സാലറി ചലഞ്ച്; സുപ്രീം കോടതി വിധി ഇടതുസര്ക്കാരിനും ധനമന്ത്രിക്കും കനത്ത തിരിച്ചടിയാണ്; വിസമ്മതപത്രത്തിനെതിരായ സുപ്രീം കോടതി വിധി വന്ന പശ്ചാത്തലത്തില് ധനമന്ത്രി രാജിവക്കണമെന്ന് പി.എസ്. ശ്രീധരന് പിള്ള
സര്ക്കാര് ഉദ്യഗസ്ഥരുടെ ആത്മാഭിമാനം തകര്ക്കുന്ന വിസമ്മതപത്രത്തിനെതിരായ സുപ്രീം കോടതി വിധി വന്ന പശ്ചാത്തലത്തില് ധനമന്ത്രി രാജിവക്കണമെന്ന് ബി.ജെ.പി സംസ്ഥാന അദ്ധ്യക്ഷന് പി.എസ്. ശ്രീധരന് പിള്ള. വിധി വന്നതിനെ തുടര്ന്ന് ഇനി സമ്മതപത്രം സമര്പ്പിച്ചിരുന്നവരില് നിന്നും ധനം സമാഹരിക്കുമെന്നാണ് ധനമന്ത്രി പറയുന്നത്. ഇതിനുള്ള അധികാരമോ അവകാശമോ ഇനി സര്ക്കാരിനില്ലെന്നും ശ്രീധരന് പിള്ള കൂട്ടിച്ചേര്ത്തു.
സാലറി ചലഞ്ചില് ബി.എം.സ് നേതൃത്വത്തിലുള്ള എന്.ജി.ഒ സംഘ് സമര്പ്പിച്ച ഹര്ജിയിലുണ്ടായ സുപ്രീം കോടതി വിധി ഇടതുസര്ക്കാരിനും ധനമന്ത്രിക്കും കനത്ത തിരിച്ചടിയാണ്.ചില യൂണിയനുകള് വിതരണം ചെയ്ത സമ്മതപത്രമാണ് സര്ക്കാരിന് ലഭിച്ചിട്ടുള്ളത്. ഇനി സര്ക്കാരിന് അഭികാമ്യമായുള്ളത് മൊത്തം ജീവനക്കാര്ക്ക് സര്ക്കാര് തന്നെ നേരിട്ട് വിതരണം ചെയ്ത് സമ്മതപത്രം പുതുതായി സ്വീകരിക്കുകയാണ്. ഹൈക്കോടതിയില് നിന്ന് വിധിയുണ്ടായിട്ടും സുപ്രീം കോടതിയെ സമീപിച്ച ഇടതുമുന്നണി സര്ക്കാരിന്റെ ദുര്വാശി ഇക്കാര്യത്തിലെങ്കിലും ഉപേക്ഷിക്കാമായിരുന്നുവെന്നും ശ്രീധരന് പിള്ള ഉപദേശിച്ചു.
https://www.facebook.com/Malayalivartha
