ഇരുമുടി കെട്ടുമായി ഭക്തരായെത്തിയ ശശികല ടീച്ചറുടേയും കെ. സുരേന്ദ്രന്റേയും അറസ്റ്റിനെ തുടര്‍ന്ന് എല്ലാവരും ഉയര്‍ത്തിയ ചോദ്യമാണ് രഹന ഫാത്തിമയെ എന്ത്‌കൊണ്ട് അറസ്റ്റ് ചെയ്തില്ലായെന്ന്. രഹനയ്ക്ക് പരവതാനി വിരിച്ച പോലീസിന് ഇത് തലവേദനയാണ്. ഹൈക്കോടതി മുന്‍കൂര്‍ ജാമ്യം തള്ളിയതോടെ രഹ്ന ഫാത്തിമയെ കാണാനില്ലെന്ന തരത്തിലാണ് വാര്‍ത്തകള്‍ പറയുന്നത്. അറസ്റ്റ് മുന്നില്‍ കണ്ട് അവര്‍ മുങ്ങിയെന്നാണ് പറയുന്നത്.

അതേസമയം മതവികാരം വ്രണപ്പെടുത്തുന്ന ചിത്രങ്ങളും പരാമര്‍ശങ്ങളും പ്രചരിപ്പിച്ചെന്ന കേസില്‍ ഹൈക്കോടതി മുന്‍കൂര്‍ ജാമ്യം തള്ളിയതോടെ രഹ്ന ഫാത്തിമ സുപ്രീം കോടതിയിലേക്ക് പോകുന്നുവെന്നും പറയുന്നു. പൊലീസ് അറസ്റ്റ് ചെയ്താല്‍ ബി.എസ്.എന്‍.എല്ലിലെ ജോലിയെത്തന്നെ ബാധിച്ചേക്കുമെന്നതിനാലാണ് അടിയന്തരമായി സുപ്രീം കോടതിയെ സമീപിക്കാന്‍ രഹ്ന തയാറെടുക്കുന്നതെന്നാണ് റിപ്പോര്‍ട്ടുകള്‍.

തുലാമാസ പൂജയ്ക്കിടെ പോലീസ് വലയത്തിനുള്ളില്‍ സന്നിധാനത്തു വലിയ നടപ്പന്തല്‍ വരെയെത്തിയ രഹ്നയ്ക്ക് കടുത്ത പ്രതിഷേധം മൂലം മടങ്ങേണ്ടിവന്നിരുന്നു. ശബരിമല യാത്രയുമായി ബന്ധപ്പെട്ട് ഫെയ്‌സ്ബുക്കിലൂടെ പുറത്തുവിട്ട ചിത്രങ്ങളാണ് കേസിനു കാരണം.
ബി.ജെ.പി. നേതാവ് അഡ്വ. ബി. രാധാകൃഷ്ണ മേനോന്‍ പത്തനംതിട്ട പോലീസില്‍ നല്‍കിയ പരാതിയെത്തുടര്‍ന്നാണ് രഹനക്കെതിരേ കേസെടുത്തത്. 

ശബരിമല ഹിന്ദുക്കളുടെ മാത്രം ആരാധനാലയമല്ലെന്നും അയ്യപ്പന്‍ ഹിന്ദുവല്ലെന്നും മറ്റുമുള്ള പരാമര്‍ശങ്ങളാണു രഹ്ന ഫെയ്‌സ്ബുക്കിലൂടെ നടത്തിയത്. ഇതു ഹിന്ദുക്കളുടെ വികാരം വ്രണപ്പെടുത്തിയെന്നാണു പരാതിയിലാണ് രഹ്നക്കെതിരെ കേസ് എടുത്തിരിക്കുന്നത്.