ശബരിമല, വനിതാ മതില് വിഷയങ്ങളില് എന് എസ് എസിന്റെ നിലപാട് വിശ്വാസികള്ക്ക് ആത്മവിശ്വാസം നല്കുന്നതാണെന്ന് കെ.സുരേന്ദ്രന്, വിശ്വാസികള്ക്ക് ഒപ്പം നില്ക്കുന്നവരെ എന്.എസ്.എസ് പിന്തുണയ്ക്കുമെന്ന പ്രസ്താവന ശുഭപ്രതീക്ഷ നല്കുന്നെന്നും ബി.ജെ.പി നേതാവ്
രാഹുല്ഗാന്ധിയെ പ്രധാനമന്ത്രിയാക്കാനാണ് സി.പി.എം ശ്രമിക്കുന്നതെങ്കില് എല്.ഡി.എഫ് പിരിച്ച് വിട്ട് യു.ഡി.എഫില് ലയിക്കണമെന്ന് ബി.ജെ.പി സംസ്ഥാന ജനറല് സെക്രട്ടറി കെ.സുരേന്ദ്രന് പരിഹസിച്ചു. ഒളിച്ചുകളി സി പി എം അവസാനിപ്പിക്കണം.
പിണറായി എം.കെ സ്റ്റാലിന്റെ പ്രഖ്യാപനത്തോട് പ്രതികരിക്കാതെ ഇരുന്നത് എന്തു കൊണ്ടാണ് ? രാഹുല് ഗാന്ധിയെ പ്രധാനമന്ത്രി സ്ഥാനാര്ഥിയാക്കാം എന്ന രാഷ്ട്രീയ നിലപാടിലേക്ക് സി പി എം എത്തിയോ എന്നും സുരേന്ദ്രന് ചോദിച്ചു. സര്ക്കാരിനും മുഖ്യമന്ത്രിക്കുമെതിരെ എന്.എസ്.എസ് ജനറല് സെക്രട്ടറി ജി.സുകുമാരന് നായര് നടത്തിയ വിമര്ശനങ്ങളെ സുരേന്ദ്രന് സ്വാഗതം ചെയ്തു.
എന് എസ് എസിന്റെ നിലപാട് വിശ്വാസികള്ക്ക് ആത്മവിശ്വാസം നല്കുന്നെന്നും കെ.സുരേന്ദ്രന് പറഞ്ഞു. വിശ്വാസികള്ക്ക് ഒപ്പം നില്ക്കുന്നവരെ എന്.എസ്.എസ് പിന്തുണയ്ക്കുമെന്ന പ്രസ്താവന ശുഭപ്രതീക്ഷ നല്കുന്നുണ്ട്. ശബരിമലയുടെ പേര് പറഞ്ഞാല് വനിതാ മതില് പൊളിയുമെന്നതിനാലാണ് കോടിയേരി ബാലകൃഷ്ണന് പാര്ട്ടി നിലപാട് മാറ്റിയതെന്നും സുരേന്ദ്രന് ആരോപിച്ചു. ശബരിമല ദര്ശനത്തിനെത്തിയ കെ.സുരേന്ദ്രനെ പൊലീസ് അറസ്റ്റ് ചെയതപ്പോള് എന്.എസ്.എസിന്റെ മുഖപത്രമായ സര്വ്വീസസ് വിമര്ശനം ഉന്നയിച്ചിരുന്നു. ഇരുമുടികെട്ടുമായി പോകുന്നവരെ അറസ്റ്റ് ചെയ്യുന്നത് ശരിയാണോ എന്നും മുഖപത്രം ചോദിച്ചിരുന്നു.
സുരേന്ദ്രനെ അറസ്റ്റ് ചെയ്ത ശേഷം മുമ്പത്തെ പല കേസുകളും പൊടിതട്ടിയെടുത്ത് ജയിലില് കിടത്തിയപ്പോഴും എന്.എസ്.എസ് പ്രതിഷേധവുമായി രംഗത്തെത്തിയിരുന്നു. അത് പോലെ കെ.പി ശശികല ടീച്ചറെ അറസ്റ്റ് ചെയ്തപ്പോഴും അവരോട് എസ്.പി യതീഷ് ചന്ദ്ര പരുഷമായി പെരുമാറിയപ്പോഴും എന്.എസ്.എസ് രംഗത്തെത്തിയിരുന്നു. എന്നാല് ആര്.എസ്.എസിന്റെയും ബി.ജെ.പിയുടെയും ശബരിമല സമരം അക്രമാസക്തമായപ്പോള് എന്.എസ്.എസ് പതിയെ പിന്മാറുകയും ചെയ്തിരുന്നു. ഇപ്പോഴും സമദൂരം കൈവിട്ടിട്ടില്ലെന്നും തങ്ങളെ പിന്തുണയ്ക്കുന്നവരെ രാഷ്ട്രീയമായി സഹായിക്കില്ലെന്നും അദ്ദേഹം പറയുന്നുണ്ട്. എന്നാലിത് എത്രത്തോളം യാഥാര്ത്്ഥ്യമാണെന്ന് കാത്തിരുന്ന് കാണാം.
അതേസമയം അവര്ണരെ ക്ഷേത്രത്തില് കയറ്റാനും വഴിനടക്കാനും സമരം നടത്തിയ മന്നത്ത്പത്മനാഭന്റെ പിന്മുറക്കാര് അതിന് വിരുദ്ധമായ നിലപാടാണ് സ്വീകരിക്കുന്നതെന്ന് സി.പി.എം സംസ്ഥാന സെക്രട്ടറിയേറ്റ് അംഗം ആനത്തലവട്ടം ആനന്ദന് ചൂണ്ടിക്കാട്ടി. എന്.എസ്.എസ് എന്ത് നിലപാട് സ്വീകരിച്ചാലും സി.പി.എമ്മിന് പ്രശ്നമില്ലെന്നും അതിന് അവര്ക്ക് സ്വാതന്ത്ര്യമുണ്ടെന്നും അദ്ദേഹം പറഞ്ഞു. ശബരിമല യുവതീപ്രവേശനത്തിനെതിരെ ആദ്യം തെരുവിലിറങ്ങിയത് എന്.എസ്.എസ് ആണ്. തുടര്ന്നാണ് മറ്റ് രാഷ്ട്രീയ പാര്ട്ടിക്കാരും സമരവുമായി രംഗത്തെത്തിയത്.
https://www.facebook.com/Malayalivartha
