ശബരിമല നിലപാടിലും കെ. സുരേന്ദ്രനെ അറസ്റ്റ് ചെയ്തതിലും പ്രതിഷേധിച്ച് ദേവസ്വം മന്ത്രി കടകംപള്ളി സുരേന്ദ്രനെതിരെ ബിജെപി പ്രവര്ത്തകര് കരിങ്കൊടി കാട്ടി
കെ. സുരേന്ദ്രനെ അറസ്റ്റ് ചെയ്തതിലും ശബരിമല നിലപാടിലും പ്രതിഷേധിച്ച് ദേവസ്വം മന്ത്രി കടകംപള്ളി സുരേന്ദ്രനെതിരെ ബിജെപി പ്രവര്ത്തകര് കരിങ്കൊടി കാട്ടി. തിരുവനന്തപുരം കോര്പറേഷന്റെ വികസന പരിപാടിയുമായി ബന്ധപ്പെട്ട് പട്ടം സെന്റ് മേരീസ് കോളജില് നടത്തിയ പരിപാടിക്ക് മന്ത്രി എത്തിയപ്പോഴാണ് പ്രതിഷേധവുമായി ബിജെപി പ്രവര്ത്തകര് എത്തിയത്.
തിരുവനന്തപുരം നഗരസഭയുടെ മൂന്നാം വാര്ഷികത്തോട് അനുബന്ധിച്ചുള്ള വികസന സെമിനാറില് പങ്കെടുക്കാന് എത്തിയതായിരുന്നു മന്ത്രി കടകംപള്ളി സുരേന്ദ്രന്. തിരുവനന്തപുരം നഗരസഭയിലെ കൗണ്സിലര്മാരുടെ നേതൃത്വത്തില് ഒരു സംഘം മന്ത്രിക്കെതിരെ പ്രതിഷേധവുമായി വേദിയിലേക്ക് അതിക്രമിച്ച് കയറുകയായിരുന്നു. മന്ത്രി വേദിയിലേക്ക് കയറിയതിന് പിന്നാലെ മുദ്രാവാക്യങ്ങളുമായി ഇവര് സ്റ്റേജിലേക്ക് തള്ളികയറി. പിന്നീട് പൊലീസെത്തി പ്രതിഷേധക്കാരെ പുറത്തേക്ക് കൊണ്ടുപാവുകയായിരുന്നു. എന്നാല് ഈ പ്രതിഷേധത്തെ താന് ഗൗരവമായി കാണുന്നില്ലെന്ന് മന്ത്രി പ്രതികരിച്ചു.
സ്കൂളിന് പുറത്തു നിന്ന് കരിങ്കൊടി കാണിച്ച പ്രവര്ത്തകര് പിന്നീട് അകത്തേക്ക് കയറി. സ്റ്റേജിലേക്ക് തള്ളിക്കയറിയ ബിജെപി പ്രവര്ത്തകരെ പോലീസ് ബലംപ്രയോഗിച്ച് നീക്കി. ഏറെനേരം മുദ്രാവാക്യം വിളിച്ച് ഇവിടെ പ്രവര്ത്തകര് പ്രതിഷേധിച്ചു.
https://www.facebook.com/Malayalivartha
