ശബരിമലയിൽ അടിസ്ഥാന സൗകര്യങ്ങൾ ഒരുക്കുന്നതിൽ സർക്കാർ പൂർണമായും പരാജയപ്പെട്ടതായി പ്രതിപക്ഷ നേതാവ് രമേശ് ചെന്നിത്തല. ഓലപ്പുരയെങ്കിലും നിർമ്മിക്കാൻ സർക്കാർ തയ്യാറാകാത്തത് ഭക്തർ ശബരിമലയിലേക്ക് എത്തരുതെന്ന മുഖ്യമന്ത്രിയുടെ നിർബന്ധബുദ്ധിയാണ് എന്നും അദ്ദേഹം കുറ്റപ്പെടുത്തി. തന്റെ ഫേസ്ബുക്‌പോസ്റ്റിലൂടെയായിരുന്നു ചെന്നിത്തലയുടെ പ്രതികരണം.

രമേശ് ചെന്നിത്തലയുടെ ഫേസ്ബുക്‌പോസ്റ്റിന്റെ പൂർണ രൂപം ഇങ്ങനെ;

ശബരിമലയിൽ അടിസ്ഥാന സൗകര്യങ്ങൾ ഒരുക്കുന്നതിൽ സർക്കാർ പൂർണമായും പരാജയപ്പെട്ടു. ഓലപ്പുരയെങ്കിലും നിർമ്മിക്കാൻ സർക്കാർ തയ്യാറാകാത്തത് ഭക്തർ ശബരിമലയിലേക്ക് എത്തരുതെന്ന മുഖ്യമന്ത്രിയുടെ നിർബന്ധബുദ്ധിയാണ്. ശബരിമല തീർത്ഥാടനം അട്ടിമറിക്കാനുള്ള ശ്രമത്തിന് ബി ജെ പി കുടപിടിക്കുന്നു. സി പി എം - ബിജെപി അവിശുദ്ധ കൂട്ടുകെട്ട് ആണ് ഇവിടെ തെളിയുന്നത്. ഭക്തർക്ക് സൗകര്യമായി ദർശനം നടത്താൻ സർക്കാർ അവസരം ഒരുക്കണം. ജനങ്ങളുടെ പ്രതികരണമാണ് സഭയിൽ പ്രതിഫലിക്കുന്നത്. സഭ നിർത്തിവച്ച് രക്ഷപ്പെടാനാണ് സർക്കാർ ശ്രമം. ചോദ്യോത്തരവേള നിർത്തിവച്ചു അടിയന്തര പ്രമേയമായി ഈ വിഷയം ചർച്ച ചെയ്യണം എന്ന പ്രതിപക്ഷത്തിന്റെo ആവശ്യം സർക്കാർ അംഗീകരിക്കുന്നില്ല.

പ്രതിഷേധം ഇനിയും തുടരും