ഭക്തരെ തടയുന്ന കരിനിയമങ്ങൾ കാറ്റിൽ പരത്തി യു ഡി എഫ് മരണമാസ്സായി. എസ് പി യതീഷ് ചന്ദ്ര ഉൾപ്പടെ ഉള്ള ഉദ്യോഗസ്ഥർ ആർക്കു വേണമെങ്കിലും മുകളിലേക്ക് പോകാം എന്ന് കെഞ്ചി പറയുന്നത് ഏറെ കൗതുകമായി . ആദ്യം യതീഷ് ചദ്രയുമായി സംസാരിച്ചപ്പോൾ നാല് എം എൽ എ മാർക്കും പഞ്ചായത്ത് പ്രസിഡന്റിനും മാത്രം സന്നിധാനത്ത് പോകാം എന്നാണു പറഞ്ഞിരുന്നത്. എന്നാൽ പ്രതിഷേധം കടുത്തതോടെ എസ പി മാറിനിന്നു ഉയർന്ന ഉദ്യോഗസ്ഥരോട് ഫോണിൽ സംസാരിച്ചു. അതിനു ശേഷമാണ് യു ഡി എഫ് സംഘത്തിന് സ്വന്തം വാഹനത്തിൽ പോകാമെന്നു പറഞ്ഞത് . ബാക്കി ഉള്ളവർക്ക് കെ എസ ആർ ടി സി സൗകര്യവും ഒരുക്കി

ആർക്കു വേണമെങ്കിലും സന്നിധാനത്തേക്ക് പോകാം. ആരെയും തടുക്കില്ല എന്ന് പറഞ്ഞതോടെ ഫലത്തിൽ പോലീസ് തന്നെ നിരോധനാജ്ഞ ലംഘിക്കാമെന്ന നിലപാട് എടുത്തു എന്ന് വേണമെങ്കിൽ പറയാവുന്ന സാഹചര്യമാണ് ഇപ്പോൾ നിലയ്ക്കലിൽ ഉണ്ടായത്. ആർക്കും സന്നിധാനത്തിലേക്കു പോകാം , അവിടെ പ്രശ്ങ്ങൾ ഉണ്ടാക്കരുത്എന്ന് മാത്രമേ ഉള്ളൂ എന്ന് എസ പി യതീഷ് ചന്ദ്ര ആവർത്തിച്ചു പറഞ്ഞു.

യു ഡി എഫ് നേതാക്കൾ ഇപ്പോൾ നിലയ്ക്കൽ ബസ് ക്യാമ്പിലേക്ക് പോകും എന്നാണു അറിയിച്ചത് . അവിടുത്തെ സൗകര്യങ്ങൾ വിലയിരുത്തിയതിനു ശേഷം സംഘം സന്നിധാനത്തേക്ക് പോകുമെന്നാണ് അറിയുന്നത്