ശബരിമലയില് നടന്ന അക്രമസംഭവങ്ങളില് തിരിച്ചറിഞ്ഞ പ്രതികള്ക്കെതിരെ എന്ത് നടപടിയെടുത്തെന്ന് സര്ക്കാറിനോട് ഹൈക്കോടതി
ശബരിമലയില് നടന്ന അക്രമസംഭവങ്ങളില് തിരിച്ചറിഞ്ഞ പ്രതികള്ക്കെതിരെ എന്ത് നടപടിയെടുത്തെന്ന് സര്ക്കാറിനോട് ഹൈകോടതി. അതിക്രമം നടത്തിയ പൊലീസുകാര്ക്കെതിരെ എന്ത് നടപടിയെടുത്തെന്ന് വിശദീകരിക്കണമെന്നും ഡിവിഷന് ബെഞ്ച് ആവശ്യപ്പെട്ടു. ശബരിമലയില് നാമജപ യജ്ഞത്തില് പങ്കെടുത്ത ഭക്തരടക്കമുള്ളവര്ക്കെതിരെ കേസെടുത്ത് പൊലീസ് പീഡിപ്പിക്കുകയാണെന്നാരോപിച്ച് ശബരിമല ആചാര സംരക്ഷണസമിതി ചെയര്മാന് അനോജ് കുമാര്, സുരേഷ് കുമാര് എന്നിവര് നല്കിയ ഹരജിയിലാണ് സര്ക്കാറിന്റെ വിശദീകരണം തേടിയത്.
ശബരിമലയില് പൊലീസ് അതിക്രമം നടത്തിയെന്ന് ആരോപിച്ച് ഹരജിക്കാര് ചില ചിത്രങ്ങള് കോടതിയില് ഹാജരാക്കി. ഭക്തരെയും കാഴ്ചക്കാരെയുമൊക്കെ പൊലീസ് ഭീഷണിപ്പെടുത്തുന്നതായും ഹരജിക്കാര് ആരോപിച്ചു. പൊലീസുകാരും അതിക്രമം കാട്ടിയെന്നും വാഹനങ്ങള് തകര്ത്തെന്നും അവര് ചൂണ്ടിക്കാട്ടി. പരിഷ്കൃത സമൂഹത്തില് പ്രഫഷനല് പൊലീസ് സംവിധാനമാണ് വേണ്ടതെന്ന് കോടതി അഭിപ്രായപ്പെട്ടു. ഹരജി തിങ്കളാഴ്ച പരിഗണിക്കാന് മാറ്റി.
"
https://www.facebook.com/Malayalivartha
