കെഎസ്ആര്ടിസിയിലെ സൗജന്യയാത്ര ഔദാര്യമല്ല അഭിമാനമാണ്.... പ്രിയദര്ശിനി' ബസ് യാത്രാ പദ്ധതിയുടെ സംസ്ഥാനതല ഉദ്ഘാടനം നിര്വഹിച്ച് മുഖ്യമന്ത്രി വിഡി സതീശൻ
കെഎസ്ആര്ടിസിയിലെ സൗജന്യയാത്ര ഔദാര്യമല്ലെന്നും അഭിമാനമാണെന്നും മുഖ്യമന്ത്രി വിഡി സതീശൻ. ഇത് കെഎസ്ആര്ടിസിയെ പ്രതിസന്ധിയിലാക്കുന്ന തീരുമാനമല്ലെന്നും ഭാവിയില് സര്ക്കാര് തുക വേണ്ടെന്ന് കെഎസ്ആര്ടിസി തന്നെ പറയുമെന്നും മുഖ്യമന്ത്രി . 'പ്രിയദര്ശിനി' ബസ് യാത്രാ പദ്ധതിയുടെ സംസ്ഥാനതല ഉദ്ഘാടനം നിര്വഹിച്ച് സംസാരിക്കുകയായിരുന്നു വിഡി സതീശന്.
സര്ക്കാരിനെ സംബന്ധിച്ച് ഇത് അഭിമാനനിമിഷമാണ്. അധികാരത്തിലെത്തിയിട്ട് ഒരു മാസമാകുന്നതിന് മുന്പ് ജനങ്ങള്ക്ക് നല്കിയ വാഗ്ദാനം പാലിക്കാന് പറ്റിയ ചാരിതാര്ഥ്യത്തിലാണ് താന് ഇവിടെ നില്ക്കുന്നതെന്ന് മുഖ്യമന്ത്രി . സര്ക്കാര് സ്ത്രീകള്ക്ക് നല്കുന്ന ഔദാര്യമല്ല ഇത്. ഈ പദ്ധതിക്ക് സാമൂഹ്യവും സാമ്പത്തികവുമായ പ്രതിഫലനങ്ങള് ഉണ്ടാക്കാൻ കഴിയും. സര്ക്കാരിന്റെ വണ്ടിയില് യാത്ര ചെയ്യുകയെന്നത് സ്ത്രീകളെ സംബന്ധിച്ച് അഭിമാനമാണെന്നും മുഖ്യമന്ത്രി പറഞ്ഞു.
സ്ത്രീകള്ക്ക് സൗജന്യം നല്കിയാല് അത് സമ്പാദ്യമാകും. ആ പണം സര്ക്കാരിന് കിട്ടുമെന്നും എന്നാല് പുരുഷന്മാര്ക്ക് സൗജന്യം നല്കിയാല് ആ പണം വീട്ടിലെത്തില്ലെന്നും അത് എവിടെ പോകുമെന്ന് ഏവര്ക്കും അറിയാമെന്നും മുഖ്യമന്ത്രി പറഞ്ഞു.
സൗജന്യയാത്ര മൂലം ഇത്രയും രൂപ മാറ്റിവയ്ക്കാനായി സ്ത്രീകള്ക്ക് കഴിയും. അതുപോലും എന്ത് ചെയ്യണമെന്ന് അവര് തീരുമാനിച്ചിട്ടുണ്ട്. സര്ക്കാര് 800 കോടിയാണ് ഈ പദ്ധതിക്കായി മുടക്കുന്നത്. പരിപാടിയില് മന്ത്രി സി.പി.ജോണ് അധ്യക്ഷത വഹിച്ചു. ഉദ്ഘാടനശേഷം മുഖ്യമന്ത്രിയും മന്ത്രിമാരും ജനപ്രതിനിധികളും ബസില് യാത്ര ചെയ്തു തമ്പാനൂര് സെന്ട്രല് ബസ് സ്റ്റേഷനില്നിന്നു സെക്രട്ടേറിയറ്റ് വരെയാണ്ത്ര യാത്ര. സംസ്ഥാനത്തെ എല്ലാ ഡിപ്പോകളിലും ജനപ്രതിനിധികളുടെ നേതൃത്വത്തില് പ്രാദേശികതല ഉദ്ഘാടനങ്ങളും നടന്നു.
"
https://www.facebook.com/Malayalivartha
