തലശ്ശേരിയില്‍ വീണ്ടും ബിജെപിയും സിപിഎമ്മും തമ്മില്‍ സംഘര്‍ഷം. എരഞ്ഞോളിപ്പാലത്ത് ബിജെപി പ്രവര്‍ത്തകന്‍ ശരത്തിന്റെ വീടിന് നേരെയാണ് ആക്രമണം നടന്നത്. ആക്രമണത്തില്‍ ശരത്തിന്റെ അമ്മ രജിതയ്ക്ക് പരുക്കേറ്റു. വാളുമായെത്തിയ അക്രമികള്‍ അമ്മയുടെ താലിമാല വലിച്ച് പൊട്ടിച്ച ആക്രമികള്‍ അവരുടെ ദേഹത്ത് ചുവപ്പ് പെയിന്റ് ഒഴിക്കുകയും ചെയ്തു. പരിക്കേറ്റ ഇവരെ ഇന്ദിരാഗാന്ധി സഹകരണ ആശുപത്രിയില്‍ പ്രവേശിപ്പിച്ചു. ആക്രമണത്തില്‍ സിപിഎം പ്രവര്‍ത്തകര്‍ക്ക് എതിരെ പോലീസ് കേസെടുത്തിട്ടുണ്ട്.
കൊടിമരം തകര്‍ത്തതിനെ ചൊല്ലി എരഞ്ഞോലിപാലത്ത് നേരത്തെ ഇരുകക്ഷികളും തമ്മില്‍ സംഘര്‍ഷമുണ്ടായിരുന്നു. ഇതില്‍ ബിജെപി നേതാവ് വി. മുരളീധരന്‍ എംപിയുടെ സഹോദരപുത്രന്‍ നവനീതിന് (22) മര്‍ദ്ദനമേറ്റു.