ശബരിമയില്‍ ചുമതലയുള്ള ഐ.ജി വിജയ് സാഖറയ്ക്കും എസ്.പി യതീഷ് ചന്ദ്രയ്ക്കും എതിരെ ഹൈക്കോടതിയുടെ രൂക്ഷവിമര്‍ശനം. സന്നിധാനത്തിന്റെ ചുമതലയുള്ള ഐ.ജി വിജയ് സാഖറയ്ക്കും നിലയ്ക്കലിലെ സ്‌പെഷ്യല്‍ ഓഫീസര്‍ യതീഷ്ചന്ദ്രയ്ക്കും എതിരെ ക്രിമിനല്‍ കേസില്ലേ എന്ന് കോടതി ചോദിച്ചു. ഇരുവര്‍ക്കും മലയാളം അറിയില്ലേ? ഡി.ജി.പി അയച്ച സര്‍ക്കുലര്‍ ഇവര്‍ വായിച്ച് നോക്കിയില്ല. മലയാളം അറിയാമെങ്കില്‍ ശരണമന്ത്രങ്ങള്‍ വിളിക്കുന്നത് എന്ത് കൊണ്ട് ഇവര്‍ കുറ്റമായി കാണുന്നു. ശരണമന്ത്രങ്ങള്‍ ചൊല്ലുന്നത് തടയരുതെന്നും കോടതി നിര്‍്‌ദ്ദേശിച്ചു. യതീഷ് ചന്ദ്രയുടെ ശരീരഭാഷതന്നെ ശരിയല്ല. ഐ.ജിയുടെയും എസ്.പിയുടെയും വിശദാംശങ്ങള്‍ ഹാജരാക്കണം. എന്ത് കൊണ്ട് ഇവരെ നിയമിച്ചെന്ന് സര്‍ക്കാര്‍ വ്യക്തമാക്കണമെന്നും കോടതി ആവശ്യപ്പെട്ടു.

ഭക്തര്‍ക്ക് സംഘമായോ ഒറ്റയ്‌ക്കോ പോകാമെന്ന് കോടതി ജില്ലാ കളക്ടര്‍ക്ക് നിര്‍ദ്ദേശം നല്‍കി. പുതുവൈപ്പിന്‍ സമരത്തില്‍ സ്ത്രീകളെയും കുട്ടികളെയും തല്ലിച്ചതച്ചവരെയുമാണോ ശബരിമലയുടെ സുരക്ഷാ ചുമതല ഏല്‍പ്പിക്കുന്നത്. കോണ്‍ഗ്രസ് നേതാക്കള്‍ എത്തിയപ്പോള്‍ യതീഷ് ചന്ദ്ര വിനീതവിധേയനായി നിന്നു. ഏത് സാഹചര്യത്തിലാണിതെന്ന് ഇത് എന്ന് വ്യക്തമാക്കണം. എന്ത് കൊണ്ട് അവരെ അറസ്റ്റ് ചെയ്തില്ല. ചില രാഷ്ട്രീയപാര്‍ട്ടികളോട് മാത്രം എസ്.പി ഇത്തരം സമീപനം സ്വീകരിക്കുന്നത് എന്ത് കൊണ്ടാണെന്നും കോടതി ചോദിച്ചു. സമ്പത്ത് കേസില്‍ ആരോപണവിധേയനായ വിജയ് സാഖറയുടെ കാര്യവും കോടതി എടുത്ത് ചോദിച്ചു. ശബരിമലയുടെ സുക്ഷാചുമതലയ്ക്ക് വേറെ ആരേയും കിട്ടിയില്ലേ എന്നും കോടതി ചോദിച്ചു. 

ഭക്തരുടെ പശ്ചാത്തലങ്ങള്‍ അന്വേഷിക്കുന്ന സര്‍ക്കാര്‍ സുരക്ഷാചുമതലയുള്ള പൊലീസ് ഉദ്യോഗസ്ഥരുടെ പശ്ചാത്തലം എന്ത് കൊണ്ട് അന്വേഷിക്കുന്നില്ലെന്നും കോടതി ചോദിച്ചു. ശരണം വിളിച്ചാല്‍ ഇടപെടാന്‍ പിടില്ലെന്നും അക്രമം നടന്നാല്‍ ഇടപെടാമെന്നും കോടതി ജില്ലാ മജിസ്‌ട്രേറ്റിന് നിര്‍ദ്ദേശം നല്‍കി. 

കെ.പി ശശികല രണ്ടാമത് മലകയറാന്‍ എത്തിയപ്പോഴും കെ.സുരേന്ദ്രനെ അറസ്റ്റ് ചെയ്തപ്പോഴും വളരെ രൂക്ഷമായാണ് യതീഷ് ചന്ദ്ര പെരുമാറിയത്. അതേസമയം കഴിഞ്ഞ ദിവസം യു.ഡി.എഫ് നേതാക്കള്‍ പമ്പയിലേക്ക് നിരോധനാജ്ഞ ലംഘിച്ച് പോയപ്പോള്‍ ഇദ്ദേഹം മാന്യമായി പെരുമാറുകയും ചെയ്തു. ഇന്ന് രാവിലെ കേന്ദ്രമന്ത്രി പൊന്‍രാധാകൃഷ്ണന്‍ ശബരിമലയിലേക്ക് പോകാന്‍ നിലയ്ക്കലില്‍ എത്തിയപ്പോഴും പരുഷമായാണ് എസ്.പി പെരുമാറിയത്. മന്ത്രിയുടെ ഔദ്യോഗിക വാഹനം കടത്തിവിടാന്‍ എസ്.പി യതീഷ് ചന്ദ്ര തയ്യാറായില്ല.