ആയിരക്കണക്കിന് ആളുകളില് മലകയറുമ്പോള് ഒന്നോ രണ്ടോ പേരെയാണ് അറസ്റ്റ് ചെയ്യുന്നത്; സാമാന്യ ബുദ്ധിയുള്ളവര്ക്ക് അത് മനസിലാകും; എസ്പി യതീഷ് ചന്ദ്ര
ശബരിമലയില് ഭക്തരെ അറസ്റ്റ് ചെയ്യുകയാണെന്ന സംഘപരിവാര് വാദങ്ങളോട് പ്രതികരണവുമായി എസ്പി യതീഷ് ചന്ദ്ര. ആയിരക്കണക്കിന് ആളുകളില് മലകയറുമ്പോള് ഒന്നോ രണ്ടോ പേരെയാണ് അറസ്റ്റ് ചെയ്യുന്നത്. അത് എന്തുകൊണ്ടാണെന്ന് സാമാന്യ ബുദ്ധിയുള്ളവര്ക്ക് മനസിലാകുമെന്ന് യതീഷ് ചന്ദ്ര മാധ്യമങ്ങളോട് പറഞ്ഞു. ശബരിമലയില് ഭക്തര്ക്കെതിരേ പൊലീസ് നരനായാട്ട് നടത്തുകയാണെന്ന സംഘപരിവാര് പ്രചരണം ശക്തമാകുന്ന സാഹചര്യത്തിലാണ് യതീഷ് ചന്ദ്രയുടെ വിശദീകരണം.
അതേസമയം കഴിഞ്ഞ ദിവസം ശബരിമലയില് സംഘര്ഷത്തിനൊരുങ്ങി അറസ്റ്റിലായ ഹിന്ദു ഐക്യ വേദി നേതാവ് ശശികല വീണ്ടും സന്നിധാനത്തെത്തി. ദര്ശനം നടത്തി മടങ്ങിക്കൊള്ളാം എന്നാ ഉറപ്പിലാണ് അവരെ പൊലീസ് മലകയറാന് അനുവദിച്ചത്. അങ്ങനെ ഒരു ഉറപ്പ് തരാനാകില്ലെന്നു ആദ്യം നിലപാടെടുത്ത അവര് പൊലിസ് നിലപാട് കര്ശനമാക്കിയപ്പോള് വഴങ്ങുകയായിരുന്നു.
ആറുമണിക്കൂറില് കൂടുതല് സന്നിധാനത്തു തുടരാനാവില്ല, പ്രാര്ഥനായജ്ഞമോ പ്രതിഷേധമോ സംഘടിപ്പിക്കരുത് തുടങ്ങിയ നിര്ദേശങ്ങൾ അംഗീകരിച്ചതായി ഒപ്പിട്ടു നല്കിയ ശേഷമാണ് യാത്രയ്ക്ക് അനുമതി നല്കിയത്. പേരക്കുട്ടിയുടെ ചോറൂണിനാണു സന്നിധാനത്തേക്ക് പോകുന്നതെന്നും ശശികല അവകാശപ്പെട്ടു.
അതേസമയം ശബരിമല സന്നിധാനത്ത് നടന്ന കൂട്ട അറസ്റ്റില് ജുഡീഷ്യല് അന്വേഷണം വേണം എന്ന് ശ്രീധരന് പിള്ള.നിരോധനാജ്ഞ ലംഘിച്ചതിന്റെ പേരില് കൂട്ടത്തോടെ അയ്യപ്പഭക്തരെ അറസ്റ് ചെയ്തത്എശെരിയായില്ല എന്നും ജാമ്യമില്ലാ വ്യവസ്ഥപ്രകാരം കേസെടുക്കുന്നത് അയ്യപ്പന്മാരോട് ചെയുന്ന അന്യായമാണ് എന്നും ശ്രീധരന് പിള്ള വ്യക്തമാക്കി .
പൊലീസ് രാജ് ആണ് ശബരിമലയില് പോലീസുകാര് നടപ്പാക്കുന്നത് എന്നും കൂടാതെ എക്സിക്യൂട്ടീവ് മജിസ്ട്രേറ്റുമാര് പിണറായിയുടെ ചട്ടുകമായി മാറുകയാണ് എന്നും ശ്രീധരന് പിള്ള ആരോപിച്ചു .ഇതൊക്കെ കാരണമാണ് കെ.സുരേന്ദ്രന് ജയിലില് ആയത് എന്നും ശ്രീധരന് പിള്ള പറഞ്ഞു .
https://www.facebook.com/Malayalivartha