു മുഖം പുറംലോകത്തെ അറിയിച്ചത്.
രാഹുല് ഈശ്വര് വീട്ടിലേക്ക് ക്ഷണിച്ച് വരുത്തി ലൈംഗിക ബന്ധത്തിന് നിര്ബന്ധിച്ചുവെന്നാണ് യുവതിയുടെ ആരോപണം. ടിവിയില് സോഫ്റ്റ് പോണ് വീഡിയോ പ്രദര്ശിപ്പിച്ച രാഹുല് കിടപ്പറയില് വച്ച് തന്നെ കടന്ന് പിടിച്ച് ചുംബിച്ചു. കുതറി മാറിയെങ്കിലും അയാള് പലതവണ ഇത് ആവര്ത്തിച്ചുവെന്നും അവര് പറയുന്നു. ഇക്കാര്യം വ്യക്തമാക്കി അയച്ച വാട്സ്ആപ്പ് സന്ദേശത്തിന്റെ സ്ക്രീന്ഷോട്ട് സഹിതമാണ് ഇഞ്ചിപ്പെണ്ണ് ഫേസ്ബുക്കില് പോസ്റ്റ് ചെയ്തിരിക്കുന്നത്.
പ്ലസ് ടു വിദ്യാഭ്യാസം പൂര്ത്തിയായിരിക്കെ 2003-2004 കാലഘട്ടത്തിലാണ് സംഭവം. സുഹൃത്തായിരുന്ന രാഹുല് തന്നെ വീട്ടിലേക്ക് ക്ഷണിച്ചു. വീട്ടില് അമ്മയുണ്ടെന്നും സംസാരിക്കാമെന്നും പറഞ്ഞായിരുന്നു അയാള് ക്ഷണിച്ചത്. എന്നാല് വീട്ടില് ആരുമുണ്ടായിരുന്നില്ല. ടിവിയില് അയാള് സോഫ്റ്റ് പോണ് സിനിമ പ്രദര്ശിപ്പിച്ചു. എന്ത് ചെയ്യണമെന്നറിയാതെ അസ്വസ്ഥയാകുകയായിരുന്നു താന്. പിന്നീട് അയാള് തന്റെ കിടപ്പറ കാണിച്ചു തന്നു. അവിടെ വച്ച് തന്നെ സ്പര്ശിക്കുകയും ചുംബിക്കുകയും ചെയ്തു. ആദ്യം എന്ത് ചെയ്യണമെന്ന് അറിയില്ലായിരുന്നു. ആ വീട്ടില് കുടുങ്ങിപ്പോയെന്ന് കരുതി. എന്നാല് കുതറി മാറിയെങ്കിലും പല തവണ ഇത് തുടര്ന്നു. ഇതോടെ താന് വീട് വിട്ടിറങ്ങാന് നിര്ബന്ധിതയാകുകയായിരുന്നുവെന്നും യുവതി വ്യക്തമാക്കി.
''അന്ന് സ്ത്രീകളുടെ തുല്യതയ്ക്കായി സംസാരിക്കുന്ന ആളായിരുന്നു രാഹുല്. യുവാക്കള്ക്കിടയില് ഏറെ ശ്രദ്ധിക്കപ്പെട്ടിരുന്നു. ഇന്ന് രാഹുലിനെ എല്ലായിടത്തും കാണുമ്പോള് എന്റെ ഉള്ളില് പഴയ ഓര്മ്മകളെല്ലാം കടന്നു വരികയാണ്. അയാളുടെ വിശ്വാസങ്ങളില് എനിക്ക് സംശയമുണ്ട്. ഇന്ന് അയാള് പറയുന്നതെല്ലാം ആത്മാര്ത്ഥമായാണോ ? ആ കാലഘട്ടത്തിലേതില്നിന്ന് വളരെ വ്യത്യസ്തമാണ് ഇന്നത്തെ അയാളുടെ പ്രവര്ത്തികള്' എന്നാണ് ഇഞ്ചിപ്പെണ്ണ് ഫേസ്ബുക്കിൽ കുറിക്കുന്നത്.
യുവതികള് സന്നിധാനത്തെത്തിയാല് സ്വയം രക്തംവീഴ്ത്തി അശുദ്ധമാക്കി നടയടയ്ക്കാന് പദ്ധതിയിട്ടെന്നു വിവാദ വെളിപ്പെടുത്തല് നടത്തിയ അയ്യപ്പ ധര്മ്മസേന പ്രസിഡന്റ് രാഹുല് ഈശ്വനെ പോലീസ് അറസ്റ്റ് ചെയ്തു. തിരുവനന്തപുരത്തെ നന്ദന്കോട്ടുള്ള ഫ്ളാറ്റില്നിന്ന് എറണാകുളം സെന്ട്രല് പോലീസ് അറസ്റ്റ് ചെയ്തിരുന്നു. ഇതിന് പിന്നാലെ രാഹുലിന് എറണാകുളം ഒന്നാം ക്ലാസ് ജുഡീഷ്യല് മജിസ്ട്രേറ്റ് കർശന ഉപാധികളോടെ ജാമ്യവും അനുവദിച്ചിരുന്നു.
തൊടുന്നതെല്ലാം വിവാദങ്ങളാകുന്ന രാഹുലിന്റെ പ്രസ്താവനകൾ കത്തുമ്പോഴാണ് യുവതിയുടെ മീട്ടൂ വെളിപ്പെടുത്താൽ . സോഷ്യൽ മീഡിയയിൽ ഈ കുറിപ്പ് വൈറലാകുമ്പോഴും ഇതിനെതിരെ ഇപ്പോഴും മൗനം പാലിക്കുകയാണ് രാഹുൽ ഈശ്വർ.
https://www.facebook.com/Malayalivartha
