അടിസ്ഥാന സൗകര്യങ്ങളില്ലാതെ മെഡിക്കല് പ്രവേശനം നടത്തിയ നാല് സാശ്രയ മെഡിക്കല് കോളജുകളിലെ 550 സീറ്റുകള് സുപ്രീംകോടതി റദ്ദാക്കി, മുമ്പ് കണ്ണൂര്, കരുണ മെഡിക്കല് കോളജുകളിലെ 180 സീറ്റുകളിലെ പ്രവേശനം റദ്ദാക്കിയിരുന്നു
അടിസ്ഥാന സൗകര്യങ്ങളില്ലാതെ മെഡിക്കല് പ്രവേശനം നടത്തിയ നാല് സാശ്രയ മെഡിക്കല് കോളജുകളിലെ 550 സീറ്റുകള് സുപ്രീംകോടതി റദ്ദാക്കി. അടിസ്ഥാന സൗകര്യങ്ങളില്ലെന്ന് മെഡിക്കല് കൗണ്സില് ഓഫ് ഇന്ത്യ നല്കിയ ഹര്ജി പരിഗണിച്ചാണ് ഉത്തരവ്. മെഡിക്കല് കൗണ്സിലിന്റെ നിര്ദ്ദേശം ഒഴിവാക്കി നല്കിയ പ്രവേശനാനുമതി ഹൈക്കോടതി ശരിവച്ചിരുന്നു.
തുടര്ന്നാണ് മെഡിക്കല് കൗണ്സില് സുപ്രീംകോടതിയെ സമീപിച്ചത്. തൊടുപുഴ അല് അസര്, പി.കെ ദാസ്, വയനാട് ഡി.എം, വര്ക്കല എസ്.ആര് മെഡിക്കല് കോളജുകളിലെ 550 സീറ്റുകളിലെ പ്രവേശനമാണ് റദ്ദാക്കിയത്. വിധിക്കെതിരെ റിവ്യൂ ഹര്ജി നല്കുമെന്ന് തൊടുപുഴ അല് അസര് മെഡിക്കല് കോളജ് അധികൃതര് അറിയിച്ചു.
മുമ്പ് കണ്ണൂര്, കരുണ മെഡിക്കല് കോളജുകളിലെ പ്രവേശനം സുപ്രീംകോടതി റദ്ദാക്കിയതിനെ തുടര്ന്ന് സസ്ഥാന സര്ക്കാര് ഓര്ഡിനന്സ് ഇറക്കിയിരുന്നു. ഭരണ-പ്രതിപക്ഷ ഭേദമന്യേ പിന്തുണയോടെയായിരുന്നു ഓര്ഡിനന്സ് ഇറക്കിയത്. അത് സുപ്രീംകോടതി റദ്ദാക്കിയിരുന്നു. കോടതിയുടെ അധികാരങ്ങളില് കൈകടത്താന് സര്ക്കാരിന് എന്ത് അവകാശമെന്നും കോടതി അന്ന് ചോദിച്ചിരുന്നു. തുടര്ന്ന് 180 വിദ്യാര്ത്ഥികളുടെ ഭാവി അനിശ്ചിതത്വത്തിലായി.
https://www.facebook.com/Malayalivartha
