'തൃപ്തി ദേശായിക്ക് ആര്ത്തവം'; ജനം ടിവിയുടെ ലോഗ് ഉപയോഗിച്ച് വാര്ത്ത പ്രചരിപ്പിച്ചവര്ക്ക് എട്ടിന്റെ പണി
ജനം ടിവിയുടെ ലോഗ് ഉപയോഗിച്ച് സോഷ്യല് മീഡിയയില് പ്രചരിക്കുന്ന വ്യാജ വാര്ത്തയ്ക്കെതിരെ നടപടി സ്വീകരിക്കാന് ഒരുങ്ങിയിരിക്കുകയാണ് ജനം ടിവി. തൃപ്തി ദേശായിക്ക് മാസമുറ തുടങ്ങിയതായി സൂചന എന്നെഴുതി ജനം ടിവിയുടെ 'ബിഗ് ബ്രേക്കിങ്ങ്' എന്ന പേരിലാണ് സോഷ്യല് മീഡിയയില് ഈ വാര്ത്ത പ്രചരിക്കുന്നത്. ഈ വാര്ത്തക്കെതിരെ ചാനല് പോലീസില് പരാതി നല്കിക്കഴിഞ്ഞു. അതേസമയം. തൃപ്തി ദേശായി ക്രിസ്ത്യാനി ആണെന്ന തരത്തില് ജനം വാര്ത്ത നല്കിയിരുന്നു. ഇതിനെതിരെ നിയമനടപടി സ്വീകരിക്കുമെന്ന് തൃപ്തിയും വ്യക്തമാക്കിയിട്ടുണ്ട്.
'ഇന്നലെ മുതല് തൃപ്തിക്ക് ആര്ത്തവം തുടങ്ങിയതായി സൂചന' ജനം ടിവി ബിഗ് ബ്രേക്കിങ്ങ് എന്നിങ്ങനെയുള്ള വാര്ത്തകളാണ് ജനം ടിവി സ്ക്രീനില് എഡിറ്റ് ചെയ്ത് ചേര്ത്തത്ത ചിത്രത്തിനൊപ്പം പ്രചരിക്കുന്നത്. സംഭവത്തില് നിയമ നടപടിയുമായി മുന്നോട്ട് നീങ്ങുകയാണ് ചാനല്. വ്യാജ വാര്ത്തയ്ക്കെതിരെ ജനം ടിവി സൈബര് സെല്ലിലും വഞ്ചിയൂര് പോലീസ് സ്റ്റേഷനിലും പരാതി നല്കി. ജനം ടിവി ചീഫ് എഡിറ്റര് ജി.കെ സുരേഷ് ബാബുവാണ് പരാതി നല്കിയത്.
ചാനല് സംപ്രേഷണം ചെയ്യാത്ത വാര്ത്ത ജനം ടിവി ലോഗോയുടെ പേരില് പ്രചരിപ്പിച്ച് മാധ്യമത്തിന്റെ പ്രതിച്ഛായ തകര്ക്കാന് ശ്രമിച്ചെന്ന് ചൂണ്ടിക്കാട്ടി
യാണ് പരാതി നല്കിയിരിക്കുന്നത്. ചാനലിന്റെ സ്ക്രീന് ചിത്രം ഉപയോഗിച്ച് എഡിറ്റ് ചെയ്ത് ചേര്ത്ത ചിത്രവുമായി ട്രോളുണ്ടാക്കി പ്രചരിപ്പിച്ച ട്രോള് സംഘ് എന്ന പേജിന്റെ ടീം മെംബേഴ്സ് ആയ അമല് രാമചന്ദ്രന് , ബിനില് ദിലീപ് എന്നിവര്ക്കെതിരെയാണ് പരാതി നല്കിയത്.
റോയി പൊള്ളയില് , ഓം ഭരദ്വാജ് , ജോസ് സാമുവേല് , ജ്യോതിഷ് നായര് , രശ്മി വിജയന് ,സഖാവ് ഫൈസല് മണ്ണാര്ക്കാട് , സുനില് കെസി എളയാവൂര്, ഷൈന് ദീപു തുടങ്ങിയവര്ക്കെതിരേയും പ്രചരണം ഏറ്റെടുത്തവര്ക്കെതിരേയും പരാതി നല്കിയിട്ടുണ്ടെന്ന് അഴിമുഖം റിപ്പോര്ട്ട് ചെയ്തു.
സുപ്രീം കോടതി ഉത്തരവിന്റെ പശ്ചാത്തലത്തിലാണ് ഭൂമാതാ ബ്രിഗേഡ് നേതാവ് തൃപ്തി ദേശായിയും ആറ് യുവതികളും ശബരിമല ദര്ശനത്തിനായി കേരളത്തില് എത്തിയത്. കൊച്ചി വിമാനത്താവളത്തില് ഇറങ്ങിയ സംഘത്തിന് പക്ഷേ പ്രതിഷേധത്തെ തുടര്ന്ന് പുറത്തിറങ്ങാന് പോലും സാധിച്ചില്ല. ഒടുവില് വിമാനത്താവളത്തിനുള്ളില് 17 മണിക്കൂറോളം കഴിഞ്ഞ് ഒടുവില് അവര്ക്ക് പൂനയിലേക്ക് മടങ്ങി പോകേണ്ടി വന്നു. അതേസമയം തൃപ്തി വിമാനത്താവളത്തില് ഇറങ്ങിയത് മുതല് ചാനലുകളില് എല്ലാം തൃപ്തിയുടെ വരവും പ്രതിഷേധവുമെല്ലാം ലൈവായി വാര്ത്തകളായി.ഇതിനിടയില് ഞെട്ടിക്കുന്ന ഒരു ബിഗ് ബ്രേക്കിങ്ങും ജനം ടിവി നല്കി.
തൃപ്തി ദേശായി ക്രിസ്ത്യന് മതം സ്വീകരിച്ചെന്നായിരുന്നു ആ ബ്രേക്കിങ്ങ്. പിന്നാലെ ക്രിസ്ത്യന് മിഷണറികളുമായി തൃപ്തി ദേശായി ബന്ധപ്പെടുന്നുണ്ടെന്നും വാര്ത്ത നല്കി. അതേസമയം തനിക്കെതിരെ വ്യാജ വാര്ത്ത പടച്ച് വിട്ട ജനം ടിവിക്കെതിരെ നിയമനടപടി സ്വീകരിക്കുമെന്ന് തൃപ്തി ദേശായി വ്യക്തമാക്കി. വാര്ത്തയില് ഒരാഴ്ചക്കകം മാപ്പ് പറയണമെന്നും ഇല്ലേങ്കില് ചാനലിനെതിരെ നിയമനടപടി സ്വീകരിക്കുമെന്നുമാണ് തൃപ്തി ദേശായി പറഞ്ഞത്.
https://www.facebook.com/Malayalivartha
