ഇസ്രത്ത് ജഹാന് വ്യാജ ഏറ്റുമുട്ടല് കേസില് പ്രധാനമന്ത്രി നരേന്ദ്രമോദിക്കും അമിത്ഷായ്ക്കും പങ്കുണ്ടെന്ന് പറയുന്ന മുല്ലപ്പള്ളി രാമചന്ദ്രന് അവര്ക്കെതിരെ നടപടിയെടുക്കാതെ രക്ഷിക്കുകയാണ് ചെയ്തതെന്നും കോണ്ഗ്രസ് ഇക്കാര്യം പരിശോധിക്കണമെന്നും മുഖ്യമന്ത്രി
പ്രധാനമന്ത്രി നരേന്ദ്രമോദി പറഞ്ഞിട്ടാണ് താന് ബഹ്റയെ ഡി.ജിപിയാക്കിയതെന്ന കെപി.സി.സി അധ്യക്ഷന് മുല്ലപ്പള്ളി രാമചന്ദ്രന്റെ പ്രസ്താവനയ്ക്ക് ശക്തമായ മറുപടിയുമായി മുഖ്യമന്ത്രി പിണറായി വിജയന് രംഗത്ത് . നരേന്ദ്രമോദി പറഞ്ഞാല് പിണറായി വിജയന് കേള്്ക്കുമെന്ന് പിണറായി വിജയനെ അറിയാവുന്നവരാരും പറയില്ല. മോദി പറയുന്നത് കേള്ക്കാനല്ല എല്.എഡി.എഫ് സര്ക്കാര് അധികാരത്തിലേറിയത്.
ഈ സര്ക്കാര് അധികാരത്തില് വന്നപ്പോള് സെന്കുമാറിനെ മാറ്റി ബഹ്റയെ ഡി.ജി.പിയാക്കി. അല്ലാതെ ശബരിമലയില് സ്ത്രീകളെ കയറ്റണമെന്ന സുപ്രീംകോടതി വിധിക്ക് എതിര് നില്ക്കുന്ന പൊലീസ് ഉദ്യോഗസ്ഥനെ ആക്കണമായിരുന്നോ എന്നും ഡി.ജി.പി ജേക്കബ് തോമസിനെ പരോക്ഷമായി വിമര്ശിച്ച് മുഖ്യമന്ത്രി ചോദിച്ചു. ഡിജിപി പദവിയിലിരിക്കാന് ബഹ്റ യോഗ്യനാണെന്നും മുഖ്യമന്ത്രി പറഞ്ഞു.
ഇസ്രത്ത് ജഹാന് വ്യാജ ഏറ്റുമുട്ടല് കേസില് പ്രധാനമന്ത്രി നരേന്ദ്രമോദിക്കും അമിത്ഷായ്ക്കും പങ്കുണ്ടെന്നും അവരെ സംരക്ഷിച്ചത് എന്.ഐ.എ ഉദ്യോഗസ്ഥനായിരുന്ന ബഹ്റയാണെന്നുമാണ് മു്ല്ലപ്പള്ളി പറയുന്നത്. അങ്ങനെയെങ്കില് മുല്ലപ്പള്ളി എന്ത് കൊണ്ട് നടപടി എടുത്തില്ല. കോണ്ഗ്രസ് 10 കൊല്ലം അധികാരത്തിലിരുന്നല്ലോ. ഇത് മു്ല്ലപ്പള്ളിയുടെ കഴിവ്കേടിനെയാണ് വ്യക്തമാക്കുന്നത്. കേന്ദ്രആഭ്യന്തരസഹമന്ത്രിയായിരിക്കെ ആഴ്ചയില് ഏഴ് ദിവസവും മുല്ലപ്പള്ളി വടകരയിലായിരുന്നു. ചില സംഘടനകളെ തകര്ക്കുകയായിരുന്നു ലക്ഷ്യം. ഫയലില് ഉള്ളകാര്യം അഞ്ച് വര്ഷത്തിന് ശേഷം വെളിപ്പെടുത്തുന്നത് ശരിയാണോ? ഫയല് കണ്ടിരുന്നെന്ന് അദ്ദേഹം പറയുന്നു. എങ്കില് എന്ത് കൊണ്ട് നടപടി സ്വീകരിച്ചില്ല.
ആഭ്യന്തരമന്ത്രിയായിരുന്ന പി.ചിദംബരം സഹമന്ത്രിയായ മുല്ലപ്പള്ളിയ പ്രധാനപ്പെട്ട പേപ്പറുകള് പോലും കാണിച്ചിരുന്നില്ലെന്നാണ് അറിയുന്നതെന്നും മുഖ്യമന്ത്രി പറഞ്ഞു. മോദിക്കും അമിത്ഷായ്ക്കും എതിരെ നടപടിയെടുക്കാത്തതിനെ കുറിച്ച് ചിദംബരം മറുപടി പറയണം. മോദിയേയും അമിത്ഷായേയും രക്ഷിച്ച് ചിദംബരത്തിന്റെ നടപടിയെ ആഭ്യന്തരസെക്രട്ടറിയായിരുന്ന ജി.കെ പിള്ള വിമര്ശിച്ചിരുന്നു. അക്കാര്യം മുല്ലപ്പള്ളി മറച്ചവെച്ചു. അഥവാ ചിദംബരം ഫയല് കണ്ടില്ലെങ്കില് അദ്ദേഹത്തെ കൊണ്ട് നടപടി എടുപ്പിക്കേണ്ടതിന് പകരം ഇപ്പോള് തന്റെ കഴിവ് കേട് മുല്ലപ്പള്ളി പറയുന്നത് ശരിയാണോ? കോണ്ഗ്രസ് നേതൃത്വം ഇക്കാര്യം പരിശോധിക്കണം. മുല്ലപ്പള്ളി ഔദ്യോഗികരഹസ്യങ്ങള് പരസ്യമാക്കുന്നത് ശരിയല്ല. ഇതുവരെ ഈ രഹസ്യം മൂടിവെച്ചത് വിശ്വസനീയമല്ലെന്നും മുഖ്യമന്ത്രി വ്യക്തമാക്കി.
https://www.facebook.com/Malayalivartha
