അയ്യപ്പ ഭക്തരുടെ വികാരം വ്രണപ്പെടുത്തിയ രഹ്ന ഫാത്തിമയെ പൊലീസ് കസ്റ്റഡിയില് വിട്ടു കിട്ടണമെന്ന അപേക്ഷയില് വിധി പറയുന്നത് കോടതി മാറ്റി വച്ചു
യുവതീ പ്രവേശനവുമായി ബന്ധപ്പെട്ട് അയ്യപ്പ ഭക്തരുടെ വികാരം വ്രണപ്പെടുത്തിയെന്ന കേസില് അറസ്റ്റിലായ ആക്ടിവിസ്റ്റും നടിയുമായ രഹന ഫാത്തിമയെ പൊലീസ് കസ്റ്റഡിയില് വിട്ടുകിട്ടണമെന്ന അപേക്ഷ പത്തനംതിട്ട കോടതി വിധി പറയാനായി മാറ്റി. അപേക്ഷയില് പത്തനംതിട്ട ചീഫ് ജുഡീഷ്യല് മജിസ്ട്രേറ്റ് കോടതി നാളെ വിധി പറയും. കൊട്ടാരക്കര സബ് ജയിലില് റിമാന്ഡില് കഴിയുന്ന രഹനാ ഫാത്തിമയെ രാവിലെ കോടതിയില് ഹാജരാക്കിയിരുന്നു. തുടര്ന്ന് കേസില് വാദം കേട്ട കോടതി വിധി പറയാനായി നാളത്തേക്ക് മാറ്റുകയായിരുന്നു.
ശബരിമലയില് യുവതീ പ്രവേശനം അനുവദിച്ച് കൊണ്ട് സുപ്രീം കോടതി വിധി വന്നതിന് പിന്നാലെ മതവികാരം വ്രണപ്പെടുത്തുന്ന രീതിയില് രഹനാ ഫാത്തിമ ഫേസ്ബുക്കില് പോസ്റ്റിട്ടെന്ന ബി.ജെ.പി നേതാവ് ബി.രാധാകൃഷ്ണ മേനോന്റെ പരാതിയിലാണ് കേസെടുത്തത്. തുടര്ന്ന് രഹനാ ഫാത്തിമ നല്കിയ മുന്കൂര് ജാമ്യാപേക്ഷ ഹൈക്കോടതി തള്ളിയിരുന്നു. അറസ്റ്റിന് പിന്നാലെ അന്വേഷണ ബി.എസ്.എന്.എല് രഹനാ ഫാത്തിമയെ അന്വേഷണ വിധേയമായി സസ്പെന്ഡ് ചെയ്തിരുന്നു.
പത്തനംതിട്ട പൊലീസാണ് രഹനയെ കൊച്ചിയിലെത്തി അറസ്റ്റ് ചെയ്തത്. മതവികാരം വ്രണപ്പെടുത്തുന്ന രീതിയില് രഹന ഫാത്തിമ ഫേസ്ബുക്കിലിട്ട പോസ്റ്റിനെതിരെ ബിജെപി കഴിഞ്ഞ മാസം 20 ന് പരാതി നല്കിയിരുന്നു. പത്തനംതിട്ട ടൗണ് സി ഐ യുടെ നേതൃത്വത്തിലുള്ള സംഘമാണ് രഹനയെ അറസ്റ്റ് ചെയ്തത്. ഫേസ്!ബുക്ക് പോസ്റ്റിലൂടെ മതസ്പര്ദ്ദ ഉണ്ടാക്കിയെന്ന കേസില് 27നായിരുന്നു രഹ്ന ഫാത്തിമ റിമാന്ഡിലായത്.
തുലാമാസ പൂജയ്ക്കായി ശബരിമല നട തുറന്ന സമയത്ത് ആന്ധ്രയില് നിന്നുള്ള മാധ്യമ പ്രവര്ത്തകയ്ക്കൊപ്പം ദര്ശനം നടത്താന് രഹന ഫാത്തിമ ശ്രമിച്ചിരുന്നു. ഇവര്ക്ക് പൊലീസ് സംരക്ഷണമൊരുക്കിയതിനെതിരെ രൂക്ഷ പ്രതിഷേധം ഉയര്ന്നിരുന്നു. പൊലീസ് കനത്ത സുരക്ഷയൊരുക്കിയെങ്കിലും അയ്യപ്പഭക്തരുടെ കടുത്ത പ്രതിഷേധത്തെത്തുടര്ന്ന് നടപ്പന്തലില് നിന്ന് മടങ്ങുകയായിരുന്നു.
അറസ്റ്റിന് പിന്നാലെ ബിഎസ്എന്എല് ജീവനക്കാരിയായിരുന്ന രഹന ഫാത്തിമയെ അന്വേഷണ വിധേയമായി സസ്പെന്റ് ചെയ്തതിരുന്നു. ബിഎസ്എന്എല് പാലാരിവട്ടം ഓഫീസില് ടെലികോം ടെക്നിഷന് ആയിരുന്ന രഹനയെ അന്വേഷണ വിധേയമാണ് സസ്പെന്റ് ചെയ്തിരിക്കുന്നത്.
https://www.facebook.com/Malayalivartha
