എസ് ബി ഐ നെറ്റ് ബാങ്കിങ് സൗകര്യം ബാങ്ക് അക്കൗണ്ട് വിവരങ്ങള്ക്കൊപ്പം മൊബൈല് നമ്പര് നൽകിയവർക്ക് മാത്രം
ബാങ്ക് അക്കൗണ്ട് വിവരങ്ങള്ക്കൊപ്പം മൊബൈല് നമ്പര് നല്കാത്തവരുടെ ഇന്റര്ബാങ്കിങ് സംവിധാനം അടുത്തമാസം മുതല് നിര്ത്തലാക്കും. ഡിസംബര് ഒന്നുമുതല് ഇത് പ്രാബല്യത്തിൽ വരും
ഇതുവരെ എസ്.ബി.ഐ. അക്കൗണ്ടുമായി മൊബൈല് നമ്പര് ബന്ധിപ്പിച്ചിട്ടില്ലാത്തവര് നവംബര് 30ന് മുന്പ് അക്കൗണ്ടുള്ള ബ്രാഞ്ചില് ബന്ധപ്പെട്ട് മൊബൈല് നമ്പര് നല്കണം.
നെറ്റ് ബാങ്കിങ് ഉപയോഗിക്കുന്നവര്ക്ക് വെബ്സൈറ്റില് ലോഗിന് ചെയ്ത് മൊബൈല് നമ്പര് നല്കിയിട്ടുണ്ടോ എന്ന് പരിശോധിക്കാം..യൂസര്നെയിമും പാസ്വേഡും നല്കി നെറ്റ്ബാങ്കിങ് സൈറ്റില് ലോഗിന് ചെയ്തശേഷം മൈ അക്കൗണ്ട്സ് ആന്റ് പ്രൊഫൈല് എന്ന ടാബില് ക്ലിക്ക് ചെയ്യണം. തുടര്ന്ന് ലഭ്യമാവുന്ന ഡ്രോപ്പ് ഡൗണ് മെനുവില് നിന്ന് പ്രൊഫൈല് തെരഞ്ഞെടുത്ത് പേഴ്സണല് ഡീറ്റെയില്സ്/മൊബൈല് എന്ന ഓപ്ഷൻ നോക്കാവുന്നതാണ്. .
പ്രൊഫൈല് പാസ്വേഡ് നൽകിയാൽ നിങ്ങളുടെ പേര്, ഇ-മെയില് വിലാസം, മൊബൈല് നമ്പര് തുടങ്ങിയവ കാണാം. . ഇതില് മൊബൈല് നമ്പര് ഉണ്ടെങ്കില് നിങ്ങളുടെ നെറ്റ് ബാങ്കിങ് സൗകര്യം തടസ്സപ്പെടില്ല. മൊബൈല് നമ്പര് രജിസ്റ്റര് ചെയ്തിട്ടില്ലാത്തവര് ബാങ്കുമായി നേരിട്ട് ബന്ധപ്പെടണം.
മൊബൈല് നമ്പര് നല്കാത്തവര്ക്ക് നെറ്റ് ബാങ്കിങ് ഉപയോഗിക്കാന് മാത്രമേ തടസ്സമുള്ളൂ. മറ്റ് സേവനങ്ങള് ഒന്നും തടസ്സപ്പെടില്ല. അക്കൗണ്ടും എടിഎം കാര്ഡുമൊക്കെ ഉപയോഗിക്കുന്നതിനു തടസ്സമുണ്ടാകില്ല
https://www.facebook.com/Malayalivartha
