ശബരിമലയില്‍ പ്രശ്നങ്ങൾക്ക് തുടക്കമിട്ടതോടെ ദേവസ്വം ബോർഡിന് സംഭവിച്ച നഷ്ട്ടം ചെറുതൊന്നുമല്ല കാണിക്കവഞ്ചികൾ കാലിയായതിന് പിന്നാലെയാണ് എരുമേലിയിൽ ദേവസ്വം ബോർഡിന്‍റെ കടകള്‍ ഏറ്റെടുക്കാന്‍ ആളില്ലാതെ നഷ്ടത്തിലാകുന്നത്. എരുമേലിയിൽ ദേവസ്വം ബോർഡിന്റെ 29 കടകൾ എടുക്കാൻ ആളില്ലാതെ പ്രതിസന്ധിയിലാകുന്നത്. തീർത്ഥാടകരുടെ തിരക്ക് കുറവായതിനാൽ കരാർ തുക കുറച്ചാൽ മാത്രമേ കടയെടുക്കാൻ കഴിയൂവെന്നാണ് കരാറുകാരുടെ നിലപാട്. 56 കടകൾക്കായി എരുമേലിയിൽ ദേവസ്വം ബോർഡ് ആറ് പ്രാവശ്യമാണ് ലേലം നടത്തിയത്.

കഴിഞ്ഞ പ്രാവശ്യത്തെ ലേലത്തുകയേക്കാൾ 30 ശതമാനം കുറച്ചാണ് അവസാനലേലം നടന്നത്. മണ്ഡലകാലം തുടങ്ങിയ ശേഷം നടത്തിയ ലേലത്തിൽ പോയ 14 കടകൾ ഉൾപ്പടെ 27 കടകൾ മാത്രമാണ് കരാറുകാർ എടുക്കാൻ തയ്യാറായത്. കരാർ തുക കുറച്ച് കൊടുക്കാൻ പ്രായോഗിക ബുദ്ധിമുട്ടുണ്ടെന്നാണ് ദേവസ്വം ബോർഡിന്റെ വിശദീകരണം. അതേസമയം ശബരിമല മണ്ഡല-മകരവിളക്ക് തീര്‍ഥാടനത്തോടനുബന്ധിച്ച്, സന്നിധാനം, പമ്പ/നിലയ്ക്കല്‍/മറ്റു സ്ഥലങ്ങള്‍ എന്നിവിടങ്ങളിലെ വെജിറ്റേറിയന്‍ ഭക്ഷണ സാധനങ്ങളുടെ വില നിശ്ചയിച്ച് ജില്ലാ കളക്ടര്‍ ഉത്തരവായി.

വിലവിവരം ഭക്ഷണ സാധനം, അളവ്, സന്നിധാനത്തെ വില, മറ്റിടങ്ങളിലെ വില എന്ന ക്രമത്തില്‍:ചായ/കാപ്പി-150 മി.ലി, 11, 10, ചായ/കാപ്പി (മധുരം ഇല്ലാത്തത്)-150 മി.ലി, 9,8, കടുംകാപ്പി/കടുംചായ- 150 മി.ലി, 9,8, ഇന്‍സ്റ്റന്റ് കാപ്പി/മെഷീന്‍ കാപ്പി- 150 മി.ലി, 15,15, ബോണ്‍വിറ്റ/ഹോര്‍ലിക്സ് – 150 മി.ലി, 20,20, പരിപ്പുവട/ഉഴുന്നുവട- 40 ഗ്രാം, 10,10, ബോണ്ട- 75 ഗ്രാം, 10,10, ഏത്തയ്ക്കാപ്പം (പകുതി ഏത്തയ്ക്ക)- 50 ഗ്രാം, 11,10, ബജി- 30ഗ്രാം, 8,7, ദോശ/ഇഡ്ലി (1 എണ്ണം) ചട്നി, സാമ്പാര്‍ ഉള്‍പ്പെടെ- 50ഗ്രാം, 9,8, ചപ്പാത്തി-40 ഗ്രാം, 10,10, പൂരി (1 എണ്ണം) മസാല ഉള്‍പ്പെടെ- 40ഗ്രാം, 9,8, പൊറോട്ട (1 എണ്ണം)- 50ഗ്രാം, 10,10, പാലപ്പം/ഇടിയപ്പം-50ഗ്രാം, 9,8, നെയ്റോസ്റ്റ്-150 ഗ്രാം, 38,35, മസാല ദോശ- 200 ഗ്രാം, 45,40, പീസ് കറി/കടലക്കറി/കിഴങ്ങ് കറി-100 ഗ്രാം, 25,25, ഉപ്പുമാവ്-200 ഗ്രാം, 22,20, ഊണ് (പച്ചരി/പുഴുക്കലരി)-സാമ്പാര്‍, മോര്, രസം, പുളിശേരി, തോരന്‍, അവിയല്‍, അച്ചാര്‍ ഉള്‍പ്പെടെ-60,60, ആന്ധ്രാ ഊണ്-60,60, വെജിറ്റബിള്‍ ബിരിയാണി-350 ഗ്രാം, 60,60, കഞ്ഞി (പയര്‍, അച്ചാര്‍ ഉള്‍പ്പെടെ)-750 മി.ലി, 35,30, കപ്പ-250ഗ്രാം-30, 25, തൈര് സാദം-45,43, നാരങ്ങാസാദം-43,40, തൈര് ഒരു കപ്പ്-12,10, വെജിറ്റബിള്‍ കറി/ഡാല്‍ കറി-100ഗ്രാം, 20,20, ടൊമാറ്റോ ഫ്രൈ-125 ഗ്രാം, 30,30, പായസം -75 മി.ലി, 15,12, ഒനിയന്‍/ടൊമാറ്റോ ഊത്തപ്പം-125 ഗ്രാം, 55,50.