ശബരിമല യുവതീപ്രവേശനത്തിനെതിരെ പ്രതിഷേധിച്ചവർക്കെതിരെ മുൻ സർക്കാരിന്റെ കാലത്തെടുത്ത കേസുകൾ പിൻവലിക്കുന്നത് പരിഗണനയിലെന്ന് മന്ത്രി കെ.മുരളീധരൻ . തിരുവനന്തപുരം പ്രസ്‌ക്ലബിലെ മീറ്റ് ദ പ്രസ് പരിപാടിയിലായിരുന്നു പ്രതികരണം.

യുവതീ പ്രവേശനത്തിൽ ഉമ്മൻചാണ്ടി സർക്കാരിന്റെ നിലപാടാണ് യു.ഡി.എഫ് സർക്കാരിനുള്ളത്. സ്വർണക്കൊള്ളക്കേസിൽ പ്രത്യേക അന്വേഷണ സംഘത്തെ നിയോഗിച്ചത് ഹൈക്കോടതിയാണ്. കോടതിയുടെ നിർദ്ദേശമില്ലാതെ മറ്റൊരു നടപടിയുമെടുക്കാൻ കഴിയില്ല. പുനഃപരിശോധന ഉണ്ടാകുമോയെന്ന ചോദ്യത്തിന് മുഖ്യമന്ത്രിയും ആഭ്യന്തര മന്ത്രിയും ദേവസ്വം മന്ത്രിയും തുടർകാര്യം ചർച്ച ചെയ്യുമെന്നും അദ്ദേഹം പറഞ്ഞു.