അയ്യപ്പ ജ്യോതി പ്രയാണം 7 സംസ്ഥാനങ്ങളിൽ ... ഹൈന്ദവ സംഘടനകൾക്ക് പിന്നാലെ ശിവസേന കൂടി ശബരിമല ഏറ്റെടുക്കുമ്പോൾ
ശബരിമല പ്രശ്നം ദേശീയ പ്രതിഷേധമായി ഒരുക്കുവാന് തയ്യാറെടുത്ത് ശിവസേന. ശബരിമലയിൽ ആചാരസംരക്ഷണം വേണമെന്നും അതുകൊണ്ട് തന്നെ രാജ്യത്തെ ഏഴു സംസ്ഥാനങ്ങളില് അയ്യപ്പജ്യോതി പ്രയാണം സംഘടിപ്പിക്കുമെന്നും വിവിധ സംസ്ഥാനങ്ങളിലെ ശിവസേന നേതാക്കള് മുംബൈയില് പറഞ്ഞു.
സെപ്റ്റംബർ 2 8 ന് ചരിത്ര പ്രസിദ്ധമായ സുപ്രീം കോടതി വിധി വന്ന ശേഷം അത് നടപ്പാക്കാനെന്ന വ്യാജേന പമ്പയിലും സന്നിധാനത്തും അയ്യപ്പഭക്തര്ക്കെതിരെ പോലീസ് അനാവശ്യ നടപടി സ്വീകരിക്കുകയാണെന്ന് കേരള പ്രമുഖ് എം.എസ്. ഭുവനചന്ദ്രന് കുറ്റപ്പെടുത്തി. നൂറ്റാണ്ടുകള് പഴക്കമുള്ള ആചാരം തകര്ക്കുന്നതിനുള്ള ഗൂഢ ശ്രമമാണ്അഇതിനുപിന്നിൽ നടക്കുന്നതെന്നും അവര് പറഞ്ഞു.
ശബരിമലയിലെ നിരോധനാജ്ഞ ഉത്തരവ് പിന്വലിച്ച് സന്നിധാനത്ത് നിന്നും പോലീസിനെ പിന്വലിക്കണമെന്നും ഭുവനചന്ദ്രന് ആവശ്യപ്പെട്ടു . മുംബൈയില് ചേര്ന്ന ശിവസേന യോഗത്തിന് ശേഷമാണ് വെളിപ്പെടുത്തലുമായി നേതാക്കള് മാധ്യമങ്ങളെ കണ്ടത്.
ശിവസേന കര്ണാടക സംസ്ഥാന നേതാക്കളായ രാജുഭവാനി, മധുകര് മുദ്രാടി, ഹൈദരാബാദ് ശിവസേന സിറ്റി അധ്യക്ഷന് അര്ജുന്യാദവ്, അയ്യപ്പ രക്ഷാസമിതി മഹാരാഷ്ട്ര ഓര്ഗനൈസിങ് സെക്രട്ടറി ബാലന് നായര്, ശിവസേന കേരള വക്താവ് അഡ്വ. ഹരികുമാര് എന്നിവര് പങ്കെടുത്തിരുന്നു.
https://www.facebook.com/Malayalivartha
